• 瀏覽: 10,858
  • 回覆: 45
  • 追帖: 1
  • 分享: 11
無綫既#東張西望打著正義嘅旗號,為民請命裏面其實裏面先係充滿黑暗同包庇,盡食緊人血饅頭。
尤其是攝影組問題非常嚴重,東張嘅攝影組係外判公司,由一間叫巴曲嘅公司代理,呢間公司簡直係吸血鬼!!兩位老闆盡極無人性、自私自利。東張都知道內部發生嘅問題, 但係就隻眼開隻眼閉包庇佢哋,以下有二十大罪狀:
1.冇提供任何合約畀入職既僱員。入職嘅時候佢冇任何合約畀你簽,但係由返工、放假、返工時間都係要由佢地安排,所有修款係返工前都隻字提。
2.冇幫僱員供強積金 。無論做咗幾耐,連續開工去都唔會幫你供強積金。勞工法例已經寫得好清楚咁樣係違法既。
3.冇幫僱員購買勞工保險。
有睇過電視嘅人都知道東張拍攝嘅題材都相對比較危險,除咗要追擊一啲有潛在危險嘅人之外,上山下海更不在話下,就算係黑雨天寒地凍八號風球, 巴曲一定要強迫我哋開工,而且好多時東張安排嘅Crew車都會嚴重超載,好多時要6-7人迫上一架5人貨Van,試問一旦發生交通意外,攝製隊就毫無保障。到時可以追究邊個??其實好多兄弟表明,到時會一定追究囉!但爸曲就回應話佢哋到時咪執左間有限公司去,用另一間新公再同無綫簽約囉!嘩!真係賤到一個點!
4.冇勞工假冇紅假、冇補假、冇病假、乜假期都冇,試過有同事染疫,爸曲會扣足你份糧,極度涼簿。佢地淨係每個月安排八日假畀你,如果佢地要你放多幾日,又會照扣,話就話月薪,但好難有足糧。同樣有Cam man都東張時受傷,醫藥費要自己畀外, 休息個幾日仲有冇糧出,完全違反勞工法例。
5.放假要自己補錢請freelance。呢個規矩真係痴q線,佢係用月薪支付畀我哋,每日都係得幾百蚊,但係如果我哋想指定日子放假,就要我哋用千三蚊出錢請freelance返嚟,變相仲要倒貼畀佢。就算同事當日係放假,都會叫你去維修器材呀,買公司用品,最過份仲會叫你去運輸埋器材,咁就唔係放假啦!有冇尊重過人地既假期呀? 平時就算係拍攝完畢, 都會叫我哋做好多拍攝以外嘅工作, 甚至要幫手處理佢哋嘅私人嘢, 用人用到盡。
6.假公濟私。巴曲其中一個老闆阿鵬,都係Cam Man,東張出名靚女多佢就好鍾意喺度溝女,當佢睇中咗一條女之後,佢就會唔畀其他同事同呢個女仔合作要自己霸住,其實呢樣嘢都冇所謂,但係佢就不適調動曬其他同事嘅假期去就呢個女仔嘅開工日子,不論你約好曬人或者有啲事要做,佢都要調你嘅假。將心比己,人地都要有私人時間架,淨係自己掛住溝女。早前佢睇中咗R主持,就狂安排自己同佢合作,追唔到後而家佢又追到一個突發組既A同事,就用吩咐式嘅口問同人講唔好撩佢條女,其實你咁巴閉不如收埋嚟養啦。D導演又好野架喎,由得佢邊溝女溝開工,正所謂喺度食都唔好喺度屙,佢就直情變本加厲日日要孖住呢條女開突發組。最慘就係阿鵬好鍾意係佢A女友面前,表現出佢雄風既一面,不停鬧人攞威。佢份人非常好色,成日都會對同事、主持、被訪者評頭品足。又分享佢既食女經,真係夠啦,無人想知你點食女呀! 我哋真係唔想對住你個女友有畫面呀!同埋覺得佢而家呢女友真係好笨柒囉, 條仔週圍人講。
7.炒人毫無理由。正常一間公司炒人都要出一封warning letter,就算同事無問題,但係佢哋就只要睇你唔順眼話炒就炒。
8.炒人嘅時候仲要冇代通知金,冇補水冇補假乜都冇,簡直係佢哋惡曬話點就點。真係唔好再呃人D血汗錢啦!
9. 如果遲到就要畀人炒,佢哋呢兩位老闆就係遲到得最犀利嗰兩個,基本上冇一日係準時開工,其身不正有咩資格話人?
10.嚴重拖糧,個情況係非常嚴重, 每個月平均遲十幾日,有時仲要遲二十幾日,做老闆都應該要有啲膊頭,連最基本嘅誠信都冇, 打工仔都係為咗一份量啫。
11.每個月都呃我哋嘅糧。 佢哋總係有方法用唔同嘅理由扣起同事嘅糧,有時就會話你放多咗假 ,有時會話你返唔夠數,總之就係得佢講冇人講,當你同佢想計清楚嘅時候,佢就會話遲啲補番畀你,但係又係得個講字,最後都冇補到,咁樣佢就會喺同事身上呃錢攞著數。有時Check真D,連OT錢佢地都食埋。
12.監硬屈我哋係自僱人士。入職既時候講到明係月薪計,而且係規定日子返工,成個月都要畀曬佢,根本冇可能係自僱人士,但係佢就用呢個理由,將所有福利都扣起,連勞工保險都唔買,走法律罅慳得就慳。
13.唔肯畀糧單,搞到我哋連入息證明都冇。
14.器材殘破不堪,要用就要我地自己畀錢買,唔係嘅話,又會同我哋講啲導演投訴我哋。
14.我地人工只得400-600/一日,就算要你半夜三更開工,都唔會有的士錢,但又要你去,扣埋的士錢,可能得返二百幾。仲有佢收無記係千幾蚊一日嘅人頭,落到我哋袋得番幾百,人工仲低過洗碗工,唔該攞返個良心出嚟做人啦。
16.逃避責任,避得就避。喺東將入面出名有四大癲王,為首係一個做娛樂18,又係態度極差, 尖酸刻薄,用足你12個鐘,其實我得幾百蚊一日,如果除番開12個鐘,我哋嘅時薪連最低工資都未必有。最衰仲會喐手喐腳,其實真係好冇家教,有時連飯都唔會俾你食。
另一個係Joxxxx女導演,係一個情緒失禁嘅狂人,好鍾意虐待我哋呢啲外判工,佢成日以為自己好有道理,其實係歪理,每次一上到crew車都會聽到佢鬧同事鬧高層,鬧到沒完沒了,佢真係覺得全東張只係得佢一個啱,其他人都係白痴咁,每次開工佢都好鍾意不停鬧人!
巴曲呢兩位老細明知佢哋難頂,兩位老闆盡量避得就避閃得就閃,唔會同佢哋開工,一個月最多就係開一兩次,呢啲惡頂嘅嘢就全部交曬畀我哋啲兄弟。如果邊個得罪咗嗰兩位老闆,就會專登畀娛18你開, 做死你為止, 編更會見到你每日踩足12個鐘,迫你走。其實娛樂咁難頂,兩位老闆又唔願做,係咪應該要畀多啲人工畀人做呀?而唔係喺度借刀殺人囉! 另外拍板就好憎K導演同P導演, 所以 基本上都唔會同佢哋合作, 好唔專業。
17.涉嫌盜用他人文件。東張連人哋亂揼垃圾都會報導,拖糧又會報導,但係佢哋自己內部嘅衰嘢就樣樣都做齊, 其中最嚴重嘅係爸曲老細阿鵬, 佢一直都唔肯打新冠疫苗,但係我哋進入tvb 任何一個地方都需要健康碼,先可以入閘,好多時我哋出席嘅場合我哋都要填健康申報表及健康碼,既然阿鵬冇打針咁佢而家用緊呢個健康碼係點樣嚟呢? 佢而家每日都會喺tvb嘟既健康碼, 呢個健康碼都係非法得來,佢仲會得意洋洋咁叫人哋唔好打針,攞人哋個健康碼嚟用咪得囉!所以而家部份東張既同事都係用佢教既呢個方法,但仍然大搖大擺咁進出電視城、餐廳、政府場合,妄顧他人安全。 喂!大佬!涉嫌刑事喎! 係涉嫌刑事喎!係涉嫌刑事喎! 其實呢件事佢哋裏面大把導演知道啦, 平時就話為民請命, 內部見到人違法、欺凌、不公義就隻眼開隻眼閉。 如果無綫真係有心追查,我唔信查唔到囉, 咁多月以來佢嘅返工紀錄, 佢健康碼嘅打針日期, 打針前有冇使用他人健康碼, 一查就知啦!!保安部有無做野架?今次又睇下點樣包庇佢。大家不妨去佢地既報熱線60886600查詢一下,會有咩回應?
18.阿鵬份人好鬼老屎忽, 恃住自己同無線嘅合約打風都打唔甩, 就會擺曬款,恰新人, 好多writer,主持其實都好q憎佢。
19.當有人善意提出意見嘅時候,佢就會話呢啲係傳統流落嚟,喺度搵藉口,爸曲明唔明時代係會進步架? 以前戲院裏面都可以食煙啦, 而家都要改啦。
20.拍攝手法守舊。當有人提出新嘅拍攝手法嘅時候, 佢哋根本上唔會接受,唔容許創新。
東張咁鍾意採訪陸大狀為民請命,其實佢哋會唔會問下陸大狀,佢哋又究竟涉嫌犯咗幾多條罪呢?究竟有冇犯法呢?我都好想知!!爸曲過往爭落我地咁多,又有無得追討呢?
站在道德高地上,去審判別人既過失。神探大戰裏面嘅名言,自己都會變成魔鬼。
東張你哋都係成日喺網上搵了啫! 會唔會即刻訪問下其他cam man呢?係咪真有其事呀? 又會唔會check下阿鵬張針紙呀? 快啲報導下啦



Ching似乎係入面其中一員,唔知慌張西望會唔會訪問你喺慌張西望播放呢?期待呢一幕出場


引用:
原帖由 無限煩惱的甘蔗 於 2022-7-24 21:02 發表
無綫既#東張西望打著正義嘅旗號,為民請命裏面其實裏面先係充滿黑暗同包庇,盡食緊人血饅頭。
尤其是攝影組問題非常嚴重,東張嘅攝影組係外判公司,由一間叫巴曲嘅公司代理,呢間公司簡直係吸血鬼!!兩位老闆盡極無人性、自私自利。東張都知道內部發生嘅問題, 但係就隻眼開隻眼閉包庇佢哋,以下有二十大罪狀:
1.冇提供任何合約畀入職既僱員。入職嘅時候佢冇任何合約畀你簽,但係由返工、放假、返工時間都係要由佢地安 ...
你寫得好密,最好分一分行先,唔係好難睇



可以報去開台個新節目試試


[隱藏]
樓主 你打咁多字我好欣賞
但唔係每個人都咁有耐心睇
不如出條片睇下好過



引用:
原帖由 無限煩惱的甘蔗 於 2022-7-24 21:02 發表
無綫既#東張西望打著正義嘅旗號,為民請命裏面其實裏面先係充滿黑暗同包庇,盡食緊人血饅頭。
尤其是攝影組問題非常嚴重,東張嘅攝影組係外判公司,由一間叫巴曲嘅公司代理,呢間公司簡直係吸血鬼!!兩位老闆盡極無人性、自私自利。東張都知道內部發生嘅問題, 但係就隻眼開隻眼閉包庇佢哋,以下有二十大罪狀:
1.冇提供任何合約畀入職既僱員。入職嘅時候佢冇任何合約畀你簽,但係由返工、放假、返工時間都係要由佢地安 ...
唔報MPF去報警啦,係度寫冇用



引用:
原帖由 無限煩惱的甘蔗 於 2022-7-24 21:02 發表
無綫既#東張西望打著正義嘅旗號,為民請命裏面其實裏面先係充滿黑暗同包庇,盡食緊人血饅頭。
尤其是攝影組問題非常嚴重,東張嘅攝影組係外判公司,由一間叫巴曲嘅公司代理,呢間公司簡直係吸血鬼!!兩位老闆盡極無人性、自私自利。東張都知道內部發生嘅問題, 但係就隻眼開隻眼閉包庇佢哋,以下有二十大罪狀:
1.冇提供任何合約畀入職既僱員。入職嘅時候佢冇任何合約畀你簽,但係由返工、放假、返工時間都係要由佢地安 ...
做好多犯法嘢喎😮 咁樣返工好危險



密麻麻睇得好辛苦!
建議段落之間加空白行分隔,另每一點加小標題摘要,可以放便心急人快速睇重點。



引用:
原帖由 開平 於 2022-7-24 21:19 發表
Ching似乎係入面其中一員,唔知慌張西望會唔會訪問你喺慌張西望播放呢?期待呢一幕出場
我都想睇佢點 報道😂 可以點解釋



[隱藏]
呢啲咪就係官官相衛囉, 做咩攞人哋個安心出行? 好黐線
欺詐員工



引用:
原帖由 樂天迷人的生薑 於 2022-7-24 22:38 發表

我都想睇佢點 報道😂 可以點解釋
可能好似其他人一樣,如果係電話問講講下就收線,又或者拍緊片就叫唔好影,什至走佬
呢啲都係慌張西望節目內常見畫面



間公司甘衰刻薄員工,永不錄用了


引用:
原帖由 開平 於 2022-7-24 22:49 發表

可能好似其他人一樣,如果係電話問講講下就收線,又或者拍緊片就叫唔好影,什至走佬
呢啲都係慌張西望節目內常見畫面
咁今次係咪調返轉 東張要走佬?



引用:
原帖由 樂天迷人的生薑 於 2022-7-24 22:54 發表

咁今次係咪調返轉 東張要走佬?
咁個畫面就真係好搞野。主持唔知有咩評論呢?



[隱藏]
引用:
原帖由 開平 於 2022-7-24 23:03 發表

咁個畫面就真係好搞野。主持唔知有咩評論呢?
調返轉追蹤返佢哋啲老闆 😂你而家欺詐員工喎, 佢哋有咩事咁你點算?,😅😅😆😆 似係慣犯, 唔知會唔會有人真係去舉報呢🤔🤔 好想睇下



鍵盤翻頁
左右
[按此隱藏 Google 建議的相符內容]