• 瀏覽: 16,798
  • 回覆: 103
+2
https://hk.on.cc/hk/bkn/cnt/spor ... 0728_00882_001.html

C朗要求解約 拒絕「罷工」最快周日上陣

07月28日(四) 09:00



C朗拿度返曼聯報到報,周二(26日)聯同經理人佐治文迪斯同領隊坦哈格等曼聯高層「攤牌」。據英國《每日郵報》報道,雙方嘅立場都冇改變,曼聯仍然指C朗係「非賣品」,目前亦冇收到任何報價,而C朗就堅持要求轉會,更加向曼聯提出解約要求,令佢可以自由轉會。

《每日郵報》消息指,90分鐘嘅會面並冇影響到雙方立場,C朗仍然希望可以成功轉會,但佢亦知道能夠提供合適財政計劃嘅球會唔多,所以C朗要求提前1年將佢份36萬鎊周薪合約取消,以自由轉會嚟提升吸引力,呢位37歲老將早前亦表示願意減薪3成。

報道指C朗喺未實現轉會目標前,會以「專業態度」繼續履行合約,包括操練同上陣比賽,消息指曼聯周日(31日)對華歷簡奴嘅熱身賽,預料會派出副選同青年軍球員上陣,啱啱展開單獨操練嘅C朗有機會喺呢場上陣提升狀態。

C朗果然「專業」



https://sports.now.com/home/news/details?id=36640356398

C朗孤獨復操 或鬥華歷簡奴
8小時前



【Now Sports】基斯坦奴朗拿度周三做「孤獨精」開操,有機會在周日上陣鬥華歷簡奴。

英國《每日郵報》報道,基斯坦奴朗拿度(Cristiano Ronaldo)以家庭原因缺席了曼聯在泰國、澳洲的季前熱身賽,周二才返回球會報到,進行體測。這位葡萄牙球王周三終於開操,但與一眾隊友分開。之後,C朗觀看了紅魔以4:1大勝域斯鹹的閉門友賽。

雖然37歲的C朗要求離隊,但曼聯堅持留人,而且沒有太多球隊願意接手,因此他或在季前熱身賽披甲。紅魔周六在挪威對馬德里體育會,C朗難以有足夠狀態上陣,而且早前曾與這支西甲勁旅傳出「緋聞」,相信他有機會在周日披甲,於奧脫福鬥華歷簡奴。



我覺得曼聯應該盡快放佢走
利申:曼迷



“冇收到任何報價” 🤣

吹左咁耐,原來根本冇人要



[隱藏]
提示: 違規內容已被屏蔽
朗伯有専業態度, 無罷工, 只是家庭問題 ...
信者得救.



「目前無收到任何報價」,即係無人耍囉


賠錢買斷合約就可以走啦,點解要曼無條件放你?


其實退休算啦…又唔係好波過人


[隱藏]
唔賠錢就想走! 不過曼聯應該盡快應承,早早踢走佢。


我覺得好奇怪,無收到報價,但係佢又咁想走?

咁如果真係走左,但又無其他球會收留,咁點算?


C朗咁有錢,自己賠錢走得唔得?



如果減薪80%,可能會有球會勉為其難⋯


引用:
原帖由 唔岩就要鬧 於 2022-7-28 10:17 發表
我覺得好奇怪,無收到報價,但係佢又咁想走?

咁如果真係走左,但又無其他球會收留,咁點算?


C朗咁有錢,自己賠錢走得唔得?
咁佢最後如果肯收低價人工,講真一定有班落,只要佢唔揀擇



每日郵報可以不理,明顯經理人又玩放風,車仔要佢都傻,都已經齊腳,揾佢返嚟比佢擦數據?


[隱藏]
攞幾千萬出嚟贖身囉


鍵盤翻頁
左右
[按此隱藏 Google 建議的相符內容]