死傻仔A
2019年佢喺FB的散工，兼職group出帖，話酒店請神秘顧客，2個鐘300蚊，或酒店房瞓一晚，有500蚊，工作內容係放蛇，睇吓員工服務態度，酒店設施有冇不足。當日佢朝早8點尾，未夠9點出帖，話要2個人，我差唔到晏晝1點見到，問佢請夠人未，佢話未請夠，我起左疑心，由朝早8點尾，未夠9點佢出帖，到中午1點我apply，仲未請到兩個人？之後佢問我攞相，攞個人資料，話幫我搞入職手續，之後消失左
我見到佢的post下面好多人留電話或者話pm，我逐個問佢地，有冇聘請佢地。個個都話被個死仆街死傻仔呃完個人資料就消失
我喺FB search佢個名，發覺佢喺一年間，猛咁喺FB的散工，兼職，招聘group出類似帖玩人
後尾佢終於衰左，2020年，佢喺FB的台灣散工，兼職，招聘group出帖，叫台灣仔由台灣帶口罩黎香港，佢喺香港機場接機，即場報銷機票錢，另外俾筆錢台仔買口罩，結果台仔誤以為係帶毒，7、8個台仔猛咁講台灣粗口姦汝娘，趕羚羊，甘霖娘，鬧到佢忟。之後佢FB被shutdown，疑似係台灣仔投訴佢係大毒梟，招攬台灣人帶毒去香港，shutdown左超過一個禮拜，又未夠兩個禮拜，大概10日左右。之後佢FB開返，但內容清空曬
死傻仔B
喺交友app heymandi扮女人，玩人，呃人個人資料，佢自稱女人，問我攞大量個人資料，住邊度，乜邨乜樓幾零幾室，樓下大門密碼，問我攞電話號碼，然後週圍post我電話號碼
類似係咁：我叫美倩，有冇男人約我，我號碼係xxxxxxxx，報左我電話號碼出去
heymandi職員見佢成日玩野，ban左佢imei，結果佢每兩年出現一次玩人，每次出現一兩個禮拜就消失，每次消失應該都係ban左，2年之後換左新手機或者手機reset先至可以再出現一次。ban imei差唔多等於永ban，要換新手機或者reset手機，先至可以繞開封禁。我懷疑佢每兩年換一次新手機。最後一次見佢好似係2021年頭，之後又消失左，被ban
死傻仔C
2012～2015年腥討吹水閒聊板成日見到佢，每隔幾日出一個帖，大概意思係話佢本人係半個富二代，白手興家，好搵得，人地炒樓，佢更有眼光，炒新界地皮，持有幾年賺幾百萬
佔中時期，佢大罵佔中者係廢人，窮人搞事，言下之意自己好有貢獻，係有錢人
2015年打後唔見佢，後尾2021年頭見到佢2020年尾出左個帖，大概意思係想入行做保安，問有乜注意事項
我問佢，你之前成日話自己好有錢，半個富二代，白手興家，炒新界地皮賺左幾百個，做乜要入行做保安
佢就搵兩個分身不斷投訴我過往的帖文，不斷檢舉，仲屈我爛賭，大罵我爛賭（呢樣唔係事實）
件on9老千想騙財騙色，想人俾錢佢投資，想有女PM佢搞野，2012～2015年腥討吹水閒聊板發左幾年功都冇人睬佢，最後卒之收皮
[ 本帖最後由 靜靜雞定靜雞雞 於 2022-5-2 16:28 編輯 ]
