• 瀏覽: 1,923
  • 回覆: 13
[隱藏]
第一次是 2003年或2004年(忘記日子)在曼谷,個 IMAX戲院位於Pahonyothin MRT 地鐵站,大馬路往北步行 10分鐘,
戲院好誇張的大、好恐怖,一生人未見過如此大的戲院!

當日我是睇 Apollo 13 IMAX,票價 155 baht(當時匯率 HKD 1 = 5.8 baht),HKD 27

影院裏面超大,我買中間座位,時間是某日中午場次,全院只得十多人,
坐在中間,感覺好似坐在 15樓露台的一張椅子,椅子向外稍微伸展,隨時跌落街的恐怖感覺。

我發現戲院的最前排都是離地,類似以前香港戲院的二樓,我在中間位置,看不到銀幕的舞台,銀幕有如無底洞,
觀看銀幕最邊位都要頭稍微移動,可以想象戲院銀幕大到非常誇張。

戲院音響調教非常大聲,正片開始,連對白都很大聲,心想一陣火箭升空會點?
結果火箭升空導致耳仔痛,音響大到媲美跳舞場所。

爲了繼續觀看電影,我經常要用手捂耳避免耳仔痛。
大概一小時過d,終於忍無可忍要離場,離開時要彎腰雙手扶著座椅恐怕從“高空”跌落黎。

第一次 IMAX觀影失敗告終。

貼士:日後在曼谷睇戲數次,發覺當地戲院都是超大聲,所以我唔會再係泰國睇戲。

[ 本帖最後由 Cheap精1997 於 2021-10-19 05:38 PM 編輯 ]



超級影迷, 要求極高, 咪以為千億元製作費就可以買通我; 最討厭老土劇情或 cheap jump scare 垃圾片! 賣弄血腥性愛但劇情無聊者一律零分; 女權主義西片一律零分; 一開始估到情節的, 一律零分.
熱賣及精選
第二次 IMAX 體驗在吉隆坡,日期是 2014年3月某日:300 Rise Of An Empire
3月8日 MH370 神秘失蹤,同月月中我前往吉隆坡在航機上膽戰心驚。

吉隆坡的多家 IMAX 都不在市區,全部都偏遠位置,例如屯門、香港仔之類地點,
所以在吉隆坡要看 IMAX 如果自己無車,就要的士 或鐵路轉穿梭巴士,當年好似還未出現 Uber、GRAB。
吉隆坡的士佬出名衰到不得了,盡量不要在大馬搭的士。

當日我在一間有水上樂園的 Sunway Pyramid 商場的 TGV 影城睇,
商場外表係類似一個獅身人面像,如下圖。

6點之後場次,IMAX普通座位是 RM18(港幣 32),6點前,IMAX普通位 是 RM15(HKD 27),
當日我系睇 7點40分的 IMAX 300 Rise Of An Empire,戲院 1/3 座位滿啦,不到一半。
3D 眼鏡免費但無主動比我,要開場時候有人巡先比我,最特別就是離場無人問我取回眼鏡!
我自己交去比大廳d 人,個度d人話我喜歡可以自己 keep,應該係d 好 cheap的 3D鏡。
戲院銀幕無曼谷個家 IMAX 無底洞銀幕甘誇張,但都係大戲院好震撼,音響又係好大,但未至於耳仔痛……
整體滿意,不過我不大喜歡3D 眼睛好疲勞。

不過電影未完,約八點九我就離場,因爲怕無車搭,商場往返鐵路站的穿梭車9點前會停止服務,
商場外的士佬個個獅子張大口,不用咪錶,索價驚人!

所以呢次 IMAX 體驗都算是失敗告終。



[ 本帖最後由 Cheap精1997 於 2021-10-19 06:55 PM 編輯 ]



第三次體驗 IMAX 是 2018年夏天@胡志明市,在 SC Vivo City 的 韓國資本影城 CGV。
IMAX Deadpool 2,是 2D版本,收費是 120,000盾(HKD 42),貴過馬來西亞好多好多。
戲院明顯比上面兩家細,無震撼的超大銀幕,另外 d越南觀衆好缺德,有人食唔知道咩海鮮小吃全院有陣海鮮味。
空氣不流通好似有d窒息,音響又係好大聲,少許耳仔痛,
我對 superhero 片 (咩飛上天救地球)一d 興趣都無,覺得好悶。
這是我一生人最後一次睇 IMAX, no more !!



引用:
原帖由 Cheap精1997 於 2021-10-19 07:20 PM 發表

第三次體驗 IMAX 是 2018年夏天@胡志明市,在 SC Vivo City 的 韓國資本影城 CGV。
IMAX Deadpool 2,是 2D版本,收費是 120,000盾(HKD 42),貴過馬來西亞好多好多。
戲院明顯比上面兩家細,無震撼的超大銀幕,另外 d越南觀衆好缺德,有人食唔知道咩海鮮小吃全院有陣海鮮味。
空氣不流通好似有d窒息,音響又係好大聲,少許耳仔痛,
我對 sup ...
香港幾間IMAX我都睇話,但我又冇你呢啲恐怖經歷,我幾享受睇IMAX,銀幕大音響正,香港最大銀幕係Isquare,最好音響係Megabox,我都係去Isquare多,不過就冇你喺外國睇咁平。



[隱藏]
引用:
原帖由 pgs1301 於 2021-10-19 21:13 發表


香港幾間IMAX我都睇話,但我又冇你呢啲恐怖經歷,我幾享受睇IMAX,銀幕大音響正,香港最大銀幕係Isquare,最好音響係Megabox,我都係去Isquare多,不過就冇你喺外國睇咁平。
我體驗是 03年第一次在曼谷睇 IMAX Apollo 13 是頗震撼,
因未見過一家戲院的銀幕巨大到看不見舞台,仔細觀察,巨幕下邊界都仍是銀幕範圍有影像(類似無底洞),
當戲院只有十多人時候會有恐懼感,因爲座位好傾斜,好驚會出事被拋去前方 ”無底洞“。
音量是巨響震耳欲聾,可能超過 90dB危險標準,這是唯一缺陷,如果有降噪耳塞會好些,或者希望戲院考慮聽覺安全降低至合理水平。

補相:第二次看 IMAX 是 2014年3月19日 吉隆坡 TGV Sunway Pyramid

我唔會係香港睇 IMAX,感覺銀幕好細,價格好高,

而且我d免費電影飛從來無 IMAX,百老匯普通2D就最多,但多數送朋友,無咩戲精彩到令我想入戲院,
覺得 Netflix 節目精彩過戲院。







[ 本帖最後由 Cheap精1997 於 2021-10-19 11:33 PM 編輯 ]



順便講埋疫情前係胡志明市的 SC Vivo city 的 CGV 見到有 4DX 戲院,
收費天價! 3D片 4DX 索價 210,000盾(港幣 72元)!!
不過見到有限時 Promotion,降價到 160,000盾(港幣 55)
可惜都無入場體驗,因爲買飛時候都是 210k盾,
後來知道個promotion 是比特定人士,但語言溝通不了,不知道咩情況下可享用呢個 promo 價。
72蚊睇一部戲,對我來講是無可能。



[ 本帖最後由 Cheap精1997 於 2021-10-20 01:03 AM 編輯 ]



引用:
原帖由 Cheap精1997 於 2021-10-20 12:37 AM 發表

順便講埋疫情前係胡志明市的 SC Vivo city 的 CGV 見到有 4DX 戲院,
收費天價! 3D片 4DX 索價 210,000盾(港幣 72元)!!
不過見到有限時 Promotion,降價到 160,000盾(港幣 55)
可惜都無入場體驗,因爲買飛時候都是 210k盾,
後來知道個promotion 是比特定人士,但語言溝通不了,不知道咩情況下可享用呢個 promo 價。
...
其實你係做乜嘢?可以周圍去睇戲咁正,如果你去睇親IMAX好唔舒服,咁可能唔係好啱你,睇得唔舒服嘅話都冇辦法,只可以話暫時無緣享受。



引用:
原帖由 pgs1301 於 2021-10-20 08:07 發表


其實你係做乜嘢?可以周圍去睇戲咁正,如果你去睇親IMAX好唔舒服,咁可能唔係好啱你,睇得唔舒服嘅話都冇辦法,只可以話暫時無緣享受。
IMAX 特色只是銀幕夠大,畫像清晰;20年前只有模擬電視和 DVD,去 IMAX明顯正多多啦,
但今時今日屋企都有4k ATOMS 全景聲,IMAX 吸引力大大不如以前,而且 IMAX節目選擇好少,
在家睇 4k串流有 Dolby ATMOS(買個靚soundbar)真係與 IMAX相差無幾,而且節目多多類型,
過百套節目可選,一定有合心水的節目。
上面我講的 2003/4年曼谷一家 IMAX 戲院體驗今日仍然存在,裏面裝修是否變更就不知啦。
座位特色是你完全看不到前一排的座位(因爲整排座位傾斜度高),感覺好似坐在露台雙腳暴露空中奇妙感覺,
加上無底巨幕(前方銀幕下底仍然是映像),個感覺好神奇,你有機就去體驗啦。

戲院位置如下,不過票價已經無 155泰銖,最低是 250泰銖,差不多要 59蚊港幣,或者你可以在電影優惠日觀影。
在泰國睇 IMAX記得帶耳塞保護聽覺。另外要平就去馬來西亞,IMAX 在大馬最平。







[ 本帖最後由 Cheap精1997 於 2021-10-20 04:22 PM 編輯 ]



引用:
原帖由 Cheap精1997 於 2021-10-20 03:48 PM 發表


IMAX 特色只是銀幕夠大,畫像清晰;20年前只有模擬電視和 DVD,去 IMAX明顯正多多啦,
但今時今日屋企都有4k ATOMS 全景聲,IMAX 吸引力大大不如以前,而且 IMAX節目選擇好少,
在家睇 4k串流有 Dolby ATMOS(買個靚soundbar)真係與 IMAX相差無幾,而且節目多多類型,
過百套節目可選,一定有合心水的節目。
上面我講的 2003/4年曼谷一家 ...
如果你咁講我就唔係好同意,IMAX已經比一般戲院更高質素,無論喺畫質解像度,或者音響系統都係更勝一籌,如果你掉轉頭講返屋買個soundbar等於好過IMAX,似乎主觀咗,你咁講法即係話麥當勞好過全世界餐廳???

我只可以話你經歷令你無緣享受最佳電影設備,呢個只係你個人嘅誤解。



[隱藏]
引用:
原帖由 pgs1301 於 2021-10-21 03:10 發表


如果你咁講我就唔係好同意,IMAX已經比一般戲院更高質素,無論喺畫質解像度,或者音響系統都係更勝一籌,如果你掉轉頭講返屋買個soundbar等於好過IMAX,似乎主觀咗,你咁講法即係話麥當勞好過全世界餐廳???

我只可以話你經歷令你無緣享受最佳電影設備,呢個只係你個人嘅誤解。
一:imax 節目不吸引,你有 100部 IMAX在我面前任我選擇,收費合理,隨選隨播我會考慮。
個d 最新的 “飛機大炮間諜 iMax片”,“超能力女俠衝上雲端救地球 iMax片”就算吧啦。

二:大銀幕 3D只會令我頭暈,我不覺得好精彩。音量過大令我聽覺不適。

如果要我一定要入戲院,我都偏向選擇普通 2D 影院,看得舒服好多。
家裏 4k電視串流千個節目選擇,一早取代入戲院啦,你睇下全世界d 戲院,除非特殊日子,平時都是少貓幾隻。
雖然未必做到 imax 的震撼效果,但大量節目選擇,舒適環境、隨時點播心水節目,我覺得遠勝過換衫出門去睇戲啦。
我最後一次入戲院記錄:
- 2018年7月5日,頂級地段 KLCC商場 (類似香港中環 IFC)
- RM13 睇了一部垃圾恐怖片(港幣 23)
- 全院不超過 15人,計埋我同兩個朋友
- 如果你有 Master card,全年 2D戲票 只需RM12











[ 本帖最後由 Cheap精1997 於 2021-10-21 03:19 PM 編輯 ]



香港電影迷大多都年紀大眼力退化,睇IMAX銀幕漸感吃力
而且電影黃金時代已過,難再多產新題材
慶幸一路走來半世紀光影歲月,無憾矣!



引用:
原帖由 Cheap精1997 於 2021-10-21 03:15 PM 發表


一:imax 節目不吸引,你有 100部 IMAX在我面前任我選擇,收費合理,隨選隨播我會考慮。
個d 最新的 “飛機大炮間諜 iMax片”,“超能力女俠衝上雲端救地球 iMax片”就算吧啦。

二:大銀幕 3D只會令我頭暈,我不覺得好精彩。音量過大令我聽覺不適。

如果要我一定要入戲院,我都偏向選擇普通 2D 影院,看得舒服好多。
家裏 4k電視串流千個節目選擇,一早取代入戲院啦 ...
串流如果能夠取代戲院,應該今日開執晒!!!

我都有裝Netflix,戲種真唔係多,來來去去都係嗰啲,一係睇韓劇,同樣唔多選擇;

如果一日工作完,日日都睇Netflix,連星期六日唔出街都睇,我有一輪都試過,變咗強迫Netflix症同埋韓劇恐懼症,悶到我想嘔,就係係Disney+都太小選擇,Pixar冇以前咁大興趣,Marvel我已經成日睇,如果有埋Fox就吸引好多;

講返轉頭,其實你呢個post目的係話戲院唔吸引你,唔會再去戲院睇戲,啱嗎??



引用:
原帖由 pgs1301 於 2021-10-21 20:08 發表


串流如果能夠取代戲院,應該今日開執晒!!!

我都有裝Netflix,戲種真唔係多,來來去去都係嗰啲,一係睇韓劇,同樣唔多選擇;

如果一日工作完,日日都睇Netflix,連星期六日唔出街都睇,我有一輪都試過,變咗強迫Netflix症同埋韓劇恐懼症,悶到我想嘔,就係係Disney+都太小選擇,Pixar冇以前咁大興趣,Marvel我已經成日睇,如果有埋Fox就吸引好多;

講返轉頭 ...
戲院有咩睇?

House 1:MK仔飆車溝女片
House 2:特務飛車爆破黑幫片
House 3:超能俠打壞人救地球片
House 4:港產片
House 5: 千篇一律恐怖片(一幫人出行,一個一個離隊被殺)

喂,一年在市場上公映的電影,10套裏面都未必有一套“必看”啦,
求其 Netflix 隨機找一部片播放都是類似呢d 啦。但 Netflix 可以睡在沙發睇,唔中意可以立即換片。
另外 Netflix有大量高質電視劇,好睇過電影萬萬倍。

台灣也好、馬來西亞也好,除了周末,平常日子戲院都空寥寥啦。


Netflix 節目絕對吸引過全港影院加埋:
- 最新刺激電視劇
- 各類型紀錄片
- 經典電影(全部高質4k 或 FHD 畫面)
- 近期電影(不是最新,而是兩三年前作品)
- 自製電影(通俗片,可以一看罷了)
- 印度片(我喜歡)
- 日劇韓劇
- 歐洲電視劇(喜歡3級尺度的另類電視劇)
……………………

[ 本帖最後由 Cheap精1997 於 2021-10-21 08:27 PM 編輯 ]



引用:
原帖由 T2. 於 2021-10-21 19:42 發表

香港電影迷大多都年紀大眼力退化,睇IMAX銀幕漸感吃力
而且電影黃金時代已過,難再多產新題材
慶幸一路走來半世紀光影歲月,無憾矣!
應該話科技拉近電影院與家庭娛樂的距離。
就講 2003年(或04年,忘記了),Apollo 13 IMAX,
電影好真實,貼地的半記錄劇情片,
當年 IMAX提供的映像、音效,是家庭娛樂達不到的,DVD 解析度不高,
家庭環迴音效又貴又不普遍……

但20年後的今天,串流已經發展到 4K超高清,家庭環迴杜比好容易安裝,
有些 soundbar 一條就做到 5.1效果,串流大量節目隨便睇,每個月大量update,費用就是香港電影票一張。
所以現在戲院毫無吸引力就是這麽簡單。



[按此隱藏 Google 建議的相符內容]