• 瀏覽: 283
+6
https://www.facebook.com/486644441793266/posts/1278299195961116/

醫療資訊台/醫療法律台

啱啱先發現東張西望又再次無張東西望

為防有啲唔太明白嘅市民/老人家又比人呃,我又講多一次

記住,去邊度按摩啪骨係有自由的,不過請大家廣傳,你要知道自己做緊乜!

1.
脊醫並唔係醫生。更加唔係骨科醫生
亦唔係專職醫護人員。

2.
香港嘅法律對無牌行醫嘅提告門檻好高,監管好多時都係限於監管註冊醫生/醫護人員出咗事嘅情況。

對非註冊醫護人員嘅監管好模糊

Ref photo: cap 161 醫生註冊條例 28 (2) , 非註冊醫護人員施行治療 ,最高可判6年 , 但係有灰色地帶係背脊療法,足裸治療,按摩院條例下按摩師不在此限

換句話講,脊醫啪斷咗你條骨甚至啪死咗你, 唔好太大期望可以告得入

https://skypost.ulifestyle.com.h ... 啪骨斷頸亡 家屬指控「非法殺害」不成立

3.
睇清楚行醫者用嘅字眼
脊醫係 唔。可。以 用"XXX醫生" 稱呼自己誤導人 (其實我已經喺唔同媒體見過好多次,差在有邊次忍唔住。。。)

基本上見到有呢個情形,夠mean嘅你已經可以報警跟著DH 就可以查同拉人

Ref photo 醫生註冊條例 cap 161 28(1). 呢條罪雖然輕啲,最高刑罰都可判3年監禁

4. 張東西望收咗脊醫贊助跟住喺度賣廣告,真係出類拔萃

脊醫竟然 重可以喺節目入面話 物理治療師做嘅 evidence based medicine 係表面 ,詆毀正式醫學同正式醫護人員 (用一個另類療法嘅身份😑 即係我玩神打嘅話你醫病醫得唔好。。。👍)
跟著仲提到可以買脊醫套票𠻹, 👏👏
你有冇聽過睇醫生可以買套票咁前衛?

引嚟醫學界嘩然,即刻引起正式醫學團體出新聞聲明群起譴責, 一次過中醫,西醫骨科專科學院,物理治療師全部怒吼

實在應該要出聲以正視聽, 希望市民小心選擇

去按摩唔係問題, 個人選擇

補充返先,若果係講醫學証據, 係有研究做過的, 脊醫治療喺某啲痛症方面係的確有效的。 that's all
"止痛"係 ok的

但係暫時到呢家我都睇唔到有任何一個"病" 係脊醫治療可以醫到的

所以大家記住,要知自己做緊乜,唔好諗住用醫病嘅心態。

我自己都試過, 有病人要求我寫封轉介信去畀脊醫😓
現今資訊好發達㗎喇,教育水平,醫療知識水平都真係應該好啲吖, 點解都仲會咁。

另外, 政府無明確reject 脊醫,幾次接受質詢時都係會話視乎病人需要會考慮唔同醫療服務納入政府公營體系,但係明明佢自己都話呢個唔係正統治療🤔
係咪時候檢討搞搞佢?

無論如何
請大家都有多啲正統嘅醫療知識
請話比身邊嘅人聽,搞清楚 🙏

#唔好意思遲咗
#其實我已經好耐無睇呢個節目
#脊醫每每都有話佢地有嚴格監管註冊脊醫
#其實可以類比下按摩師都可以整個摩摩協會監管㗎
#管啲乜先得㗎而家講緊醫病唔好誤導小市民賣廣告唔理誤導人係醫生又唔理




主題標籤 #東張西望