• 瀏覽: 11,035
  • 回覆: 5
  • 追帖: 1
[隱藏]
有高級會員講過鍾編係一個好叻嘅大作家,好有文彩,才高八斗 學富五車,但就係可能聽得D高級會員吹得多左,乜都想爆,爆下爆下就爆衰左,結果真係無左容後再表了………


鍾編佢地寫中華英雄,本人就唔會睇好喇,佢唔同龍虎門,本身就有一班老野讀者,因為一直追開,所以鍾編寫到幾垃圾都好,都會習慣性買本嚟睇,但中華英雄就唔同,除非馬sir自己出,如果唔係,號召力一定唔會吸引到舊時果班讀者,就算本人買開香港武俠漫畫多年,都唔會買,因為唔覺得會有咩特別,而年輕一代更加唔會買,因為家下太多娛樂,香港漫畫要俾錢買,不如課金打機啦,另外香港家下亦受到太多政治風氣影響,年輕一代完全不明的仇視國家,你本野叫中華英雄,佢地就更加唔會買,華英雄打日本仔打美國佬,舊時果代人就會覺得係幫中國人出一口氣,但家下D人會話我地玻璃心,試問咁嘅情況本書真係會有出路?我就比較悲觀喇,不過鍾編好好彩,無論佢D作品有咩問題,實有忠實讀者幫佢死兜爛兜,所以可能真係有得做都未定。


引用:
原帖由 philipccl 於 2021-9-17 04:50 PM 發表

中華英雄死得重快,除了馬仔加定堅,無人可以成功
同感,香港市場細,除非佢打得入中國市場,如果唔係,只靠本地讀者,真係唔樂觀。



引用:
原帖由 Fromhell411 於 2021-9-19 01:49 AM 發表

好似序章直情叫「波動拳Z」,那時係抄街霸造型,但之後出嗰「超神Z」1-10期已經改哂造型同招式,聞說改造型後更受歡迎,但第二輯只出一期就胎死腹中了!
一年出一期, 熱潮過曬就冇人買啦



[隱藏]
引用:
原帖由 nakamichi 於 2021-9-19 07:50 PM 發表

都唔係架,初初只係讚架,係轉手先反轉豬肚咋,而加等緊下一個循環
當初只可以讚,只要話鍾編內文有問題,馬上有人出嚟解話同幫手兜,真係好好笑。



引用:
原帖由 nakamichi 於 2021-9-19 08:08 PM 發表

唔知黎緊中華英雄又點維穩法?
中華英雄真係好難寫,無固定讀者,又唔知用咩方法可以吸引到新讀者,真係唔知死忠讀者點幫口谷銷量了,可能又會叫鍾編上嚟同大家吹吹水吧。



[按此隱藏 Google 建議的相符內容]