• 瀏覽: 17,051
  • 回覆: 206
  • 追帖: 3
[隱藏]
我已是個40中的大叔,見到有人講荃豐的game舖,有感而發講下我由細到大的打機經歷。
我屋邨長大,當然屋企也沒有什麼錢。大約80年中,最初開始接觸係紅白機,當時好興$1打5分鐘的紅白機舖,未買機時當然會幫襯下啦!之後入手了紅白機,買下買下就買埋磁碟機及什麼game doctor用黎打老翻。想當年,很喜歡行荃豐,因近屋企而且又多game舖。
大約80尾到90頭,就超任/世嘉5代/PC ENGINE,3部都買過玩過,無話邊部特別喜歡,當時也很流行裝個外置嘢玩老翻,最記得當時件外置嘢出得好五花八門,因想當年我朋友個阿哥追得好貼。
那段時間就開始去遊戲機中心打機,記得小六時第一次跟朋友去兒童場遊戲機中心,當時$0.5一局。最記得想當年剛剛出Street Fighter,到Street Figher 2時,幾不多遊戲機中心大約有89成機都係Street Figher 2。
人開始大,對家用機已經沒有細個時熱愛,主力都是打街機多。之後Street Fighter 2出了好多個版本,餓狼傅說/拳王系列等等,簡直就是格鬥game主導。
90頭至00頭,主要都是去遊戲機中心打格鬥game多,在家打機已比較少。直至97/98年,當時還讀緊大學,biohazard大熱,就買了部世嘉Saturn打,當時真的覺得很經典。直至我99年(出來工作一年後),特登買部PS打biohazard2和3,當然也有用部PS打拳王啦。
大約03年後,特別是拳王系列愈出愈複雜,已不是我們上一輩可以應付,俾人挑機只會死路一條,所以就只會打Capcom vs SNK系列,至少覺得簡單點,可人挑返人機轉頭。差不多那幾年,高達vs系列面世,從高達vs的Z高達那代開始打,已經很少再打格鬥game了。哦時還特登買部PS2打高達。但覺得最好玩的,都是SEED和SEED DESTINY,當時放工後一起去打。
但好境不常,2007年出了意外,右手嚴重受傷,在家休息了個多月,不知可以復完多少成。當時只能用左手工作,收工時會走去遊戲機中心睇人打SEED DESTINY,但已經不能再打了。睇了半年,我再嘗試打高達,用沒有感覺的手指按制,所有嘢重新學習,現在已經可以再打機了。
SEED DESTINY後的高達已經沒有之前的熱愛,不知大家有沒有同感?及已經很少去挑機了!之後已經很少去遊機機中心了,到現在(10年中已經很少去了)已經差不多沒有去了。而且現在的遊戲機中心已經沒有什麼新game,遊戲機中心也不願意投資買新game,遊戲機中心也差不多沒落了。
10年,PS3出高達VS,可以online對戰,因為此原因,我又買了PS3打高達,重燃打高達VS的意志,直至現在打PS4的高達VS。
自問對手遊總是提不起興趣,可能是老餅的原因。人到中年,真的對打機興趣大感,現在只會打下Switch,已經沒有細個時的熱誠了。



熱賣及精選
好有情懷
天后間金禧玩街霸佔咗我童年回憶好大部分



最記得細個80年代初果時(仲未有16歲以上先準入機舖嘅年代),老豆成日都帶我去尖沙咀碼頭果間落地牢嘅機舖打機,之後86年搬咗去德福就成日落樓下商場果間到「浦」,最記得當年街霸1代成日都有十幾二十人圍住。

不過呢啲機舖以後都應該唔會要hit番了。



人到中年乜game類型都玩到厭啦(就連H-game都悶),轉玩模擬game最好。


[隱藏]
宜家d機舖都變咗賭擋


對機舖多年感情,80年初已入去浦,到二千年無嘢玩先至開始接觸PSone.




「過去的經已不會再出現 遠去的一切只會更加遙遠...」



間唔中都會落下遊戲機中心,已經沒有以前那麽熱鬧了。以前去開的細機舖,已經變晒樣,見到都唔想入。


我以前住深水埗,80年代係機鋪黃金年代,成班街童放學後就逐間機鋪輪住打。


第一部接觸嘅街機其實係打怪獸,即係space invader, 果時未有機鋪,在士多入面有一部坐地平面嘅怪獸機,食鬼pac man已經係遲好多年後在機鋪出現。



引用:
原帖由 ALYM 於 2021-9-19 11:12 發表

我已是個40中的大叔,見到有人講荃豐的game舖,有感而發講下我由細到大的打機經歷。
我屋邨長大,當然屋企也沒有什麼錢。大約80年中,最初開始接觸係紅白機,當時好興$1打5分鐘的紅白機舖,未買機時當然會幫襯下啦!之後入手了紅白機,買下買下就買埋磁碟機及什麼game doctor用黎打老翻。想當年,很喜歡行荃豐,因近屋企而且又多game舖。
大約80尾到90頭,就超任/世嘉5代/PC ENGIN ...
年輕時反應快,精力盛可以捱夜打機,而家精 力少左,照顧家庭,生活壓力,工作原因,有時間都想訓下覺,仲咁好精神望住個MON,小雞模擬器有好多舊機種的遊戲可手機玩



[隱藏]
我細細喺大圍蒲機鋪,大約小學五六年班嗰時仲係5毫子一局,啲銀仔排晒係機面當“跟機”打final fight,記得有world hero同埋好多橫向動作game。

之後出咗嚟做嘢就同班frd每星期蒲聯合,都已經係拳王2000嘅年代,有結他同打鼓機,嗰時係音樂game最輝煌嘅年代。

成家立室之後真係少咗去打,就算去都係睇人打多,同埋打ffxi打到唔想出街。
依家想揾班frd打機都唔易,因為個個都有顧住自己屋企。



引用:
原帖由 VegetaSuper 於 2021-9-19 08:22 PM 發表

我以前住深水埗,80年代係機鋪黃金年代,成班街童放學後就逐間機鋪輪住打。


第一部接觸嘅街機其實係打怪獸,即係space invader, 果時未有機鋪,在士多入面有一部坐地平面嘅怪獸機,食鬼pac man已經係遲好多年後在機鋪出現。
師兄,我以前都係住深水埗,你講係士多打機我都有試過,印象係基隆街附近。另外師兄有冇去過南昌街同荔枝角道交界有間機舖叫做(太空堡)?



引用:
原帖由 dvddvdhk 於 2021-9-20 07:33 AM 發表


師兄,我以前都係住深水埗,你講係士多打機我都有試過,印象係基隆街附近。另外師兄有冇去過南昌街同荔枝角道交界有間機舖叫做(太空堡)?
有去過,但不多。

我住近黃竹街,福華街。銀河,長江,電子世界,電子廣場,深水埗幾乎每條街都有間機鋪,有d係二樓,有d係地下。放學逐間機舖去掃,真係好開心。

以前好多人打麻雀機,上海,俄羅斯方塊,半夜兩三點都好多人。我真正打得多係雙截龍年代,仲有final fight。street fighter打得屎,唔夠人打。



引用:
原帖由 VegetaSuper 於 2021-9-20 08:42 AM 發表


有去過,但不多。

我住近黃竹街,福華街。銀河,長江,電子世界,電子廣場,深水埗幾乎每條街都有間機鋪,有d係二樓,有d係地下。放學逐間機舖去掃,真係好開心。

以前好多人打麻雀機,上海,俄羅斯方塊,半夜兩三點都好多人。我真正打得多係雙截龍年代,仲有final fight。street fighter打得屎,唔夠人打。
你地去打街機多, 我就通常係屋企打, 打PS2, 自己手腳, 反應慢, 冇咁多錢入, 就算入機鋪, 都係打麻雀機, 同睇下人打機, 近10幾年, 冇乜打機現在打下PC Game, Biohzard 2 to 6, Biohzard 7 , 8 反而冇乜興趣, 可能D主角唔同晒, 冇代入感, 間中打下SD Gundam , Romb Raider, 波斯王子, 三國誌12打後,唔係幾識玩, 想打番1943, 雷電的飛機game, 可惜又冇,  人到中年, 打下以前的game, 懷念一下, 都唔知重打得幾多年



引用:
原帖由 VegetaSuper 於 2021-9-20 08:42 AM 發表


有去過,但不多。

我住近黃竹街,福華街。銀河,長江,電子世界,電子廣場,深水埗幾乎每條街都有間機鋪,有d係二樓,有d係地下。放學逐間機舖去掃,真係好開心。

以前好多人打麻雀機,上海,俄羅斯方塊,半夜兩三點都好多人。我真正打得多係雙截龍年代,仲有final fight。street fighter打得屎,唔夠人打。
唔係住深水埗,中學年代都有搭車過來為打機


去最多趣樂街、德樂、超聲、新昇(Rocky)、金電堡...



[隱藏]
機鋪獨有O既係硬件, 好似賽車(頭D/灣岸),射擊(拿枝大槍射,踩腳踏喱係障礙物), 打鼓, 機械人駕駛倉GAME等等, 係家用機/手提機俾唔到O既, 90-10年代都好HIT, 好多人玩. 張頭D卡我都有KEEP, 不過冇機用到啦而家



而家咁多免費GAME, 大把人唔想俾錢/花時間落機鋪, PS一隻碟可以玩好耐, 跟故事玩成個月都可以. 機鋪有得對戰O咼D, 你唔會想俾錢請人打機(WIN就送一局), 貼錢買難受. 而家唔知仲會唔會好似以前咁有人特登輸呢(頭D最多𦟀2場送局,第3場D人會係衡線前掉頭特登輸, 送局俾對家).



以前中學好興成班人去機鋪玩, 好懷念以前的歳月.



主題標籤 #ps4 #switch
提示:支持鍵盤翻頁左 右
[按此隱藏 Google 建議的相符內容]