• 瀏覽: 4,065
  • 回覆: 9
+32
本主題由 mongkok brother 於 2022-8-15 10:56 移動
明知派完新一輪消費券都唔夠一星期,會展就有一連幾日香港人最鐘意趁墟掃平貨嘅「美食博覽會」展會,諗都諗到會吸引好多人入場,所以我同屋企人就揀咗星期六特別早嘅時間入去行個圈。

同埋我知道場內好多攤檔都支援消費券,咁就好啦,用下張八達通駛下消費券先得!提提大家,真係點都要拉架車仔+多個環保購物袋,睇下掃唔掃到平貨,幫屋企儲定糧 !



壽桃牌個福袋真係大件夾抵食。$60買4送4,仲要xo醬加四個鮑魚麵先$20,的確係好優惠!




另一個受歡迎嘅袋應該就係安記? 有個快閃優惠,$185可以拎走鮑魚福袋 ,自稱展場價要$195,快閃時間再平$10





營多撈麵個檔好搶眼,$45 已經有一箱,
都好好好好抵! 不過屋企人話買得多就食得快,叫我買少少好啦。





展場入面好多台灣手信可以買鳳梨酥、太陽餅個啲好多檔都有,鍾意台灣凍肉、食品同零食,絕對唔難搵!




益力多妹妹吸引左我去望下益力多個攤檔,益力多$10/排,福袋套裝就$50 四排益力多 +$5 冰袋送一張夾公仔券。





待續⋯⋯

[ 本帖最後由 我今天放假 於 2022-8-14 09:18 編輯 ]



場內都真係咩都有,有得買菜、買凍肉同埋海味乾貨,見到燕窩、花膠、鮑魚都是老是常出現。




仲有好多香港老字號,就快又到中秋,未買月餅嘅話,場內都好多冰皮月餅同傳統月餅可以揀,唔駛周圍搵有現貨可以即場拎走。


我就去咗榮華度買臘腸,都有啲福袋套裝可以買,但太多了,最後用消費券拎左兩包半斤瘦臘腸。






呢度馬來西亞食品公司,有鹹蛋炸魚皮、肉骨茶、白胡椒公仔麵、咖啡、龍眼乾貨品種種算多嘢岩買,人頭湧湧係因為佢地個環保袋夠靚,有紅香藍/ 九龍皇帝款,買滿100蚊先有,所以見到好多人圍住佢地想要個環保袋。




好耐無食過爆炸糖,有檔咁多唔同款揀,好正!




原來有蜘蛛俠月餅,唔係有個咁靚嘅展示台都唔知!無記錯就係正出口位置啲榮華月餅。



鐘意食「曾拌麵」場入面真係好抵買,可惜係我個購物車已滿。





場入面仲有唔少湯包、調味醬料、零食、酒類、咖啡同茶葉,應有盡有!今次我都有target 到要買雞煲返去食,所以都行左幾檔唔同嘅「雞煲主打」攤檔!





見到「薑桃」笑左,係咪因為姜濤而命名?



估唔到連咸魚都有得買 ! 香港原味道,支持👍👍





我諗呢幾日都仲會好多人去掃平貨,心郁郁都想再去!



一連五日嘅美食博覽會,雖然今日無得試食,但入場感受下氣氛,暑假又多樣運動,郁動下真係唔錯。場入面個個職員都好開心,真係好似嘉年華會咁開心熱鬧,好多攤都好抵,但我掛住買野唔記得影低。






行完展好滿足,推住載滿貨嘅手拉車仔,手又一包二包戰利品,全部都係消費券埋單! 



今次我仲係搭東鐵去會展站落車,交通方便車程時間縮短左,真係去會展睇展方便左。 



[隱藏]
精彩! 多謝樓主分享


我諗住最後一日會去睇吓有冇平貨執,等啲檔要錢唔要貨。


我都打算入場用下啲消費券,星期日一定超多人啦,可能星期一先去了 


門口有檔賣果汁牛奶送手推車,成車都野飲好抵。見好多人買,場入面好多檔都有送手推車送,行上嚟都好唔方便。


樓主分享好精彩! 不過睇落好多人...


[隱藏]
我屋企有老人家行足咁多日 當做運動都好架



[按此隱藏 Google 建議的相符內容]