• 瀏覽: 6,165
  • 回覆: 22
  • 追帖: 5
本主題由 gordon823 於 2021-8-29 09:21 PM 使用 提升卡 道具
[隱藏]
https://youtu.be/6LNHB3odk54

【星夢郵輪】雲頂夢號4日3夜公海遊2021(Full)

係香港出唔到去旅行成2年實在太壓抑。。好在係疫情前去左一去旅行,今次有得去郵輪旅行實在太開心了!本來諗住book普通露台房,但見到加埋服務費其實都3000幾,最後都係覺得去旅行就要去得舒服d,book左皇宮套房✌🏻

其實郵輪上面唔多野玩,但係去4日3夜都好足夠!除左繩索、滑梯、攀石,另一個好去處,係6樓,因為呢到成日都有活動參加,詳情要睇返你當日個list有d咩,第3晚我地就有個咩恐怖箱體驗,要蒙住眼估箱入邊係咩😂都幾有趣!有時呢度有教跳舞、早上有做運動,仲有Bingo參加。大多數都係比較親子d,都岩大人細佬去玩。同場仲有得聽歌,今次我地有兩pair人唱,有兩個年輕d,有兩個唱d老歌,你怎麼捨得我難過、追等等,可以坐係個度叫杯酒/飲品點歌/聽歌。


攀石同繩索同一個地方、係隔離。呢個攀石都排左幾耐,因為人手不足,只係開左一條line。由片可見,如果你唔驚就好快玩完,如果你驚就玩耐d😂小朋友可能會驚d,我地可能40秒就KO左。所以大人黎講,玩繩索會好玩d,因為佢最尾個part可以飛返過去,係海上面😆😆😆值得一提係記得帶長褲!!要過膝頭,如果唔係無得玩,見好多人都無帶長褲😂我都無帶,最後去左15樓買左條699個運動褲🤦🏻‍♀️

之後係我地第3天晚上吃的鐵板燒,有個師傅係我地面前表演😂雜技。當晚大概有10幾組人食,一組6-8人左右,每組一個師父,你可以簡食鐵板燒,仲有日式料理,eg:燒三文魚飯/饅魚飯,或者簡食火鍋。呢個都係包係我地個皇宮套餐,免費左,但如果你想食其他/點飲品就要另外加錢。今餐食得幾開心,因為師傅同我地有互動。會建議大家簡牛肉同帶子個個餐,好食d😋😋雞肉配蝦個個隻蝦麻麻地,可能本身都唔係中意食蝦,又覺得出面d蝦洗唔乾淨😂同埋唔識食,蝦頭d膏我又覺得好似s咁😂。所以帶子同牛肉應該比較合大眾,見我地隔離個4個全部都簡哂牛肉同帶子個餐😛太識食了吧!所以,呢間餐廳d服務同野食質素係幾日黎講算最好。

另外,值得一提係皇宮餐廳都唔錯,第一日上船個日既晚餐同3日早餐,2日下午茶同2晚宵夜都係皇宮餐廳食,質素都唔錯。而且,玩完繩索/滑梯口渴仲可以係皇宮餐廳飲杯冰凍橙汁解解渴️開心🥳

個人認為第三晚食個個火鍋唔好食,辣味湯底無辣味,番茄湯底無番茄味🙁好彩係食火鍋前去左個happy hour歎左杯酒,同埋食火鍋前早左少少到,睇到日落🌄心情好返噃😂個天好靚✌🏻

總括黎講,無得出去旅遊情況下,今次旅遊都幾開心🥳見到d人話咩無以前咁好,又無包呢樣個樣。個人認為去旅遊都係去放鬆下,開心完味算✌🏻

#雲頂夢號 #星夢郵輪 #cruise #Seacation #香港遊vlog #雲頂夢號4日3夜進入香討影片區



熱賣及精選
我想問吓船上賭場大唔大,多唔多人?


引用:
原帖由 何必有我 於 2021-8-27 08:01 AM 發表

我想問吓船上賭場大唔大,多唔多人?
都有兩層l中間位置  係賭場,應該有廿張賭檯咁上下。唔知算唔算多?



提示: 作者被禁止或刪除 內容自動屏蔽
[隱藏]
引用:
原帖由 何必有我 於 2021-8-27 08:01 AM 發表

我想問吓船上賭場大唔大,多唔多人?
都多人賭






上船除咗賭, 仲有其他玩嘢喎。


有冇星夢學員唱live


人一世物一世下次去都想試吓住皇宮套房。


[隱藏]



引用:
原帖由 kimtaksu 於 2021-8-29 07:23 AM 發表

上船除咗賭, 仲有其他玩嘢喎。
係啊,仲有繩索、攀石、滑梯,泳池(細,浸水,游不了水),睇電影、劇場、gym。仲有自費活動:保齡球、唱K、瑜伽、水療



引用:
原帖由 kawee 於 2021-8-29 08:35 AM 發表

有冇星夢學員唱live
有就好😛,但無
鍾柔美👍



引用:
原帖由 Simonsaid 於 2021-8-29 09:46 AM 發表

人一世物一世下次去都想試吓住皇宮套房。
係啊,反正都無咁快出到香港



我想問下呢狗狗可唔可以上船?


[隱藏]
引用:
原帖由 kawee 於 2021-8-29 02:47 PM 發表

我想問下呢狗狗可唔可以上船?
唔得😂



主題標籤 #郵輪 #香港
提示:支持鍵盤翻頁左 右
[按此隱藏 Google 建議的相符內容]