呢幾年都好興staycation，我自己都周不時同朋友會去staycation，但去左呢間酒店之後真係驚左唔敢再去啦
唔間酒店就唔開名啦，但佢就係喺荃灣，其實一入到房，第一眼就已經覺得佢D光都唔係好夠咁，暗暗地，枕頭又會見到有啲頭髮絲，果陣心諗間酒店清潔清得真係唔係幾好，頭髮絲咁多都有嘅，本身諗住轉房，但同行嘅朋友唔想郁，最後冇轉到。
去到夜晚訓覺果陣，廁所係咁有沖廁聲，我差啲懷疑我個fd係唔係腎虧，腎有事，點解可以去咁多次廁所，但望真係啲，隔離張床又有人訓緊，咁邊到嚟嘅沖廁聲？呢個時候我就已經好驚，我就當咩都聽唔到啦，之後突然間，我feel 到自己好似被啲野壓住左，郁都郁唔到，勁有壓迫感，嚇到我將以前學校學過嘅道德經、聖經節錄都唸埋，過左一陣先終於冇事。
第二日訓醒，我朋友見我面青青，問我係唔係唔舒服，琴晚係咁去廁所，佢話聽到廁所有沖廁聲，以為係我去廁所。我最後都冇同我朋友講其實去廁所嘅人唔係我...
