• 瀏覽: 3,225
  • 回覆: 22
  • 分享: 1
+3


晉國初封唐叔虞 , 初國號其實係 "唐" , 雖然唐叔虞時期就改為 "晉"
但係商朝時期 , 該地區其實就己經叫 "唐" ...

晉國所在並以此為基本領土既山西地區 , 由三條南北走向既既山脈構成
當中又形成左 6個盤地 , 由北向南分別為 :
大同盤地  沂定盤地  太原盤地  臨汾盤地  運城盤地 ,
以及係東邊既長治盤地 ... 晉國初封既係臨汾盤地 , 係運城盤地以外
第二南  靠近黃河既既盤地

西周係山西既封國 , 實際上都係北不過臨汾盤地 ,
因為臨汾盤地  運城盤地與關中 , 除左有河套相隔 , 其實地勢係相連
所以順理成章 , 好容易就係兩地殖民建國

因為 6大盤地有河流相連 , 所以係半封閉下 , 都會慢慢被統為一體 ,
加上其作為盤地既防守優勢 , 就成為晉國強大既基礎 ...
不過 , 周人係臨汾盤地  運城盤地其實封左好多封國 ,
北面太原盤地有山戎 , 東面長治盤地有赤狄

其實 , 晉國係西周時己經係臨汾盤地  運城盤地最強既國家 ,
加上平王東遷時有勤王之功 , 所以係東周之初 ,
係政治威信及周室支持下  , 好快吞併左山西既其他諸侯 ; 但另一方面
盤地既有防守優勢 , 也有容易割據既問題 ...
由早期既 "曲沃代晉" , 到後既晉國六卿 , 到最後既三家分晉 ,
都可以話係呢個問題既體現

https://www.youtube.com/watch?v=96Rv8Tj8Yvc

[ 本帖最後由 瑯琊王氏 於 2022-7-29 10:10 編輯 ]進入香討影片區



小弟最近睇到資料 , 話係鄭國小霸時期 ,
晉國  秦國之所以好似看不到踨影 , 其實係因為 ...
晉國仲打緊晉室與小宗曲沃(後來成功代晉)既內戰 ,
秦國就仲同犬戎打緊 ... ^.^"



提示: 作者被禁止或刪除 內容自動屏蔽
引用:
原帖由 arsenal2046 於 2022-7-20 13:29 發表
臨汾是產糧區
運城是鹽池
中條山是銅礦鐵礦產地
更可虎視潼關中原
而且西周的山西有一大批中原化的鬼戎
地理上山西的確很優秀
係呀 ... 另外有個視頻講過 , 係汾河線北面幾個盤地果 D ,
就係山戎 ; 而住係長治盤地果 D就係赤狄

話時話 , 小弟都係睇完呢系列視頻先明白 , 原來係列國時期
完全身處於大平原 , 那管就算有一兩面係挨住坐山 ,
其實都好難發展開來 ...
除非面對既都係開發程度較低  兼且散居既夷狄 ^.^

就好似鄭莊小霸咁 , 佢好似都強左一下咁 , 其實真係死好彩
一下佢有代天子征伐天下之權 ,
二來就多得秦國仲打緊犬戎 , 晉國又內戰緊 ...
佢先有機會扮下霸主 , 但其實衛國都一直同佢對著幹 ^.^"

而 "春秋初年三小霸" 既另外兩個 ,
齊僖  楚武就做緊更加實際既野 ... 瘋狂吞併東夷系既領土 ,
當然 , 因為鄭莊位處大平原之中 , 其實好多吞併行為 ,
都會比如衛國等鄰國阻止 ...

鄭莊仲要白痴到同周王室反面 ^.^"
基本上 , 鄭國既地理位置己經決定左 ... 佢無可能真正坐大



[隱藏]
其實小弟一直有個小問題 ... 睇春秋史 ,
成日都話秦國好難先出到崤山通道 , 咁講法小弟就好好奇勒 ,
歷史多咁多關中政權 , 好似前秦  北周 ,
點解又唔會比前燕  北齊輕鬆拿掐呢??? ^.^"



其實小弟呢個POST , 主要會講晉齊楚幾大強國既地理優勢 ,
不過因為秦國既地理優勢 , 實在太似宗周(或者係伐商前既周國)
所以唔會再出文講 ...

另外 , 正正因為秦國同伐商前既周國咁似 , 小弟又開始好奇 ,
周國當年又係點突破崤山既呢???
會唔會係 , 崤山通道要保守得好 , 其實要點係係山西???



提示: 作者被禁止或刪除 內容自動屏蔽
引用:
原帖由 arsenal2046 於 2022-7-21 16:21 發表

殷商有太多人背叛討王去了投靠有周
所以殷商對周人的軍事行動沒有攔截
a兄,小弟係fb睇到有人話,前秦、北周好似秦國咁難出崤山,係因為秦朝係基建狂魔,
馳道四通八達,唔會再有崤山係唯一通道之說,咁理解岩口岩?



又係春秋首霸主  又與秦國並稱 "東西二帝" ... 齊國位置到底強在那???



現代中國稱山東係 "齊魯文化" , 但其實齊同魯 , 係有頗大既地理相隔
呢個就係泰山 ... 佢甚至係廣大關東平原中 , 最大既山脈

而魯國就係封係泰山既西南側 , 齊國就係封係泰山既東北側 ,
頗為接近渤海沿岸 ... 兩國為泰山相隔 , 兩國都背靠泰山  向外發展 ,
因為泰山唔算太大 , 兩國競爭最終不能避免 ...

其中泰山東南面 , 與山東半島東南沿海之間 , 又有一條較小既山脈 ,
與泰山又唔算太近 , 以至僅僅成為崤山通道一樣既要道 ,
反而成為左一個河谷 ... 而係呢個河谷 , 就由東夷人建立左莒國 ...
無錯 , 莒國既原址就係日後樂毅伐齊 ,
齊國僅僅剩下兩城--莒  即墨中既莒 , 呢個河谷 , 就係由西南方向進攻
既唯一一條通道

齊國既地理優勢 , 就係在於 , 只係將呢個河谷守好 ,
自己就可以放心 , 向東面既山東半島擴張 ... 對自己唯一既威脅就只有
來自西北一個方向 ...
而且西北既對手又有黃河相隔 , 不過提一提 , 其實當時果度仲未係黃河
當時黃河未改道 , 仲係由今日既濟水入海 ...

事實上 , 黃河同濟水間既河濟平原 , 亦係齊國統一山東半島後 ,
自然既發展方向 ... 齊國另外兩個發展方向 ,
就係多次打敗魯國  讓魯國徹底臣服後 , 向中原發展 ; 又或者穿過河谷
向黃淮平原發展 ... 不過 , 中原之地就係各國競爭既中心 ;
而向黃淮平原發展既話 , 又一定會同楚國發生衝突

相反 , 魯國除左可以背靠泰山之外 , 其他三面都要面對敵人 , 地理上
就同之前講過既鄭國  衛國  宋國差唔多

https://www.youtube.com/watch?v=oKaQ84Uq3lI



[隱藏]
其實從#9去睇 , 齊國至少都吞左1/3個關東大平原 ,
以前齋睇地圖 , 其實唔明齊國有咩咁勁 ...
E+了解地形 , 先知道齊國領土利用率咁高 !!!

最大劣勢係三面邊界都係平地 , 防守要花費多一 D



提示: 作者被禁止或刪除 內容自動屏蔽
引用:
原帖由 arsenal2046 於 2022-7-22 15:08 發表

東周甚至戰國早期的秦國並不強大,
相信還沒有能力當基建狂魔
我意思係秦代基建之後,無論十六國時既前秦、南北朝時既北周,唔會再只得崤山,
一條路出關東



提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
[隱藏]
引用:
原帖由 arsenal2046 於 2022-7-22 22:14 發表

漢末因為黃河改道,露出新的土地,讓曹操找到新的路線入關,崤山天險自此被廢功了
係呢。。。之前見過一個講法,話山西有皇氣,好似唐高祖李淵就係太原起兵,
仲有五代既三代一國,仲有十六國前後都出現過劉琨、張平、西燕幾大山西割據政權,
可唔可以話,如果北方係分裂情況下,係山西割據仲好過係關中,話晒關中天險已失麻



鍵盤翻頁
左右
[按此隱藏 Google 建議的相符內容]