• 瀏覽: 1,557
  • 回覆: 14
  • 追帖: 1
貓貓有感冒,於是網上搵到間口碑不錯嘅集團式動物醫院,佢地旗下位於港島西有位女醫生有不少人讚不絕口,診所名係「西九龍動物醫院」。果然,睇完一次已經好好多,因為貓貓有肺炎同肺花,醫生建議要每天帶貓貓到診所聞氣,但診所唔近屋企,醫生話可以自行買霧化機再喺佢地度配藥番去比貓貓聞氣。於是之後我就喺呢間診所配藥,直到我配第二次藥,同第一次一樣我先打電話去預訂霧化藥,護士配好就會打比我叫我去拎,今次打黎嘅「護士」話見到有個order要配藥,我話係,對方語氣開始轉差就話唔可以咁樣配藥,我好錯愕,然後同佢講上次我都係咁配,對方就話上次係唔應該配藥比我,唔明點解會配左比我,仲話一定要落黎診所見醫生再視乎情況決定。我解釋我係聽醫生建議先決定買部霧化機再喺診所度配藥,對方反問我睇邊個醫生,我話都係得果個女醫生(多數得果位醫生駐場),之後對方就話要問問醫生先然後想收我線,我即刻問佢係咪我趕左過黎先(因為診所收七點,果陣已經係六點)還是一定要等佢打黎confirm我先過得去,對方話叫我等佢confirm左先,之後,佢打番黎語氣突然好聲氣左,話頭先唔好意思,話頭先同左第二隻同名嘅貓貓撈亂左,我眼都凸埋,但因為時間唔多無再同佢理論,之後我狗衝咁撲過去西環,到站果陣,同一個「護士」就打黎問我係咪黎緊,我話係,已經到左站(果陣6點45分左右),對方就繼續用番態度好差嘅語氣同我講話佢地趕住「埋數」,叫我行快啲,嘩!究竟呢間係診所還是係茶記?!我正想話唔係因為要等佢confirm我使咁遲,但對方已經不耐煩收左我線!我一路趕過去一路就心有忿,點解我配個藥都要咁受氣。我到診所,就問剛剛係邊位女「護士」打黎催我,之後有個黑口黑面戴眼鏡嘅女「護士」行出黎話係佢打比我,然後就話因為要「埋數」所以先打黎催我,仲話我指明要今日內要藥,我好嬲咁話,第一,你攪錯病歷我都未出聲,第二,我喺九龍過黎都要時間,仲要等你電話我先可以出發過黎,第三,我無話過要即日要藥,同之前一樣配好就打比我,對方無再辯駁,急急腳走去櫃面拎包藥比我然後叫我比錢,一句道歉都無!個樣依然係黑口黑面!
之後我番到屋企,我就後悔我無檢查到啲藥就離開診所,因為我係要求四套藥,最後剩係比左兩套藥我但收足我四套藥錢,仲要啲藥(針筒裝)滲左啲出黎。。
到第二日,我打去診所,係由第一次幫我配藥嘅護士接聽,了解過後承認係同事配漏左,叫我去診所補番比我!
事後,我有出電郵作出投訴並要求果位黑面「護士」為佢嘅過失同我道歉,但收到嘅回覆只係話佢地只能夠以佢地公司Peticare Medical Limited嘅名義幫果位「護士」道歉並提供$200佢地嘅網店PetStation優惠碼作補償,真係好無奈,咁樣保護一個又唔專業態度又差,連病歷都會攪錯嘅員工,唔知幾時有下個受害者!請各位寵物主人小心小心!



呢個世界咩人都有, 一間診所只有一個咁既人已經算好彩~
不過其實貓貓有病, 最好都係搵番屋企附近既診所, 有咩事都可以儘快趕到過去, 而且貓貓都唔駛忍受太耐既坐車時間~
唔好勞氣啦, 希望你貓貓快D好番~ 



引用:
原帖由 泡泡果 於 2022-11-23 13:38 發表
呢個世界咩人都有, 一間診所只有一個咁既人已經算好彩~
不過其實貓貓有病, 最好都係搵番屋企附近既診所, 有咩事都可以儘快趕到過去, 而且貓貓都唔駛忍受太耐既坐車時間~
唔好勞氣啦, 希望你貓貓快D好番~ 
感謝你!但CS回覆也太差了,中間又無好好了解成件事,以為自己員工有免費補番啲藥比我,其實佢地只係補番配漏左嘅藥比我,啲藥係我真金白銀買的! 仲話我對佢地「港島西動物醫院」配藥失晒信心,所以唔會比我再去配藥,真係好好笑👍🏻👍🏻重點係睇錯病歷都好大問題囉。。醫生幾好都無用



引用:
原帖由 瘋狂驚訝的兔子 於 2022-11-24 11:13 發表

感謝你!但CS回覆也太差了,中間又無好好了解成件事,以為自己員工有免費補番啲藥比我,其實佢地只係補番配漏左嘅藥比我,啲藥係我真金白銀買的! 仲話我對佢地「港島西動物醫院」配藥失晒信心,所以唔會比我再去配藥,真係好好笑👍🏻👍🏻重點係睇錯病歷都好大問題囉。。醫生幾好都無用
你住邊區呀? 睇下有冇網友仔介紹好醫生俾你~
我住荃灣既, 我貓貓13個月, 之前BB果陣都成日睇醫生~
見到你貓貓感冒肺炎, 我都要多D留意我貓貓~ 黎緊下星期轉涼呀, 你買左野俾貓貓過冬未?
我好奇一問, 你知唔知有冇寵物用既暖水袋架?? 定係都係買人用果D暖水袋俾佢地用??



[隱藏]
引用:
原帖由 泡泡果 於 2022-11-24 11:32 發表

你住邊區呀? 睇下有冇網友仔介紹好醫生俾你~
我住荃灣既, 我貓貓13個月, 之前BB果陣都成日睇醫生~
見到你貓貓感冒肺炎, 我都要多D留意我貓貓~ 黎緊下星期轉涼呀, 你買左野俾貓貓過冬未?
我好奇一問, 你知唔知有冇寵物用既暖水袋架?? 定係都係買人用果D暖水袋俾佢地用??
我住南區 近香港仔果邊~
係呀 轉天氣要特別小心
已經一早買左厚墊被仔比隻衰豬 暫時身邊朋友都無買暖水袋 多數買貓窩或開暖風機 



引用:
原帖由 瘋狂驚訝的兔子 於 2022-11-24 14:41 發表

我住南區 近香港仔果邊~
係呀 轉天氣要特別小心
已經一早買左厚墊被仔比隻衰豬 暫時身邊朋友都無買暖水袋 多數買貓窩或開暖風機 
之前獸醫提醒過, 幫貓貓沖涼之後用風筒吹身果時要小心唔好吹乾佢地對眼, 暖風機都一樣, 所以聽聞好多人會開暖爐同加濕器~
我冇咁多錢添置呢D野, 只係買左貓床同貓屋, 但隻小怪獸好似都唔多LIKE~
依家都係見步行步, 睇下佢鍾意點訓, 上年冬天佢三四個月果時感冒過兩次, 我真係怕左佢~



引用:
原帖由 瘋狂驚訝的兔子 於 2022-11-24 11:13 發表

感謝你!但CS回覆也太差了,中間又無好好了解成件事,以為自己員工有免費補番啲藥比我,其實佢地只係補番配漏左嘅藥比我,啲藥係我真金白銀買的! 仲話我對佢地「港島西動物醫院」配藥失晒信心,所以唔會比我再去配藥,真係好好笑👍🏻👍🏻重點係睇錯病歷都好大問題囉。。醫生幾好都無用
你哋對的竉物真的很好啊!
有愛心、有耐心!


但你哋對自己的父母又如何呢?
佢哋病了!你們會不會像對那些貓狗一樣,盡心盡力呢?



唔好幫親佢囉


引用:
原帖由 泡泡果 於 2022-11-24 14:59 發表

之前獸醫提醒過, 幫貓貓沖涼之後用風筒吹身果時要小心唔好吹乾佢地對眼, 暖風機都一樣, 所以聽聞好多人會開暖爐同加濕器~
我冇咁多錢添置呢D野, 只係買左貓床同貓屋, 但隻小怪獸好似都唔多LIKE~
依家都係見步行步, 睇下佢鍾意點訓, 上年冬天佢三四個月果時感冒過兩次, 我真係怕左佢~
我呢邊南區好濕 用抽濕機多 暖爐平有平買  咁你果兩次有無帶佢睇醫生?



[隱藏]
引用:
原帖由 abbalau 於 2022-11-25 00:07 發表

你哋對的竉物真的很好啊!
有愛心、有耐心!


但你哋對自己的父母又如何呢?
佢哋病了!你們會不會像對那些貓狗一樣,盡心盡力呢?
咁就當然有啦 



引用:
原帖由 瘋狂驚訝的兔子 於 2022-11-24 11:13 發表

感謝你!但CS回覆也太差了,中間又無好好了解成件事,以為自己員工有免費補番啲藥比我,其實佢地只係補番配漏左嘅藥比我,啲藥係我真金白銀買的! 仲話我對佢地「港島西動物醫院」配藥失晒信心,所以唔會比我再去配藥,真係好好笑👍🏻👍🏻重點係睇錯病歷都好大問題囉。。醫生幾好都無用
間診所咁覆顧客離晒譜



引用:
原帖由 abbalau 於 2022-11-25 00:07 發表

你哋對的竉物真的很好啊!
有愛心、有耐心!


但你哋對自己的父母又如何呢?
佢哋病了!你們會不會像對那些貓狗一樣,盡心盡力呢?
對得寵物好好難唔會對自己父母,親人好架喎🤔



引用:
原帖由 天昏地暗既花C9 於 2022-11-26 11:31 發表

間診所咁覆顧客離晒譜
CS話唔會比個員工直接同我道歉 個解釋係「以公司名義代替護士道歉, 這是本公司一貫的做法, 以避免有誤會的雙方有更直接的衝突. 望見諒.」 嘩!認錯道個歉姐~我同果位員工會有咩衝突呢。。同埋咩叫做有誤會的雙方。。睇到咁嘅回覆我都呆左幾秒~唉



引用:
原帖由 瘋狂驚訝的兔子 於 2022-11-25 22:51 發表

我呢邊南區好濕 用抽濕機多 暖爐平有平買  咁你果兩次有無帶佢睇醫生?
有呀, 我好緊張我隻小怪獸, 獸醫見我小小野都帶佢去睇醫生, 直頭叫我隻小怪獸做公主
因為第一年咩都唔識, 見佢成日單起隻眼仔, 怕佢眼仔發炎, 就帶佢去睇, 先知原來感冒先兆就係會成日會單起眼仔; 有陣時見佢打幾個乞嚏, 冇咩胃口, 又會帶佢去睇~
之前就試過因為佢唔肯食野, 先知原來天氣轉涼, 貓貓胃口都會差D~ 呢兩日我隻小怪獸都係咁訓覺, 過多兩日凍, 要小心唔好俾佢冷親



[隱藏]
引用:
原帖由 泡泡果 於 2022-11-28 09:06 發表

有呀, 我好緊張我隻小怪獸, 獸醫見我小小野都帶佢去睇醫生, 直頭叫我隻小怪獸做公主
因為第一年咩都唔識, 見佢成日單起隻眼仔, 怕佢眼仔發炎, 就帶佢去睇, 先知原來感冒先兆就係會成日會單起眼仔; 有陣時見佢打幾個乞嚏, 冇咩胃口, 又會帶佢去睇~
之前就試過因為佢唔肯食野, 先知原來天氣轉涼, 貓貓胃口都會差D~ 呢兩日我隻小怪獸都係咁訓覺, 過多兩日凍, 要小心 ...
原來有咁嘅先兆 不過果陣仲細 又係新手 擔心唔夠抵抗力的佢睇醫生都好正常吧👍🏻👍🏻 依家天氣轉黎轉去 呢幾日又熱番 大家真係要小心注意一下 我都要搵搵睇下邊度有霧化藥可以買到



[按此隱藏 Google 建議的相符內容]