• 瀏覽: 69,722
  • 回覆: 131
  • 追帖: 4
  • 分享: 4
+5
阿媽就嚟退休,唔想佢日日喺屋企得自己一個咁悶,所以諗住養番隻寵物喺屋企陪下佢。

我阿媽細個有養過狗,但最近佢又好似好鍾意睇貓貓,但係我自己鍾意狗仔多啲,我同佢傾左好耐都揀唔到貓定狗好

其實養貓定養狗好?

[ 本帖最後由 波坡bo羅me 於 2022-6-21 16:46 編輯 ]



一, 睇品種
二, 睇緣分
無話邊樣好
不過狗都要拖佢落街嘛



你媽同你可唔可以日日去放狗? 除非養老貓狗,貓狗一養要養十幾年,你媽第日再老d, 你照顧到隻寵物?


過來人啱啱養左人生第一隻貓, 養落先知, 貓同人一樣有心肝脾肺真係咩病都會有~
佢病, 你又唔忍心由得佢唔醫, 結果佢唔舒服你都只可以帶佢睇醫生~
貓睇醫生, 貴過人睇醫生好多, 出門口基本$700起.


唔講大病, 我隻貓由買番去之後疴爛屎要食止疴藥同益生菌, 到有日又見佢瞇起眼仔又打乞嗤發現佢感冒同眼發炎, 再跟住見佢耳仔痕發現佢耳仔生蟲, 然後到幫佢絕育, 再跟住發現有腸道寄生蟲, 真心, 你少D錢少D愛心都唔掂~ 因為餵貓食藥唔容易, 你又想佢好番, 最後都係要恨心迫佢食~


再講家居, D人話貓要教, 教佢唔好咬電線唔好周圍跳, 但事實唔係咁容易~ 佢一悶, 就係屋企搞事~ 佢仲會換毛甩毛, 我屋企隻小公主近排係咁甩, 早晚同佢梳毛都梳出一堆, 當然中間仲有我梳唔到果D係屋企周圍飄~ 你仲要日日同貓貓清潔, 抹下手抹下屁股, 幫佢鏟屎, 間中清貓砂洗廁所~ 你如果困佢係籠仔, 開冷氣又怕佢冷親唔敢開太大, 你唔困住佢, 又怕佢衝左出大門口, D貓真係一閃就唔知去左邊, 你真係諗清楚點搞~


如果你問我, 後唔後悔養貓, 我可能會答你: 有少少後悔~
我唔算好有錢, 但亦唔係最低層, 叫做都有閒錢養貓貓, 但隻小怪獸真係用好多錢, 因為驗佢腸道寄生蟲要交去大學化驗室, 第一次驗三千幾, 驗出中左濟蟲, 一個月後再幫佢驗又跌左千二蚊~ 玩具/零食/清潔用品/貓砂/睇醫生, 樣樣都要錢~ 你除非好有閒錢, 否則我勸你諗清楚~  


或者買雀仔啦, 雀仔易照顧而且仲識唱歌~ 



引用:
原帖由 泡泡果 於 2022-6-22 09:45 發表
過來人啱啱養左人生第一隻貓, 養落先知, 貓同人一樣有心肝脾肺真係咩病都會有~
佢病, 你又唔忍心由得佢唔醫, 結果佢唔舒服你都只可以帶佢睇醫生~
貓睇醫生, 貴過人睇醫生好多, 出門口基本$700起.


唔講大病, 我隻貓由買番去之後疴爛屎要食止疴藥同益生菌, 到有日又見佢瞇起眼仔又打乞嗤發現佢感冒同眼發炎, 再跟住見佢耳仔痕發現佢耳仔生蟲, 然後到幫佢絕育, 再跟住發現有腸道寄生蟲 ...
我養3隻貓,養得就預左要洗錢,但我沒後悔養貓



引用:
原帖由 Kamanbbb 於 2022-6-22 09:52 發表

我養3隻貓,養得就預左要洗錢,但我沒後悔養貓
有得再揀我應該唔會養~
但我帶左佢返屋企, 我就會好好照顧佢一生~
樓主仲有得選擇, 應該俾佢知個事實, 等佢諗清楚~
其實我養之前我買左兩本養貓書, 睇完再諗左兩三個月, 但養落先知同書講既根本有好大出入~



比個孫佢


引用:
原帖由 泡泡果 於 2022-6-22 09:55 發表

有得再揀我應該唔會養~
但我帶左佢返屋企, 我就會好好照顧佢一生~
樓主仲有得選擇, 應該俾佢知個事實, 等佢諗清楚~
其實我養之前我買左兩本養貓書, 睇完再諗左兩三個月, 但養落先知同書講既根本有好大出入~
明白閣下苦況
不過以樓主咁響貓跟狗之間揀
狗都一樣有閣下所提及嗰堆病
而且加多一樣, 要落街行一少運動仲多病
可能要好似閣下咁講養雀仔?
但雀仔又一樣有五臟六腑一樣會病
除非好狠心咁由佢死



引用:
原帖由 Kamanbbb 於 2022-6-22 09:52 發表

我養3隻貓,養得就預左要洗錢,但我沒後悔養貓
好奇養3隻咩樣嘅貓貓



引用:
原帖由 g9938c3f50729 於 2022-6-22 10:44 發表

明白閣下苦況
不過以樓主咁響貓跟狗之間揀
狗都一樣有閣下所提及嗰堆病
而且加多一樣, 要落街行一少運動仲多病
可能要好似閣下咁講養雀仔?
但雀仔又一樣有五臟六腑一樣會病
除非好狠心咁由佢死
係呀, 貓同狗都一樣~
但我只養過貓, 所以我只可以分享養貓既真實情況~
未養貓前, 我以為佢會好優雅咁自己係屋企度自己玩, D人又話貓好高傲唔理主人, 但事實係我隻貓由我入屋到上床訓覺, 佢都係咁叫想痴住我~ 我試過係佢側邊訓覺, 佢眼仔睩睩咁望住我, 然後好滿足咁自己訓覺~

雀仔我養過呀, 雀仔就簡單好多既, 因為佢就算有病, 你最多見佢冇胃口, 呢個時候加D糖係佢D糧果度(養開雀既叔叔教), 佢就會精神番, 當然佢咁細隻, 有病都未必有醫生識醫, 但如果照顧得好, 多曬太陽, 唔好冷親, 養到百年歸老都唔難~



引用:
原帖由 泡泡果 於 2022-6-22 11:23 發表

係呀, 貓同狗都一樣~
但我只養過貓, 所以我只可以分享養貓既真實情況~
未養貓前, 我以為佢會好優雅咁自己係屋企度自己玩, D人又話貓好高傲唔理主人, 但事實係我隻貓由我入屋到上床訓覺, 佢都係咁叫想痴住我~ 我試過係佢側邊訓覺, 佢眼仔睩睩咁望住我, 然後好滿足咁自己訓覺~

雀仔我養過呀, 雀仔就簡單好多既, 因為佢就算有病, 你最多見佢冇胃口, 呢個時候加D糖係佢D糧果度(養開 ...
就係知道養貓養狗都難
大家先好心建議樓主之嘛

雀仔嘅簡單? 係因為願意研究嘅人少
好似塞糖塞鹽咁總之食返口野就當好返咁大把
真正要送見醫生的話恐怕都係叫佢人道
好似同帶雀仔見閻王無分別



1. 屋苑俾唔俾養狗?唔俾就唔洗諗啦

2. 退休後會周圍去?定留家多?留家多就貓狗都無所謂,否則就不適合養狗



除非屋企過千呎, 又有花園, 唔係嘅話, 養貓會好啲


應該去領養,唔好買,千其唔好


我同時養緊一隻貓同一隻狗,我隻貓比較獨立,除左肚餓先會搵人,其他時間佢都唔鍾意人搞佢,有零食就會熱情少少。狗就好痴身,連去廁所佢都跟埋入去,出街買餸返嚟佢都叫到好淒涼,可能咁啱開始養佢時係疫情開始,所以呢2年嚟都一齊喺屋企,我又每日帶出去散步,所以習慣每日都同我一齊,太依賴我。


如果鍾意去旅行嘅人要考慮清楚,貓狗住酒店未必適應,隻貓第一次住酒店時3日唔食飯。除非有信任嘅人幫手上門照顧。


同意樓試上,養貓狗都要預洗好多錢,除左有病睇醫生(隻貓不幸患上淋巴肚腫,現每3星期化療一次加每日食藥),每個月仲要杜蟲、跳蚤,耐唔耐要帶去寵物店做護理(清肛門腺、耳仔毛,因為呢啲自己未必做到,要專業人士幫手)。



鍵盤翻頁
左右
[按此隱藏 Google 建議的相符內容]