• 瀏覽: 845
  • 回覆: 8
"中國改朝換代 , 乃換一姓人做皇帝" ...
應該係我等80後年輕聽過既言論 , 其實都幾奇怪 , 因為即使係清朝
都早係1911年就己經滅亡 , 距離我地己經有百年之久 ,
我地何必百年前既事覺得自己好落後???

回到主題 ... 小弟呢一句可以斷句為兩部份 :
"中國" 以及 "改朝換代 , 乃換一姓人做皇帝" ... 前者係針對中國
後者係描述事實 , 講真其實無咩好反駁~~

但既然全句有針對 "中國" 既部份 , 我地又睇下中國又同其他國家 ,
其實有咩分別???

因為今次講既係 "改朝換代" ,
就不納入伊朗地區 波斯 > 安息 > 新波斯 既由帝國取代帝國既例子

而以小弟理解 , 唔計越南  朝鮮呢 D照抄中國模式既國家 ,
而係帝國內部有 "改朝換代" 既國家 ,
最多人知既恐怕都係英國  法國  德國等西方國家 ... 當中既英國 ,
自征服者威廉之後所謂既 "改朝換代" , 其實都只係男性無嗣 ,
轉為由身為外國貴族既女性旁支後繼任任 ,
係轉承上根本無斷過 ...

法國既 "改朝換代" 大至同英國相同 , 只係由外國貴族既女性旁支 ,
變成國內貴族既旁支 ...

德國前身神羅既 "選帝候" 大家都知拉 , 神羅本身就係輕散既國家 ,
"改朝換代" 由基本係選帝侯決定 , 但可以肯既係 ,
英法德所謂既改朝換代 , 對國家既上下層建築 , 其實無咩大換變 ...

相反 , 睇返中國既 "改朝換代" 又係咩樣???
首先講漢取代秦 ... 話就話 "漢承秦制" , 但漢朝其實係以功臣集團
完全取代左秦朝既朝庭官員 , 係法  稅等都有好大程度改變 ,
加上後來既察舉制 , 都係完全唔同秦朝 ...

到左隋唐之際 , 雖然我之前都一直笑稱 , 係關隴集團內部一次換老板
但李淵點都係實打實咁 , 將個江山打返黎架 ,
係由自己軍閥時期既骨幹 , 主導返新王朝既朝庭 ...

後來元 > 明 > 清 , 基本都係以新勢力 , 完全取代舊勢力既形式更替
相反西方王朝 , 先更加係 "改朝換代 , 乃換一姓人做皇帝" 而矣 ...

[ 本帖最後由 派閥政治 於 2021-9-11 08:02 AM 編輯 ]



其實相對西方國家 , 閒閒地一個體系用成千年 ,
中國反而幾乎每一次改朝換代 , 都會換一次體系 ...

希望大家唔好 "凡西方就是好" 拉 !!!



另外好奇問一下 , 神羅既選帝侯制度 , 其實同春秋既會盟定霸 ,
有無咩唔同???

點解中國幾百年間慢慢統一 , 神羅係反法戰爭前都無進展???



講真 , 睇返世界歷史會發展 , 歐洲中古史係非常講階層 ,
基本上出生係咩階層 , 死果陣都會係咩階層 ...

咁講拉 , 即使係中國古代被認為 , 階層觀念最重既東晉
南北朝等等 , 階級流動性都係歐洲中古大倍以上 !!!



[隱藏]
大家真係無呢個感覺咩???

睇西方古裝劇 , 好似<權力的遊戲>咁 , 真係領主既仔係領主階層
(唔係直接承繼 , 都係會係主要大臣) ;
武士既祖上幾乎一定係武士 ... 基本一個平民逆襲既都無 !!!

但係你睇東晉--南北朝 , 時唔時比一個呂蒙  陶侃  檀道濟  劉牢之
劉裕等等平民逆襲 ... 邊個階層無流動 , 其實好明顯拉 !!!



不過唸唸下,東晉至南北朝都係一個幾特別既時代。。。一般亂世其實易打亂階級,
因為好大程度都係軍功為王,好似五代咁,軍妓可以升到做皇后,以至太后;
軍妓之子可以上位做皇帝,可以話係中國史上,階層流動最快既時代!


但同樣作為亂世,東晉南北朝就岩岩相反,係先秦時期以外,被視為最唔流動既時期



唸唸下 , 小弟其實唔係好明 , 點解春秋戰國500多年間 , 中國會慢慢步向統一 ;
但神聖羅馬帝國 , 就係拿破崙戰爭前 , 都一直無咁既傾向???

為左避免有槓精抬槓 , 小弟都係講清楚先 ...
係 , 後來普魯士的確統一左德意志 , 但呢 D都係拿破崙戰爭後 , 先至出現既 ...
普魯士因為打敗拿破崙上 , 建功頗豐 , 所以得到戰後瓜分大量土地 ,
一舉成為歐陸僅次俄  法  奧  西既第5大帝國 , 由此先出現 "橫掃六合" 之勢 !!!

可能都仲係有人會抬槓 ... 秦國都係要到戰國中期開始 , 先有 "橫掃六合" 之勢
呢點我同意 , 但係另一方面由春秋列國百餘 , 到戰國初期十餘國 ,
再由七雄歸於一統 ... 基本大勢上都係步向統一

相反 , 神聖羅馬帝國既前身係東法蘭克 ...
好坦白講 , 我其實唔係好搞得清 , 東法蘭克係點變成神聖羅馬 , 只知道東法蘭克
中央權力都仲好過神聖羅馬 ... 自神聖羅馬出現到拿破崙戰爭 ,
基本就睇唔到任何步向統一既苗頭

或者又有人會講哈堡斯堡王朝 , 但我反而覺得佢更加證明 , 佢無統一傾向 ...
哈堡斯堡王朝即使唔計西班牙 , 只計神聖羅馬內既領地 , 就都可以話係個巨無霸 ,
所以體量上佢絕對如秦鯨吞列國既本錢 !!!
但結果佢都無咁做 ... 甚至連奧匈本部都並唔統一

之前 , 好多人討論過歐洲點解無如中國一樣統一 , 但我覺得歐洲太大拉 ,
加上地形上既多變 , 地理上就有更多分裂空間 ...
不過神聖羅馬就唔同 , 佢之前(東法蘭克)同之後(德意志) , 都係相對統一既國家 ,
點解偏偏係神聖羅馬時期就咁 "散裝" ???



講真 , 其實神聖羅馬細東周咁多 , 按理統一會易過中國好多 ,
但事實上岩岩相反 , 係拿破崙戰爭前 , 完全無走向統一既徵兆 ...

我覺得咁樣己經唔可以用地理去解釋 ...
始終德國國內既地理變化 , 唔可能比中國全國更大吧 ,
所以我開始覺得 , 歐洲(或者應該話係日耳曼人???)文化係傾向 ,
係傾向分 , 而唔傾向合 ...

但唸唸下都唔係太通 ... 中國既分封制 , 係諸侯之內一樣有卿大夫
著名既晉國六卿  鄭國七穆  魯國三桓 , 都可謂國中有國 ,
到底點神聖羅馬長期分裂 , 而中國會統一???



西歐打黎打去好無謂 早D東擴波籣 烏克籣仲好 
查理曼帝國分家做壞咗頭 註定超越唔到羅馬帝國 拜占庭又唔爭氣 越做越縮



[按此隱藏 Google 建議的相符內容]