• 瀏覽: 10,446
  • 回覆: 30
  • 追帖: 1
[隱藏]
因為邪神被擘開一半都合得番,
因為屎忽痕老天尊死而復生再無里頭死多次,
因為屎忽痕要白朗虐殺蚩尤。
一次跌幾千,兩次又跌幾千,所以文傳斬䌫!!



熱賣及精選
引用:
原帖由 劍13 於 2021-9-15 10:44 AM 發表


呢兩個都係導火線!
之前舊角色出返無跟人設。
死左既角色又出返。
呢D種種都係跌書原因,邊個做盜匪先生都會收返啦!
隻生金蛋既鵝日日瘦D,唔驚就假既

呢本野其實編劇緊要過畫面。編得唔好錯漏百出就話係創作風格係講唔通既!
最頭痛係要老天尊復活嘅目的係要延續鐵五郎嘅壽命,應死嘅鐵五郎唔洗死,唔多似要死嘅蚩尤卻死到直一直。
用蚩尤嚟煲起白朗,我覺得係得不償失,而家蚩尤死咗,白朗煲唔起,失敗!!



引用:
原帖由 samsonwilliams 於 2021-9-15 02:32 PM 發表

道理好簡單。版權人人都可以買。
一年合約完成。
有人出更高價錢。
一方衡量過市場不值得競爭。
商業社會價高者得。才高九斗都無用。
實際數字我唔清楚!
但易地而處,我係新買家,我要出手比鄺監製高,(我估應該唔係高少少),仲要接受文傳容許別家出龍虎門外傳搶自己生意,呢條數好難計得掂喎!
另鄺監製如果出新新龍賺到錢,無理由咁易放棄囉!
至於文傳,做生不如做熟,既然俾得中華英雄鄺監製做,大家關係應該唔差啩,佢之前大鑼大鼓搬寫字樓似係想做3本週刊喎!
莫非新買家眞係以本傷人,出嘅價錢令文傳不可抗拒??焗住犧牲鄺監製,而文傳心中有愧就俾個優惠價鄺監製出中華英雄補償番??



引用:
原帖由 05ho 於 2021-9-15 05:34 PM 發表

大家似乎不知道一樣野,龍虎門一年版權費好貴!可以話買樓夠俾首期!
去年鄺生根本負擔不起,不是一個人出晒。全靠公司所有股東夾錢的。
一年過去,新龍冇錢賺了!仲要開始蝕本了。所以公司股東們不肯再夾錢!
導致新龍要轉手了!港漫已經是蝕本生意。不明白為什麼會有人接手繼續做?錢多嗎?
咁中苹英雄版權費唔平啩?鄺生做龍虎門蝕,難道唔怕做中華英雄蝕多鑊?
咁有股東自然一齊夾啦,唔係要股東嚟做乜?
所謂買樓俾首期係1成首期定5成首期?係天比高首期定居屋首期??好抽象喎!!
龍虎門無錢賺,咁外傳有無錢賺?圍埋賺定蝕?
如你所謂蝕錢,有可能文傳話解約就唔得㗎啦,俾第二本你試吓啦!至於龍虎門你揾到人接咗佢我就承認份約囉!好可能係咁!!



[隱藏]
引用:
原帖由 漫畫2020 於 2021-9-15 08:09 PM 發表


其實,如果復活老天尊是一個錯誤,咁樣冇厘頭搞笑收佢工更是一錯再錯!
既然復生不如令佢真正全力復功玩下去!點都好過又㖒老邪,老金!
老天尊又收工應該係收到風無得撈啦之後嘅安排,一係補鑊,一係落雨收柴!



以下係我個人推測,斷估咋:
文:呢排龍虎門正傳跌書喎,咩原因呢?
鄺:咁好多因素嘅,大圍股市下跌,中央打壓樓市,國安法……(下刪千字)
文:咪咁多藉口喇,點搞先?
鄺:條數好難維到皮,唔啱提前解約?
文:得吖!賠錢啦!
鄺:賠錢又唔好……有無第二個方法?
文:又得!咪話唔俾條生路你行!外傳你繼續做到約滿,我俾過第二本你玩,玩到約滿再算,正傳你自己揾條水魚接咗佢,續到滿約我再同佢傾過!
鄺:咁,好似…………
文:一係賠錢!
鄺:一於咁話!我盡快揾水魚接!!係呢,你俾本咩我玩?
文:就中華英雄啦!好牌嚟㗎!!!



引用:
原帖由 05ho 於 2021-9-16 06:03 PM 發表



中華英雄版權費應該好平!因為過去有人重做過中華英雄,不過全部半年內玩完。
新龍一年版權費大約要二三百萬之間!老黃都頂唔到。除左馬仔,其他人冇可能年年負擔得到。
新龍虎門正傳加外傳賺賺埋埋,除去版權費和所有支出,回到本已經偷笑,想有錢賺?
靠班死忠的中坑同老坑?冇可能。
中華英雄版權費平定貴係應該視乎當年銷量,銷量好自然品牌效應高,版權費唔會太低,起碼應該高過醉拳或如來神掌,但會低過龍虎門…………啩!
老黃頂唔順應該關乎佢個人財政問題,一盤生意,一年蝕一百幾十萬喺大商家眼裡唔算得係咩,當做宣傳都用咗啦!



引用:
原帖由 05ho 於 2021-9-16 06:09 PM 發表


鄺:咁好多因素嘅,21世紀娛樂太多,而家所有男女老少都低頭玩手機。港漫已經out晒day,
好少人看了,靠班死忠的中坑同老坑,冇可能回到本!(下刪千字)
Out咗嘅嘢可以in番,In緊嘅隨時又會out,日本鬼滅之刃大賣讀者群應包括年青人啩!日本年青人buy,點解香港年青人唔buy?
我諗唔關漫畫本身仲受唔受,而係關乎漫畫內容SYNC唔SYNC到年青人啫!
但我睇「復仇者聯盟」喺香港咁賣得,漫畫無理由喺香港無市場…………啩?!



引用:
原帖由 怒風 於 2021-9-16 07:50 PM 發表

鍾編佢地寫中華英雄,本人就唔會睇好喇,佢唔同龍虎門,本身就有一班老野讀者,因為一直追開,所以鍾編寫到幾垃圾都好,都會習慣性買本嚟睇,但中華英雄就唔同,除非馬sir自己出,如果唔係,號召力一定唔會吸引到舊時果班讀者,就算本人買開香港武俠漫畫多年,都唔會買,因為唔覺得會有咩特別,而年輕一代更加唔會買,因為家下太多娛樂,香港漫畫要俾錢買,不如課金打機啦,另外香港家下亦受到太多政治風氣影響,年輕一代完全不 ...
香港漫畫要做得起要一條龍服務:
出漫畫>搞畫展>出動畫(電影版、劇場版)>出小說>出手版figure>crossover潮牌>出家品>出手遊…………
由香港紅起再打入內地市場,咁先至係財路!



[隱藏]
引用:
原帖由 jojokk 於 2021-9-17 12:33 AM 發表


重要整番d浪漫愛情漫畫,做到d韓劇既超離現實原數。比d學生妹,OL , C9 睇!整大個餅,漫畫男女主角可能重有平面廣告賣!
漫畫係將小說初步實體化,動畫就係將小說深度實體化,既然小說可以生存,漫畫點解無生存空間?
而小說生存係藉助電影電視劇改編嚟擴大人氣,漫畫一樣可以,鬼滅之刃就係動畫劇場版上映後帶番起漫畫銷量。
所以要香港漫畫重生首要故事內容,要言中有物,有深度,要突破既有港漫單寡無內涵故事模式,起碼要達到小說層次。
其次人物造型,要有時代感,令人印象深刻,超日趕美。
思想無極限,港漫唔可以再默守成規,一成不變!!



引用:
原帖由 05ho 於 2021-9-17 05:27 PM 發表


港漫只得打打殺殺、懶有正義感。
呢D提才已經 out day 日本已經唔 buy
朋友,港漫已經日落西山,步向夕陽。
請你面對現實。唔好發夢!
鬼滅之刃都係打打殺殺,海盜王都係打打殺殺,進擊的巨人都係打打殺殺……
美國隊長、鋼鐵俠、黑豹、復仇者聯盟都係打打殺殺,你點解釋佢地咁受歡迎???



引用:
原帖由 05ho 於 2021-9-17 05:27 PM 發表


港漫只得打打殺殺、懶有正義感。
呢D提才已經 out day 日本已經唔 buy
朋友,港漫已經日落西山,步向夕陽。
請你面對現實。唔好發夢!
港漫係死都只拿死喺8個字:拖泥帶水,死唔斷氣!



引用:
原帖由 龍虎風雷 於 2021-9-17 06:38 PM 發表


人地動畫,電影,玩具,漫畫,ㄒ恤精品等,市場夠晒立體,有多方面支撐品牌!
你文記出品,只係用$25去計倍數,少一本就少$25。可見將來,冇本可過萬,你個品牌值乜L錢?
人地文傳無話唔俾你做周邊產物,你有本事搞到幾大都得,上市公司求財啫!!
講個故事。
當年佐治魯卡斯拍星球大戰同電影公司傾合同,佢放棄電影版權賣斷咗俾電影公司,但佢保留星球大戰造型嘅周邊產品版權,結果星戰玩具大賣,佢就發到豬頭咁。
無論任何作品,包裝,宣傳,推廣都係必須存在,港漫就係欠缺咗呢方面嘅配套。



引用:
原帖由 nelnelwong 於 2021-9-17 06:55 PM 發表


人哋寫故事寫得有深度得多,同只著重官能剌激嘅傳統港漫根本唔同層次。
所以你終於明白其中嘅關鍵,可惜而家無人認真去解決而家港漫面對緊嘅問題!!



[隱藏]
引用:
原帖由 nelnelwong 於 2021-9-17 10:32 PM 發表


傳統薄裝港漫已經冇得搞,因為多得前人寫嚟寫去都係拳頭枕頭黑社會,個朶搞到臭晒,就算寫啲有深度有意義嘅嘢,喺一般普羅大衆眼中,傳統薄裝港漫=低俗文化娛樂,一早已經根深蒂固,好難改變到。
包裝的確係港漫其中一項需要改革的項目。
還記得那些年司徒劍橋寫的「超神Z」?
那本作品的確係突破港漫固有框架,甚具前瞻性的作品,無論內容,畫功,包裝都係超越當時標準。
只可惜行得太前,吸引唔到當時普羅大眾的漫畫迷,黯然落幕。



提示:支持鍵盤翻頁左 右
[按此隱藏 Google 建議的相符內容]