• 瀏覽: 8,020
  • 回覆: 68
+4



MIRROR紅館演唱會於7月28日的第4場發生嚴重事故,李啟言(阿Mo)被掛半空的巨型屏幕擊中受重傷。事件發生了一個多星期,除了多間參與不同方面製作的公司均有出聲明之外,演唱會監製Fran9亦有開腔回應事件,不過MIRROR的經理人花姐(黃慧君)在事發當晚開咪要求觀眾離場之後,暫未有公開回應過。而梁思浩於8月2日主持網台節目《大家「真」瘋騷》時,談到該事件,並怒轟花姐︰「有一個人我覺得成件事係難辭其咎㗎,嗰個就係阿花!」

梁思浩、李思蓓和Mandy主持《大家「真」瘋騷》,談到MIRROR演唱會發生的慘劇,梁思浩先提到在事件發生後,有幾位名人發聲,分別是王貽興、「阿姐」汪明荃和郭富城,大讚他們就如英雄一樣,他說︰「有好多人都會避而不談,尤其是圈中人,有時覺得好多圈中人為咗搵食,點解唔談論呢?費事得失人。」

之後,李思蓓指出問題所在,「而家佢哋嗰個演唱會點解會有咁多爭議出嚟,係你收個門票絕對有呢個資源去做呢一件事,而冇做啊嘛,你係賣到爆晒飛㗎嘛。」梁思浩續說︰「我真係做過演唱會監製,我係有權對呢件事發言。第一,所有錢銀、所有嘅嘢都係由你控制嘅,即係話個演唱會賣晒飛㗎啦,即係話你已經賺硬咗錢㗎啦,你條數已經返咗嚟,你加幾多嘢落去你唔係蝕住做啊嘛,你係賺住做啊嘛,但你賺住做你仲喺度慳。」

梁思浩接着指責沒人出來承擔,「喺呢個危難中,有人會選擇沉默,或者逃避。甚至我成日都話如果你要做一個監製,你要做一個經理人,你哋搵緊錢㗎嘛,你哋點解唔肯有膊頭企出嚟,你要班細路仔去面對呢?嗰12個細路仔好慘喎,去面對。(Mandy︰同埋佢哋嗰12個同阿Mo關係都好。)係啊!所以你話今次係咪要人出嚟交代呢?都咁多日啦。

梁思浩之後說︰「我夠膽講一樣嘢,我都係俾人哋轟㗎喇,我一噏個名就俾人哋轟㗎喇,但係我唔怕嘅,我從來覺得係有嗰句講嗰句,你係一個監製,甚至你係一個經理人,如果你rehearsal睇到有危險,你需唔需要保護你啲藝人先?」他又說︰「幫你搵錢㗎喎!你袋錢就袋落袋啦?(Mandy︰你袋咗你而家都唔出聲?你應該當自己仔㗎嘛,係咪先?)」梁思浩將矛頭直指MIRROR的經理人花姐︰「所以我話畀你聽有一個人,我覺得成件事係難辭其咎㗎,嗰個就係阿花啦!阿花,老老實實啦阿花,如果你係呢12個細路仔嘅經理人,你有睇rehearsal㗎嘛!你有去睇㗎!如果你話俾我聽你冇睇,仲衰!」

梁思浩繼續怒轟花姐︰「同埋你當時你係一個經理人,又或者係監製,你覺得有危險,係咪要出聲先?因為所有幕後嘅人已經開始講,其實rehearsal已經有危險,rehearsal有危險,你唔係新人嚟嘛,你做得監製,你錢就袋落袋,責任唔使你孭啊?呢個世界冇咁唔使找錢嘅午餐㗎!」李思蓓又總結說︰「大家知道,呢12個小朋友係可以幫公司賺好多錢,但係你哋麻煩都要認清楚,佢哋都係人嚟,唔好物化佢成為一個生財工具,呢啲小朋友係人嚟。」



引用:
原帖由 千堂 於 2022-8-5 15:31 發表
MIRROR紅館演唱會於7月28日的第4場發生嚴重事故,李啟言(阿Mo)被掛半空的巨型屏幕擊中受重傷。事件發生了一個多星期,除了多間參與不同方面製作的公司均有出聲明之外,演唱會監製F ...
從來都冇當過12個係人, 係馬戲團的動物,表演緊跳火圈,花姐係用皮鞭打到12隻動物順服, 造星目的唔係選秀,係選動物。



花姐,對你好失望,完全無做好保護藝人既責任


[隱藏]
支持花姐_____
被人炒



引用:
原帖由 joefo 於 2022-8-5 15:58 發表

從來都冇當過12個係人, 係馬戲團的動物,表演緊跳火圈,花姐係用皮鞭打到12隻動物順服, 造星目的唔係選秀,係選動物。
花姐,係馴獸師⋯⋯
造星,係選 馬騮精…..

[ 本帖最後由 keyboard-soiler 於 2022-8-5 16:48 編輯 ]



引用:
原帖由 keyboard-soiler 於 2022-8-5 16:43 發表

花姐,係馴獸師⋯⋯
造星,係選 獅子王…..
點解唔係十二隻跳跳扎嘅馬騮



引用:
原帖由 By.the.way 於 2022-8-5 16:46 發表

點解唔係十二隻跳跳扎嘅馬騮
謝指正,我改返先






[隱藏]
肥花


花姐話:我潛緊水係聽唔到你哋水面上講嘅嘢㗎!😂


提示: 作者被禁止或刪除 內容自動屏蔽
電視台當無件事!癱左慘過死!


好諷刺,2022最大笑話


[隱藏]
一直龜縮


鍵盤翻頁
左右
[按此隱藏 Google 建議的相符內容]