• 瀏覽: 3,716
  • 回覆: 28
[隱藏]
先講主隊 , 本場比賽賽前韋斯咸4場不敗 , 取得2勝2和的開局 , 而且他們也在週中應付歐霸小組賽 , 遠征克羅地亞面對薩格勒布戴拿模取得重要的3分 。

本場比賽雖有大熱前鋒安東尼奧因上輪紅牌「2黃1紅」被逐本場不能上陣 , 但我仍十分看好主隊 , 雖面對上季英超亞軍曼聯 , 但也有望取分送贈主場球迷 , 事實上連同上季下半程的比賽 , 踏入2021年至今韋斯鹹的主場只敗給默西塞德雙雄利物浦和愛華頓。

本場比賽在防守上看出主隊蘇馬的進步 , 這位法國中堅的加盟也是韋斯咸今季成績理想的重要原因 , 而在進攻上缺少安東尼奧的韋斯咸領隊莫耶斯排出一個無鋒陣 , 快速的短傳讓曼聯中後防疲於奔命 , 本場比賽韋斯鹹的中場控制了比賽80分鐘 , 而且一記幸運的折射更讓主隊一度領先 , 雖然此後C朗建功將比賽帶至1:1 , 曼聯也乘勝追擊 , 雖然曼聯掌握了比賽主導權 , 但韋斯咸還是將形勢控制住。

在先領先至被追和其實只是5分鐘的事情 , 但韋斯咸沒有因此而受到打擊 , 明顯賽前領隊在部署上花費了很大功夫 , 點樣防守 , 被曼聯領先應該點樣做......

莫耶斯本場比賽最致命的一點是最後12碼換上隊長盧保並由他主射 , 英格蘭國家隊幾個月前衰過一獲 , 莫耶斯再衰多一次比你睇 , 我不知這種風氣是如何形成 , 如我作為領隊是絕不會如此冒險為此換上一位後備球員操刀12碼 , 莫耶斯可能反駁我他賽前有所準備 , 但人算不如天算...... 值得一講的是盧保射的這一球極差 , 首先無力 , 最致命的是沒有射上下角位 , 盧保射球的角度基本上門將猜中了方向便能救到的。

曼聯方面 , 兩個後備兵的入替為娃娃臉全取3分 , 也撲熄了反曼的Party氣氛 , 與其說連加特的射門精采 , 那馬迪的傳球更精采 , 球穿過了三位韋斯鹹的球員到達連加特的腳下 , 事實上當時相信不少人也認為他會橫傳給身邊位置更空曠的隊友 , 但有危便有機 , 創造了一次絕殺的時機 , 連加特的射門死角入網 , 你看得出他射門前作出了幾次假動作後才施射嗎? 有時比賽便是需要這種表現出乎意料的球員 , 呢球入左就連皇 , 入唔到應該比隊友麥湯文尼吊爆。

球皇真係球皇 , C朗又入波了 , 完全不用重新適應英超新節奏 , 新隊友 , 新對手 , 感覺他好似沒有離開過 , 如同一位效力曼聯十幾年的老將。

呢隊曼聯還可以更好 , 辛祖仍在適應 , 一對中堅表現也能更好 , 而且看過了今晚的比賽 , 幸運女神拖著紅魔鬼的手呢。



熱賣及精選
都係個句,曼聯要再進一步就要換領隊...


同埋,中場中仲係好弱,目前除左麥湯比較穩定之外,馬迪同費特既缺點都太明顯。如果有個可防守可組織既中場,咁前場放多一個攻擊球員都得



引用:
原帖由 水留情 於 2021-9-19 11:43 PM 發表

都係個句,曼聯要再進一步就要換領隊...


同埋,中場中仲係好弱,目前除左麥湯比較穩定之外,馬迪同費特既缺點都太明顯。如果有個可防守可組織既中場,咁前場放多一個攻擊球員都得
蘇斯克查係我心目中同阿迪達同級 , 佢好彩的地方係就死時搵到條救命草叫波費 , 同埋有費爺係身後必要時贈佢兩句並帶c郎比佢

費特乃至麥湯算係現時曼聯最弱的一環 , 人係勤力滿場走 , 但打左幾季都係咁無物大進步 , 相信今夏執靚左鋒線 , 1月乃至季尾就會入中場了。



引用:
原帖由 藍斯貝利 於 2021-9-19 11:47 PM 發表


蘇斯克查係我心目中同阿迪達同級 , 佢好彩的地方係就死時搵到條救命草叫波費 , 同埋有費爺係身後必要時贈佢兩句並帶c郎比佢

費特乃至麥湯算係現時曼聯最弱的一環 , 人係勤力滿場走 , 但打左幾季都係咁無物大進步 , 相信今夏執靚左鋒線 , 1月乃至季尾就會入中場了。
中場真係要執下😅



[隱藏]
引用:
原帖由 水留情 於 2021-9-19 11:43 PM 發表

都係個句,曼聯要再進一步就要換領隊...


同埋,中場中仲係好弱,目前除左麥湯比較穩定之外,馬迪同費特既缺點都太明顯。如果有個可防守可組織既中場,咁前場放多一個攻擊球員都得
我本來覺得普巴夾麥湯踢中間係最好的,但左邊就欠咗一個攻擊球員。

宜家C朗踢正前好過左邊鋒。



我原先幻想個陣係:

---- C朗 ----- 卡雲尼 ----- 辛祖 ----
--------------- 般費 ---------------
-------- 普巴 --------- 麥湯 --------
梳爾 -- 麥佳亞 -- 華拉尼 -- 雲比沙卡
-------------- 迪基亞 ---------------



個12碼似曾相識,好似英格蘭決賽12碼咁柒🤣


真係估唔到馬迪會放腳直線咁靚😍


引用:
原帖由 藍斯貝利 於 2021-9-19 11:41 PM 發表

先講主隊 , 本場比賽賽前韋斯咸4場不敗 , 取得2勝2和的開局 , 而且他們也在週中應付歐霸小組賽 , 遠征克羅地亞面對薩格勒布戴拿模取得重要的3分 。

本場比賽雖有大熱前鋒安東尼奧因上輪紅牌「2黃1紅」被逐本場不能上陣 , 但我仍十分看好主隊 , 雖面對上季英超亞軍曼聯 , 但也有望取分送贈主場球迷 , 事實上連同上季下半程的比賽 , 踏入2021年至今韋斯鹹的主場只敗給默西塞德雙雄利物 ...
個短評完全唔提c朗禁區內比人侵犯3次。唔中波中腳睇VAR都唔睇。咁評來托咩



[隱藏]
岩岩睇完車仔場波, 最近曼聯同車仔既波都有睇
C朗係仲有實力, 不過普巴真係好唔掂雖然話有助攻但成日掂波就甩一係就交失
反而盧卡古係車仔打得好好, 點解係回購普巴而唔係盧卡古



好老實C朗第三球百份百係十二碼,之前兩球唔係十二碼


我覺得韋斯咸無左安東里奧
唔係局勢會大不同
布朗缺少一個撞得頭鎚勁的中鋒掩護

頭十二碼我覺得莫耶斯用一分黎博球員的自信
呢場失敗左都可以接受
因為對手始終係勁



引用:
原帖由 Lamborghini-SV 於 2021-9-20 01:25 AM 發表

岩岩睇完車仔場波, 最近曼聯同車仔既波都有睇
C朗係仲有實力, 不過普巴真係好唔掂雖然話有助攻但成日掂波就甩一係就交失
反而盧卡古係車仔打得好好, 點解係回購普巴而唔係盧卡古
曼聯前面滿人了,要埋盧卡古點擺陣? 😑



引用:
原帖由 蔣生 於 2021-9-20 04:19 AM 發表

好老實C朗第三球百份百係十二碼,之前兩球唔係十二碼
第二球都可以俾,第三球根本100%係12碼



[隱藏]
引用:
原帖由 eliskw2000 於 2021-9-20 12:11 AM 發表

我原先幻想個陣係:

---- C朗 ----- 卡雲尼 ----- 辛祖 ----
--------------- 般費 ---------------
-------- 普巴 --------- 麥湯 --------
梳爾 -- 麥佳亞 -- 華拉尼 -- 雲比沙卡
-------------- 迪基亞 ---------------
普巴打防中衰硬, 慢,上腳,無防守意識,
中堅隊長廢到無倫, 包唔到波 , 補位完全做唔到, 跑得慢,腳下功夫差, 又無提場,毫無領袖風範,用拜利好過。



提示:支持鍵盤翻頁左 右
[按此隱藏 Google 建議的相符內容]