• 瀏覽: 3,043
  • 回覆: 11
25男ive讀左個會計hd,讀黎都係廢成績唔係好讀完都係出嚟做d搬搬抬抬
早幾個月見九巴請人就去左又請喎
頭兩個月都好地地,日日都渣4個來回平均日日都ot1.5個鐘,第一個月19第二個月有20諗住正拉,之後345月都係食老底得17
最慘係渣巴士好似自閉咁又悶又溝唔到女,之前做倉都有女比你撩下呀,渣巴士真係自己同自己講野,你同d客吹水咪玩拉望多兩眼都驚比人話性騷擾呀
最近輪條線兩邊總站都無休息室,番夜9點幾食飯附近餐廳已經收皮,早一轉買定飯盒食飯屈係車入面食焗個幾鐘hea時間等開車熱到西咁都算,仲要驚陣間比人影相擺上網話你係車入面食野搞污糟地方
呢頭半個月番晏係沙廠拎車成日見到d廿令後生仔學巴士真係要考慮清楚呀,如果唔係對巴士特別有愛純粹貪玩我諗學完出班擺定萬2蚊續金都得



都係做咗半年,轉返出去做倉都未太遲。


騎牛搵馬一排先, 有時誇張到遇到兩個輪椅搭客

[ 本帖最後由 冗員七號 於 2022-6-11 12:03 編輯 ]



渣車最辛苦人在路上
最怕有三急



[隱藏]
做倉有女溝,真係第一次聽,少ff啦,同你傾多幾句又以為人地鐘意你

[ 本帖最後由 HEGSWF 於 2022-6-11 11:59 編輯 ]



引用:
原帖由 職場退役兵 於 11/6/2022 09:51 發表
都係做咗半年,轉返出去做倉都未太遲。
如果係經公司考牌就捱多半年啦慳番萬二蚊。



引用:
原帖由 飛躍俊朗的劍蘭 於 11/6/2022 04:02 發表
25男ive讀左個會計hd,讀黎都係廢成績唔係好讀完都係出嚟做d搬搬抬抬
早幾個月見九巴請人就去左又請喎
頭兩個月都好地地,日日都渣4個來回平均日日都ot1.5個鐘,第一個月19第二個月有20諗住正拉,之後345月都係食老底得17
最慘係渣巴士好似自閉咁又悶又溝唔到女,之前做倉都有女比你撩下呀,渣巴士真係自己同自己講野,你同d客吹水咪玩拉望多兩眼都驚比人話性騷擾呀
最近輪條線兩邊總站都無休 ...
冇錯好多冇諗清楚,之後好快就會放棄。

不過呢份工真係唔係咁簡單,風險同壓力唔係咁容易想像到。
如果冇左熱誠、認清左事實,咁盡早放棄都未必係咩壞事黎。

仲要樓主你先25歲,雖然成績未必係好,但廢極都起碼叫有個HD學歷。
我覺得年齡都唔係最重點,重點係除非真係冇乜學歷可言,如果唔係真係冇需要咁快就入職呢D工作崗位,因為呢D工真係浪費緊自己青春同機會。

建議你趁呢段日子有時間,諗下自己到底有咩想做、日後辭職之後想行條咩路,比一個方向自己去認真發展。
即使你試完,打滾幾年之後發覺真係冇起色,但至少你唔會後悔你冇出去嘗試過,日後人到中年失業先再去揸巴士都未遲。

因為好老實,社會比人嘅機會一定係越年輕越多機會,年紀越大就越少機會轉工轉行,所以想轉番出去就真係要趁後生。
揸巴士真係隨時都可以入職,好多人都係到中年失業冇方向先會揸巴士求穩定,所以咁後生就將自己困死係九巴真係好無謂。



師兄你都講得幾有道理,有時候真係襯後生可以多D係工作上去摸索一下自己想做咩工作。


好心你啦咁大個人返工仲怪住諗點溝女,個腦仲咁幼稚仲成個小朋友咁,人地好似你咁的年紀已經返工諗點樣可以搵多D錢,你就怪住諗點溝女,笑死人


[隱藏]
引用:
原帖由 別淚 於 17/7/2022 17:01 發表
師兄你都講得幾有道理,有時候真係襯後生可以多D係工作上去摸索一下自己想做咩工作。
一定要搵到自己想行嘅方向,如果唔係就會冇動力同熱誠去工作工作表現亦會下降。

就算對巴士冇興趣,我都好明白點解宜家咁多後生湧入九巴。
因為薪金始終係吸引嘅,但收入背後嘅付出又點會係表面睇咁簡單呢。

有部分人睇完D"招聘廣告"文章,就諗住入九巴由做車長起,日後有機會升職調職之類。
我唔會話冇可能嘅,總會有人成功,問題係可能性有幾高,同埋個個人會唔會係自己呢

當然有呢股熱誠係好事黎,但我只怕現實好快就會將呢股熱誠撲滅左,然後好快就迷失方向。
如果本身對某D職位或者工種真係有意入職,倒不如一開始就好好裝備自己,然後直接向目標進發,唔好兜到咁遠浪費自己時間。



其實揸車係一種興趣, 可以用來當飯食
但你要social, 你轉去做保險啦
俾人拒絕10幾萬次啦



引用:
原帖由 飛躍俊朗的劍蘭 於 2022-6-11 04:02 發表
25男ive讀左個會計hd,讀黎都係廢成績唔係好讀完都係出嚟做d搬搬抬抬
早幾個月見九巴請人就去左又請喎
頭兩個月都好地地,日日都渣4個來回平均日日都ot1.5個鐘,第一個月19第二個月有20諗住正拉,之後345月都係食老底得17
最慘係渣巴士好似自閉咁又悶又溝唔到女,之前做倉都有女比你撩下呀,渣巴士真係自己同自己講野,你同d客吹水咪玩拉望多兩眼都驚比人話性騷擾呀
最近輪條線兩邊總站都無休 ...
之前做倉都有女比你撩下呀???
"女"係指呀嬸? 有後生女做貨倉?



[按此隱藏 Google 建議的相符內容]