• 瀏覽: 1,510
  • 回覆: 3
傷追人係池上畫功得道之後第三本作品,
由男組數年既演變,到男大空既成熟之境,
但唯一弱點還是畫女主角,男組既女角色未成形,
到男大空既女主角就開始靚,
去到星雲兒時,池上既作品開始加多咗女主角既戲份,
亦開始將女角靚到好靚好靚,
而去到傷追人,就係登堂入室既典範,
將女角畫到靚到痴線!雖然之後淚眼剎星既畫功更加細緻,
但一個畫家最火最有靈氣之時其實係佢突飛猛進果段時間,
傷追人就係佢大熟大勇時既前期作品,到後期既佢就算畫功再高,
都開始出現老氣悶意,好難再有傷追人果份活力感!



傷追人真係好好睇,唔係指咸濕嘢,
而係佢係少數池上作品係有咁活力既故事,
池上後期既作品角色都好冷漠,故事亦好生硬沉靜,
但傷追人係充滿動感同活力,愛情上極之浪漫,
將愛寫得好淒美!睇咗五期,好好睇!



池上大部份作品,人物都是冷漠,畫面上既分鏡都很定格,
所以單從說故事既質素上,池上既手法係偏向悶,而人物性格都係痴痴地線,
行為極怪異,所以說池上多數作品都係吸引在太靚既公仔,而劇情係次要!


不過傷追人係較好睇既一套,故事是有追看既衝動,而畫功更賞心悅目,
只是竟然有一期內出現幾十頁hea畫既畫面,十分少見!



看完一整套傷追人,結局是完滿但也來得太突然,高潮位不夠高潮,沒有打大佬,
這是池上寫故事力弱既習性,自從池上畫功超凡後,他寫故事能力反而下降,
沒有像男組後期既天人合一,變成有點怪異,但那完美既畫功又令人不得不看!



[按此隱藏 Google 建議的相符內容]