• 瀏覽: 11,671
  • 回覆: 15
  • 分享: 2
上個月公司就已經發左通告話今個月會有員工活動,因為鬼節,所以會去靈探,仲要要求所以同事都要去。所以就算其實有好多人都好驚,包括我在內,但大家都頂硬上。為左份工,大家真係揾命博...

我地靈探嘅地點係一間廢置左嘅學校,一開始其實我都唔係好怕,怕嘅可能就係怕黑,所以除左手機電筒,我自己都帶左支強光電筒,光啲好似都冇咁驚。

一入到去就覺得好一陣涼意。我地就幾個幾個一組去行左一次整間學校。行過一間課室,竟然聽到啲拉椅子嘅聲,但明明果到一張椅子都冇,到而家諗左好耐我都諗唔明係咩聲。因為我都怕,所以我其實手機down左個測鬼App,雖然唔知佢準唔準,係真定假,但佢測到個電波訊號好強,好似話訊號愈強即係代表有靈體出現。所以我拉住啲同事好快行走,希望我只係路過,唔好得罪佢地。

行完之後仲有團體活動,我地一班人圍住個圈坐底左,放左好多支電筒係隔離照住,公司唔知係邊到準備左個靈魂盒子,用嚟問靈體問題,我地問左問題,部機都真係有應到真係有靈體答我地,佢係一把好老嘅男人聲。正當我地想追問嘅時候,我地放喺隔離嘅電筒突然全部熄左,全個場黑晒,好多同事尖叫仲跑走左...

因為大家都好驚,呢個員工活動就咁就完左。不過有啲同事就冇咁好彩...



靈魂盒子?是不是銀仙筆仙靈擺的進化道具??


間公司職員個個俾鬼搞死,不過好慢,日日活在恐懼中


冇咁好彩嘅同事去咗邊?


[隱藏]
引用:
原帖由 入廁所禁緊急制 於 2022-8-10 16:34 發表
冇咁好彩嘅同事去咗邊?
佢好似撞左邪,畀野纏住



引用:
原帖由 hh002 於 2022-8-10 14:40 發表
靈魂盒子?是不是銀仙筆仙靈擺的進化道具??
應該都類似,總之就可以同啲靈體對話咁



引用:
原帖由 三妻四妾 於 2022-8-10 16:07 發表
間公司職員個個俾鬼搞死,不過好慢,日日活在恐懼中
去完之後,大家同事啲士氣氣氛都差左好多



引用:
原帖由 剃髮維尼 於 2022-8-10 16:51 發表

佢好似撞左邪,畀野纏住
咁你應該訪問下佢,之後再寫包膠。
我對請靈的東西或靈探真係冇咩興趣。呵呵。



好癡線,間公司。如果係真的話,我會病假唔會去呢啲活動


[隱藏]
咩公司,幾多同事?
點會玩 d 咁既野,又有人肯同佢癲



引用:
原帖由 剃髮維尼 於 2022-8-10 16:52 發表

應該都類似,總之就可以同啲靈體對話咁
咩公司?第二日全體sick leave都得啦。



邊間公司? 咁白痴


人真係好犯賤, 又要見又要驚


咩公司就唔開名啦,細細地,大概十幾個人左右去左


[隱藏]
果日完得太突然,第二日有幾個同事都請左假,大病左一場,有個同事仲好似變左另一個人,整日都有疑心以為自己見到啲唔應該見嘅野,仲拎左好多辟邪嘅野放係公司,符咒、十字架,咩都齊晒咁濟


鍵盤翻頁
左右
[按此隱藏 Google 建議的相符內容]