• 瀏覽: 11,488
  • 回覆: 153
[隱藏]
https://hk.on.cc/hk/bkn/cnt/sport/20211027/bkn-20211027080639443-1027_00882_001.html



曼聯上場英超恥辱性0比5不敵利物浦之後,餘波未了,根據英國《太陽報》爆料,該仗被紅牌趕出場嘅「紅魔鬼」中場保羅普巴,賽後喺更衣室,公然對領隊蘇斯克查「黑面」,拒絕同對方交流。據悉,普巴不滿近期被貶後備,對蘇B心存怨恨,經過「雙紅會」後,更決定擱置續約談判,等明夏自由身離開曼聯。

保羅普巴該仗下半場後備上陣,但卻連番失誤,包括喺中圈附近位置失波,被利物浦打反擊,導致曼聯失第5球,呢位法國國腳踢咗15分鐘,就粗野飛剷對手拿比基達,被球證直接出示紅牌趕出場,成為輸波罪人。

賽後普巴有向隊友道歉,但就對蘇斯克查「黑面」,唔同對方講嘢,明顯不滿屈居後備,最後仲要孭鑊。事實上,曼聯近4場比賽,普巴有3場做後備,包括對愛華頓、阿特蘭大、利物浦,曼聯早前不敵李斯特城後,普巴更公開批評球隊表現差,指「紅魔鬼」太易失波,不斷重復犯錯,一直冇搵出問題所在,需要作出改變,明顯不滿蘇斯克查嘅用人及戰術安排,普巴講完呢番說話之後,就連續2場做後備。

「雙紅會」曼聯落後4球情況下,蘇斯克查先至派保羅普巴上陣,更令呢位28歲球星感到非常冇癮,令人懷疑佢故意迅速食紅牌,提早離場。普巴需要停賽3場,無緣未來3場英超,包括對熱刺、曼城、屈福特。

保羅普巴將於今季結束後約滿,原本已經喺續約問題上停滯不前,經過今次事件後,據悉佢決定擱置續約談判,經理人拉奧拿話對於普巴續約一事冇嘢補充。普巴可於明年1月開始同其他球會傾加盟事宜,等明夏約滿自由身轉會,屆時曼聯將人財兩失。

歡迎離隊



生活只枯不謝
心態空虛不偽
誰找誰碰了誰
你尋你我尋我
點點色點點彩
繼續我的人生
熱賣及精選
曼聯成日做水魚,呢條友之前扭計又唔續約,就應該快啲放佢走啦,搞到而家佢過多幾個月可以自由身轉會,轉會費都冇得收。一係1月情願收少少轉會費放佢走先,如果唔係季尾先走到時收唔到任何轉會費


又唔係踢得好,大把人replace到佢有突,早走早著


"巴神二世"...


[隱藏]
一時話續,一時又唔
又不是價錢的問題,這樣的球員,唔怪得有能力的領隊都不會想用
費sir這種神級領隊真係眼光獨到



引用:
原帖由 初學駕駛者 於 2021-10-27 10:35 AM 發表


曼聯成日做水魚,呢條友之前扭計又唔續約,就應該快啲放佢走啦,搞到而家佢過多幾個月可以自由身轉會,轉會費都冇得收。一係1月情願收少少轉會費放佢走先,如果唔係季尾先走到時收唔到任何轉會費
如無意外,二五巴會坐到夠鐘才走,免費加盟,工資可以叫高一些。



引用:
原帖由 多明戈 於 2021-10-27 10:45 AM 發表

"巴神二世"...
二五巴,早走早著。



引用:
原帖由 superkid73 於 2021-10-27 10:51 AM 發表

一時話續,一時又唔
又不是價錢的問題,這樣的球員,唔怪得有能力的領隊都不會想用
費sir這種神級領隊真係眼光獨到
二五巴叫價50萬磅,曼聯怎會和他續約。

曼聯只出40萬磅。

[ 本帖最後由 leisurema 於 2021-10-27 11:20 AM 編輯 ]



引用:
原帖由 leisurema 於 2021-10-27 10:53 AM 發表


叫價50萬磅,曼聯就會和他續約。
應該說,曼聯肯出50萬,這個炸彈才會為錢肯續吧



[隱藏]
曼太迷信名氣啦,成日以為放走迪基亞普巴,會簽唔返同級球星返來。結果俾班大帝牽著鼻子走。


成也普巴丶敗也普巴。佢係計時炸彈,但無人知佢幾時爆。入咗曼聯後搞風搞雨,搞足幾年。比佢續到肥約,覺得佢會更加hea踢,不受控制。唔明曼聯點解仲要死攬佢。呢D不明朗因素一定要整走。


干地實牙實齒話要留佢先肯教紅魔,咁點算啊


廢人一個 廢唔緊要 最𠃊慘佢以為自己好勁果下先on9


咁佢無成為輸波罪人

佢錦上添花姐



[隱藏]
蘇帥真失策,已經有摩連奴前居可鑑,都唔賣咗呢件炸彈,等佢仲可以喺度搞搞震


提示:支持鍵盤翻頁左 右
[按此隱藏 Google 建議的相符內容]