• 瀏覽: 2,396
  • 回覆: 8
今日同大家集體回憶,恐怖熱線年代一位女性聽眾分享嘅故事。


故事開始:呢個故事係發生響一名讀中二既女仔身上,女仔本性天真活潑,好動,讀書都唔錯的,有一日跟學校去一年一度既旅行,地點係郊區既地方,抵達目的地,有部份人燒野食也有部份人圍埋傾計,而呢個女仔就跟幾個同學去另一個較少人既地方玩捉迷藏,就響玩得興高采烈既時候,呢個女仔就聽到""啪""一聲,好似踼到d野咁,於是佢就向地下一望……原來佢踼到一個放於路邊既"金塔",可能佢哋仲細,根本就唔知果d係咩黎,有理無理就繼續玩啦,到日落西山,全體校生回程之際個女仔依然無乜大礙的。


個女仔返到屋企之後,怪事就開始,原本活潑好動既女仔返到屋企180轉變,父母見佢好似成個人變哂咁,唔食野,又唔多出聲,開頭父母不意為意,以為女兒只係功課壓力大或玩得太累啫,過左幾日個情況更加嚴重,女仔既性格開始變得爆燥,父母就問女兒發生咩事呀,點知個女仔連把聲都變埋一把男人既聲。男鬼:你個女踼到我住既地方就連一句對唔住都無講就走左去,我好嬲一定要帶佢落去陪我。喺呢個時候,佢既父母心知不妙,相信自己女兒可能鬼上身,於是就經朋友口中請一位法科師父上門,希望可以替女兒趕走"果隻野",法科師父入到屋,望左個女仔一陣就同佢既父母講。你個女既情況好危險,如果再遲d恐怕真係連我都救唔到佢。父母問師父點算呀,你一定要救下我個女呀。師父話好在而家仲有機會救得返佢的,我而家將一道""符""貼去佢身後既長髮上面(當然師父係同男鬼經過一輪摶鬥啦),師父話記住響今晚十二點前,你千祈唔好比道符甩落黎,如果唔係果隻男鬼就會帶走你女兒,今次係唯一亦係最後既機會,記住我所講既野,(師父交帶事件過後就離去了)


道符貼左上女仔身上之後,個女仔就暈左,父母望住大鐘,時間一分一秒咁過,而女仔亦已暈左接近2個鐘,就響呢個時候大鐘上顯示出11:45,女兒終於醒來而且有意識亦慢慢恢復過來,聲線亦變番女兒本來既聲音,女兒就問父母究竟發生咩事呀?點解我覺得自己訓左好耐咁既,好似好多日都未食過野咁,媽媽我而家好肚餓。


父母見女身已經恢復過黎,當然滿心歡喜,但唔想比女兒知道佢鬼上身,只係講左個大話呃女兒,父母同女兒講你可能今日去完旅行返黎太攰了,咪覺得自己訓左好耐囉,如果你肚餓我哋就同你落街食野啦,你入房換件衫先,女兒行入房換衫,(如是者個女仔就入房換衫,準備同父母落街食野,當個女仔梳頭既時候....就比佢摸到自己既頭髮上有一張符...於是就拎住道符出去問父母,呢張咩黎嫁?父母望一望女兒手上既符,再睇下大鐘,當時既時間係11:55(仲有五分鐘先到12:00呀)即時內心一酸,一時間唔知應該講咩好,最後就哭住咁同個女兒講,呢張係咩都唔重要喇,阿女..........爸爸媽鎷同你落去食埋最後一餐啦.....................(當然女兒唔明白父母為何會哭,更加唔明咩係""最後一餐"啦,當父母同女兒去到食野既地方,個女仔只係飲第一啖水,就吐左好多血出來,父母哭著叫白車,白車到達了但在送院途中個女仔証實死亡。


當大家聽完個故事確實令人心酸,有時候好多野都係整定,命運早已有安排最可悲既係因為父母一時疏忽開心過早,並忘記了自己女兒正在梳頭一刻就係咁間接將女兒害死。(完)


#轉: https://www.facebook.com/groups/ ... ef=share_group_link



呢個故事百分之百假既!
貼到符落頭髮至;甩左會死???
傻架;貼牆唔得架!?食落肚唔得架?
我吹水吹了三十年;我就真係未見過啦!



依個鬼故既可怕又心酸


精神分裂/作故事


[隱藏]
故事幾好


引用:
原帖由 franky1321 於 2022-9-23 10:04 發表
今日同大家集體回憶,恐怖熱線年代一位女性聽眾分享嘅故事。


故事開始:呢個故事係發生響一名讀中二既女仔身上,女仔本性天真活潑,好動,讀書都唔錯的,有一日跟學校去一年一度既旅行,地點係郊區既地方,抵達目的地,有部份人燒野食也有部份人圍埋傾計,而呢個女仔就跟幾個同學去另一個較少人既地方玩捉迷藏,就響玩得興高采烈既時候,呢個女仔就聽到""啪""一聲,好似踼到d野咁,於是佢就向地下一望……原來佢踼 ...
咁橋,昨晚岩岩聽完呢個鬼故



無計!假既先有人鐘意聽………………


呢個故事太假啦


點解會貼落頭髮度架?貼前額唔得嘅!貼天靈蓋唔得嘅!穿條紅線戴係身唔得嘅!
仲有小朋友唔覺意踢到金塔就要攞佢命...係真嘅個隻鬼轉頭都會比人收左佢落地獄啦!



[按此隱藏 Google 建議的相符內容]