• 瀏覽: 22,397
  • 回覆: 67
  • 追帖: 30
  • 分享: 16
踏入農曆七月,想喺度同大家分享下自己後生喺鶴X水塘露營嘅一個親身經歷。


我後生時因為家庭關係,好細個已經出咗嚟做嘢,冇話好似依家啲後生咁有暑假放。嗰陣啱啱搬咗屋,返工地方離屋企有啲遠,所以就辭咗職先,諗住喺屋企附近再揾過另一份工。我喺之前份工識咗個同事,之後做咗好朋友,叫「輝哥」,佢見我未揾到新工有啲得閒,咁啱佢有個friend個uncle出咗車牌,就摟我一齊去露營輕鬆下(嗰排我都因為一啲事唔太開心)。


我見自己都得閒,而且輝哥又一番好意,就應承咗佢。我記得嗰陣大概係夏天七八月,冇留意係咪已經踏入咗七月節。我自己一來未去過露營,而且都冇乜意見,咁就由得輝哥同朋友商量,最後就決定咗去鶴X水塘露營。

[ 本帖最後由 default2046 於 2022-8-5 14:15 編輯 ]



嗰日天氣好好,不過就鬼死咁熱,連一啲風都冇。輝哥個朋友叫「強哥」,強哥個uncle車咗我哋一行三人、連埋啲露營用品、水同食物咁入到去鶴X水塘喺閘口擺低我哋,然後我哋三個就自己揹住啲嘢行入去營地。


強哥話佢有個friend晏啲會帶埋女朋友入嚟join我哋。嗰陣我見我哋都係帶得嗰兩個營幕,有啲奇怪佢哋係咪自己會帶露營用品、定係唔會同我哋一齊玩過夜,但因為自己今次都冇乜出到錢,又唔想比人覺得自己煩,就冇強哥問咁多嘢。


我哋身水身汗行到入去營地,擺低啲嘢set好兩個營之後都已經成四點幾。輝哥叫大家飲啲水休息一下先,然後叫我幫手喺附近執啲枯枝,話留返今晚攞嚟用。



😰😰😰 然後呢⋯⋯ 你係咪打緊下半part 


荒山野嶺,唔洗農歷七月都好多老友記陪你路營啦。
有好多老人家行山時好鍾意開大個收音機,其實人要休息,靈體都要休息(靈體都有子女未訓醒), 所以點解咁多老人家行山出事跌跛就係咁解。
唔係吹水,我老母試過比靈體警告,叫佢唔好開收音機嘈住晒。



[隱藏]
作完未


文筆好流暢   支持樓主  快d出下集 👍


引用:
原帖由 hh002 於 2022-8-5 16:01 發表
荒山野嶺,唔洗農歷七月都好多老友記陪你路營啦。
有好多老人家行山時好鍾意開大個收音機,其實人要休息,靈體都要休息(靈體都有子女未訓醒), 所以點解咁多老人家行山出事跌跛就係咁解。
唔係吹水,我老母試過比靈體警告,叫佢唔好開收音機嘈住晒。
現身警告?好驚喎



引用:
原帖由 lobstersoup 於 2022-8-5 16:25 發表

現身警告?好驚喎
因為我一家人都係敏感體質,所以容易收到警告,反而未必係壞事,買D 際品拜拜 say sorry 就冇事。
有D 老人家直接比野推落山,有D on9 去荒山野嶺中出,付左身就周圍搵法拜cfu,  仲要比人呃錢wow, 你話係咪抵死。



露營嗰度係一塊草地咁,基本上好乾淨都揾唔到樹枝,所以我就行咗入去隔離嗰個樹林,好專心咁週圍睇下望下,執地下啲樹枝仔,不知不覺就越行越入。


執下執下,我見啲樹枝都差唔多夠用,就擰轉頭想行返出去。行咗一陣出返個樹林,第一眼望去直覺覺得自己好似行錯咗路:眼前環境雖然同之前一模一樣,但係就靜到耳仔都ring ring哋,而且連我哋原本扎營嗰個位依家都空空如也,週圍一個人都冇。我企咗喺度定一定神,只係諗:你哋唔係玩我呀?走都唔叫埋我?

[ 本帖最後由 default2046 於 2022-8-6 08:47 編輯 ]



[隱藏]
期待中


我下意識向我哋原本扎營個地方行過去,想睇下輝哥佢哋係咪真係咁冇義氣走咗都唔叫我,或者有冇留低啲乜嘢通知我佢哋轉咗去邊個位扎營。但係我行咗幾步,耳邊突然傳嚟「叮」一聲。由於嗰度本身個環境好靜,無端端咁叮一聲,我直頭比佢嚇到全身直冒冷汗,成個人好似時間停止咁僵硬咗。


誰知嗰一聲只不過係開始,跟住啲叮叮聲一串一串咁嚟,其中仲夾雜住一兩下查查聲,同埋一啲好似係人講嘢咁嘅聲。


初時我奇怪做乜啲人咁無聊(心個句其實係「岸X」),出到嚟郊外都仲要帶啲樂器嚟玩,仲想循聲音方向睇下條友乜嘢料。但係聽聽下,我忽然就諗:做乜嘢啲聲咁似人哋做法事啲打齋聲嘅呢?



真係唔諗由自可,一諗就淆X咗。一聯想到啲聲可能同嗰啲嘢有關,我當堂嚇到將成手執返嚟嘅樹技掉咗落地,二話不說就向傳嚟聲音嘅反方向跑,口裡面仲不斷講:有怪莫怪、有怪莫怪…

因為我嗰陣可以話係已經驚到失去理智,詳細究竟跑咗去邊同跑咗幾耐都完全冇晒印象,淨係記得好似有跑返入樹林裏面。總之我出返嚟第一眼就見到輝哥喺遠處隻手拎住一枝樹枝、向住我講:「X你! 去X咗邊呀你!」

[ 本帖最後由 default2046 於 2022-8-6 08:50 編輯 ]



巧驚驚


年紀大,習慣早食飯。這經歷重點在夜晚一段,如精神許可,會今晚分享埋,縱使力有不逮,也盡量會在明天完成,謝謝。


[隱藏]
你寫得好精彩,好想追睇落去


鍵盤翻頁
左右
[按此隱藏 Google 建議的相符內容]