• 瀏覽: 8,025
  • 回覆: 11
  • 分享: 3
首先,孤立咗個target先,等佢冇人幫。
人人唔鬧,淨係鬧佢,即係佢有問題啦。
邊個夠膽企佢嗰邊,我就做低埋邊個。
當然,做低咗佢,咪喺其他人之中,
再揾嗰新受害者囉。


照肺又好,辱罵又好,一次唔夠㗎,
日日嚟,鬧到佢怕。


俾佢做嘢,一時一樣,反反覆覆,
問佢跟得邊樣?
口頭好喇,唔好白紙黑字,
等佢冇證據投訴到。
佢跟唔到,咪佢問題囉,再鬧過。


喺人哋面前講佢壞話,呢個就例㗎啦。


文員又好,經理又好,
一律調佢去守水塘、坐廁所門口,
做清潔、做派信。



引用:
原帖由 炭屎郎 於 2022-8-5 17:17 發表
你唔做錯,人地搵條毛黎挑?

咁檢討自己仲怪人地挑剔,還有用嗎?
冇錯,識貨,就係挑條毛。
你知唔知乜嘢叫做莫須有?

你問得,即係冇俾人欺凌過。恭喜你。



引用:
原帖由 Babi789 於 2022-8-5 20:52 發表

好,個個走晒,你自己做晒。

請新人?好,登招聘廣告先
仲好,新人仲好恰。
舊人目擊過人哋被欺凌,識防避。
新人唔識。用舊招數對付新人一樣work。



引用:
原帖由 炭屎郎 於 2022-8-6 09:46 發表

我係挑人嗰個,見到依家嗰班職場年青人,真係無言....
我由後生到老,
都係錯就會認、打就會企定嘅。
而且我嘅強項係好識站在人哋角度諗嘢。
人哋講嘢有冇道理,
定抑或無理取鬧,我分得出。


風水係會輪流轉嘅。
你做細嗰陣都係俾老鬼嫌棄,
人哋一樣無言。
你而家都會俾班後生話你老屎忽,
佢哋一樣冇你咁好氣。



[隱藏]
引用:
原帖由 Babi789 於 2022-8-6 10:15 發表

有新人入先算啦
總會有人時運低、等錢使的。



引用:
原帖由 炭屎郎 於 2022-8-6 13:10 發表

我做o靚年代畀舊人插做錯野嗰時會檢討自己令自己進步,所以今日可以升職帶新人。

你睇吓今時今日班港孩出黎做野同我地當年邊有得比!
一啲啲人啦,都有啲生性嘅。
個個年代都有人聽話有人唔聽。



引用:
原帖由 huhuing 於 2022-8-6 11:07 發表

恰新人又唔好咁
欺凌者係冇人性㗎嘛,乜都做得出。



引用:
原帖由 前面契帝 於 2022-8-6 13:45 發表

呢句講得好岩啊,睇得出邊個賤種,見人唔出聲就不斷作惡.
其實好多職場欺凌係上級恰下級、
長輩恰晚輩,總之就係大蝦細,
人哋有權,受害者根本冇得出聲,
旁觀者又唔敢幫手。
唔好諗住向HR投訴。
唔好成日當咗HR係學校風紀、
或者訓導主任。
職場唔係學校,權力大過公義。
除非加害者出手打人,就報得警添啦。
精神虐待又冇樣睇,邊個時運低唯有硬食。


仲有好多外國文獻指出,
好多職場欺凌受害者,
竟然唔係特別樣衰零捨蠢鈍之輩,
反而係乖仔乖女good performer,
甚至有technical skill嘅,
不過係俾人妒忌、甚至俾上司妒忌。



引用:
原帖由 huhuing 於 2022-8-6 13:20 發表

我以為你恰人
我要做恰人嗰個,
就唔喺度教人點恰人啦。
最好淨係我一個識得恰人,
全世界俾我一個恰哂。



[隱藏]
引用:
原帖由 炭屎郎 於 2022-8-6 14:07 發表

唔好為拗而拗,唔通以前寫信依家話你send email係錯咩。

叫得做錯梗係有爆鑊,我早幾年真係當新人仔仔女女咁教,但原來佢地唔受教,依家升左lv又鳩佢地爆鑊算!
「叫得做錯梗係有爆鑊」
係你自己嘅定義咋。
有啲人要借題發揮揾嘢鬧,
唔通仲慢慢等隻鑊?
個powerpoint其中一段
用咗13.5 font size而唔係14,
因為太多字。個bar chart隻色唔襯,
咁會唔會死人?要大鬧,一樣可以鬧。



引用:
原帖由 炭屎郎 於 2022-8-6 19:17 發表

你呢個例子叫做甩甩漏漏,唔算錯,但睇得出個人做野唔細心,難成大器
咁我亦睇得出你有幾咁主觀、
有幾咁唔聽人講嘢。
唔洗而家啲後生,連我都冇你咁好氣。


所謂甩甩漏漏係你一廂情願嘅諗法。
Font size用13.5唔用14,
係因為字太多,用太大字體就出哂界。
你覺得專登用13.5為咗唔出界甩漏啲,
定由得佢出哂界甩漏啲?
出咗界,係咪又俾你鬧難成大器?
隻色,你話唔襯我話襯。
唔係你係老鬼就啱哂的。



引用:
原帖由 肥貓仔 於 2022-8-6 22:52 發表

好多所謂欺凌者都係身有屎。
無野既,你蝦我,我唔出聲俾你任玩。然後將你既衰野影低錄低留哂證據,然後send哂俾你老頂囉。睇下邊個衰?
到時你走得快過我啦。學人玩欺凌?
有冇試過你老細同老頂一齊欺凌你呀?
我試過。
我係第6個受害者。主謀係老頂。
幫兇就次次唔同,有時老頂兼任,
我嗰次係我老細。
影低證據,俾邊個睇?
再上一級啋你都有味。
定開個YouTube channel?
邊個衰?我囉。邊個走得快?我囉。
不過我老細後來都走咗。
唔知佢係俾老頂當condom,
定去第二度發財啦。
聽聞個老頂移咗民去英國。



[按此隱藏 Google 建議的相符內容]