• 瀏覽: 1,054
  • 回覆: 1
......繼 (link)


自己「參」佛法,自然會參到鬼五馬六,所以一定要有人教。


教者,一般會搬出一堆名相叫你跟住做,如真如、中觀,都好重要,但係咩嚟嘅呢,究竟要點樣做呢,無講。見過視頻有貌似僧人教學,説話摩登,玩棟篤笑。這區亦見過有人引用一篇文章,作者話自己跟師傅修學咗幾年佛法都未太明白,但該作者被安排去主持禪七。亦見過視頻出家人教學,有北傳僧人也有南傳僧人,有的未明白佛理就試圖解釋,東拉西扯;有的明白佛理但係唔識教,到喉唔到肺。基本上聽者無法從中得益。


另,如天基教眾一様,祈求唔成功因為你唔夠虔誠。佛教眾亦都玩起類似的,唔明白因為你冇慧根。十分唔科學,目的要你咽下質疑,用無厘啦更的原因當解答,總之神、法一定唔會錯。

又有時候或會聽到,無效果因為你未如實了知,修學上其實係正確,但空有詞彙理論,怎樣為之如實了知卻以自己方式各自解讀,和真正方法相去甚遠。


那麽,學佛者要如何自處呢!?


- 自己睇佛經? 首先自問有幾多時間,有無出家人般咁多時間去畢生鑽研,從而還原佛法。再者,佛陀和阿羅漢都絕對唔係睇佛經成就。
- 念經念咒念佛? 佛陀自己都唔會做嘅嘢,做呢啲絕對無法重蹈佛陀得道足跡。
- 聽佛偈聽開示? 可以,但要去蕪存菁,identify佛法是什麽,其用途如何、什麽科學原理、確切方法為何、和坊間的其他方法有什麽不同、點解。唔好被次要的名詞擾亂視聽,兜兜轉轉。八萬四千法門?得,要我信的話請先列出這84000法門,另加十個唔屬於這84000內法門。而最最最重要,是親身體驗、證實真偽,佛陀也對弟子説不要輕易相信,包括佛陀他本人的教導。講到真偽,亦有人不能分辨何為真何為偽,據聞,有不少人能與神溝通呢,所以不難理解與佛相應的那些人説什麽。


自古偽冒多,尤其佛法咁殊勝,遠近馳名,沾上半邊能受人供養,和佛對答兩咀可以提升地位,所以要小心選擇作品。


和佛法相認,其實好簡單。有以下(但不限)特色。

- 無咒術、無迷信、乎自然、可身證、持戒律、修禪定、修慧觀、除習氣、使寂靜、心解脫

世上有這樣的教學嗎?有 [A video link]

努力尋找能解釋佛法的老師去學習去修行吧。


願眾生快樂

Sadhu sadhu sadhu

[ 本帖最後由 MICMIC_2ND 於 2022-8-11 07:26 編輯 ]



本來個video 諗住如果有機會才post, 冇機會就唔post。


好衰唔衰走咗入去一個已黑佢名單的網友帖,一貫地睇唔明佢講乜,但佢post 咗一個我睇得明嘅電視劇,咁啱我要post 的聲帶第41分鐘開始就提及。



可能呢啲就叫所謂因緣。(孽緣)


https://youtu.be/8ueKTjvWiyQ



[按此隱藏 Google 建議的相符內容]