• 瀏覽: 1,133
  • 回覆: 9
事先聲明 :
小弟係知道 "色目人" 全稱係 "各色類目人等" , 不過因為方便下面講述 ,
今次就用 "色目人" 代稱果 D蒙古係西亞帶返來既廣義白種人吧 ...

色目人同蒙古人 , 都算係元朝既統治民族 , 任至相位既色目人就有好幾位
咁係元亡後 , 色目人既處境如何??? 有無被報復???

蒙古人我反而知道 , 邊境蒙古人會做左朵顏三衛既邊境世兵 ,
而係中原既蒙古人 , 不論男女都要嫁娶漢人為夫妻 , 又不準講蒙古語 ...
基本上下一代就己經變成漢人 !!!

至於朱家人 ... 就係明朝皇室 , 朱八重可以話係歷代君主中 ,
制定對皇室優待既政策 , 尤其係鼓勵生上面 , 乃至有唔少人認為明朝滅亡
就有用左太多資源 , 係巨量既皇室身上既原因 ...

明朝人口最多時可能己達二億人 , 朱家人基本己經過左百萬 ,
咁巨量既朱姓人口 , 係明亡後又係被點處理??? 有無被刻意大規模屠殺???

相對於明朝 , 清朝對皇室既供養 , 反而係歷代中數一數二既刻制 ...
不過 , 清政府卻一直對滿州人有供養 , 所以自清中期開始 ,
大多滿州人都係以領皇糧為生 , 甚至己經破產 ... 滿州人E+己經千萬規模
清亡後大概都係上百萬 ...

係民初 , 佢地有無被漢人報復???



當然 , 我都知道色目人就係後來回族既部份祖先(另一部係回化漢人) ,
但咁只係證明到 , 佢地係明朝後被滅族 ...
但佢地有無被歧視 , 好似十六國之前既五胡咁 , 被賣為奴呢???



之前睇過一 D資料 , 話好多滿人係晚清都係無所事事 ,
日日唔係聽戲就係唱戲 , 所以清亡之後 , 真係好多都去左做戲子
呢樣野甚至到左現代都睇得到 ...

不過 , 滿族 E+都有成千萬人口 , 清亡果陣恐怕都有數百萬人口 ,
點計都無可能人人做戲子 , 而便一定好多流落民間 ...

大家都知 , 革命黨其中一個主要口號就係 "驅除達虜 , 恢復中華"
雖然革命黨黨內唔係重點 , 但呢句係用來吸引平民 ,
咁即係係平民心中有賣點拉 ...

滿人流落民間 , 會唔會比漢人報復呢???



引用:
原帖由 哈堡斯堡王朝 於 2022-10-2 18:26 發表
之前睇過一 D資料 , 話好多滿人係晚清都係無所事事 ,
日日唔係聽戲就係唱戲 , 所以清亡之後 , 真係好多都去左做戲子
呢樣野甚至到左現代都睇得到 ...

不過 , 滿族 E+都有成千萬人口 , 清亡果陣恐怕都有數百萬人口 ,
點計都無可能人人做戲子 , 而便一定好多流落民間 ...

大家都知 , 革命黨其中一個主要口號就係 "驅除達虜 , 恢復中華"
雖然革命黨黨內唔係 ...
毓喦寫過本
我隨溥儀二十年 末代皇子的回憶錄
都有提到唔少舊有皇親國戚生活都唔掂
送個仔去比溥儀做跟班(學生)



[隱藏]
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
引用:
原帖由 arsenal2046 於 2022-10-2 21:39 發表

看看鄭和為甚麼會成為太監及朱老四的家奴....
這就是很多色目人典型下場
至於被抓的蒙古皇族
朱元璋倒也算厚道
只是送濟州島流放, 命高麗好好照顧他們

朱元璋對蒙古人不感冒
他苦大仇深的是色目及漢人地主
嗯 ... 但係做左太監就即係無後代拉

#2所講 , 現代回族除左歸依伊斯蘭既漢人 ,
其實主要就係色目人後代 , 呢班回族祖先應該唔係太監
... 佢地係民間既生活又如何???

正如 A兄所以講 , 作為原農民既朱八重都咁憎色目人 ,
佢地同漢人矛盾會唔會好多???



引用:
原帖由 arsenal2046 於 2022-10-2 21:44 發表

滿族E+都有成千萬人口
可能大半是被劃分為滿人的
滿洲人亡國後失去政府所養
生計非常傍惶
能當戲子只是小數
多數以賣兒賣女, 或靠女眷在八大胡同以色相示人過活
"靠女眷在八大胡同以色相示人過活"

A兄既意思係 , 好多滿人係民國 , 都係靠做妓女/扯皮條為生???
感覺有點像今時今日的烏克蘭人 ... ^.^"



講到明亡時既朱家人 , 清朝其實好少機會係第一手接觸 ...

好似李自成當年 , 己經控制北方大部份地區 ,
張獻忠都先後玩過湖廣  四川 ...
如果無記錯話 , 佢地都對朱家人特別殘忍 , 好似當年有機會繼位
同時又係南明福王之父既前任福王朱常洛 , 就比李自成烹殺分食

但係既然朱家人係明朝末 , 己經有上百萬之數 , 而且又分佈各地
流寇軍好難  亦無時間針對朱家人作出追殺 ...
事實上 , 由南明 "諸王遍地" 既角度去睇 ,
被流寇軍屠殺既朱家人 , 尤其係多支遠支 , 諸王既旁支既旁支 ,
果 D最普通  最大量既朱家人 , 應該好多都無被屠殺 ,
但話佢地好自然而然咁融入姓之中 , 我又唔係好信 ...

就好似清亡既滿人咁 , 滿人其實都九成九講漢語架拉 ,
生活習慣同漢人差異 ... 佢地係清亡後 , 無法立即融入成為百姓
係因為佢地己經長期被供養 , 自身無生存技能 ...

所以明亡後既朱家人 , 會唔會同清亡既滿人 , 有一樣既遭遇???



[隱藏]
唸唸下 ... 朱家人又可能無色目人  滿州人咁大鑊

因為色目人  滿州人都係百姓所憎恨既 , 朱家人本來都算係 ,
但係到左清兵後 , 百姓由對明朝既不滿 ,
變左滿漢對立(尤其係清初揚州十日  嘉定三屠) ...
南明反而被奉為漢族正統 , 百姓對朱家人就可能由憎惡變崇拜
... 會唔會係咁???



[按此隱藏 Google 建議的相符內容]