• 瀏覽: 32,592
  • 回覆: 404
  • 追帖: 3
  • 分享: 6
+11
本主題由 palepala234 於 2022-12-2 12:34 下沉

剛推出的新歌MV收看次數破100萬的「聲夢靚聲王」炎明熹,入行近兩年聲價狂飆,已成為無綫另一小金蛋,據知其代言價動輒120萬元起跳,正值花樣年華,趁有價有市,一於全力瞓身吸金,承諾25歲前不拍拖的「限戀令」,愛情動態全面清零,銀行戶口多幾個零!













去年參加無綫歌唱選秀節目《聲夢傳奇》並奪冠的炎明熹,出道至今近兩年,已由靚聲素人升呢為樂壇小天后,粉絲層面廣兼「入屋度」超高,今年4月北上參加節目《聲生不息》,以靚聲震撼內地觀眾,成功打開內地事業版圖,並憑劇集《青春本我》及《聲生不息》入圍角逐台慶頒獎禮「飛躍進步女藝員」。早前她和年距55年的譚詠麟為節目《我們的主題曲》合唱《明天仍要繼續》,此曲在官方短片頻道發布後,收看次數衝破143萬,而剛發布的新歌MV《好想約你》,不足一星期收看次數更衝破100萬。

雖然在叱咤「我最喜愛的女歌手」中7強止步,但昨日(27日)炎明熹出席活動時稱未有失望,認為先要做好自己:「如果未做好但又攞到好多獎,都覺得對唔住大家。」獎項始終是虛名,吸金最實際,17歲的炎明熹已被視為無綫另一小金蛋,有廣告界業內人士指她出席活動酬勞是12萬元起跳,如果要即場表演唱歌,酬勞要另加。至於廣告代言方面,由於她早前北上拍《聲》,所以今年暫時只接了快餐店及茶飲等3個廣告,但據知其代言廣告價也不菲,入門價是120萬元一年,更要視乎產品性質,隨時再加碼,因她是新生代歌手中,少有成功打開內地市場,故趁着現在有價有市,決心瞓身搵銀,25歲前愛情動態要清零!


「冇愛情都可以活得精彩」

從未嘗過戀愛滋味、仍是「A0」的她,自爆曾答允姑丈,為了全力在事業上衝刺,30歲前不拍拖,但最近姑丈放寬「限戀念」,降至25歲前不可拍拖。她接受東網專訪時說「限戀令」是雙方商量下得出的結論,她笑說:「係口頭承諾,若緣分到,都阻唔到!」同時自爆入行前非常恨拍拖:「因為冇目標,好想有人陪自己,想要男女朋友嘅感覺。但開始有目標之後,就冇時間諗,依家又有好多人錫我,冇愛情都可以活得精彩!」

雖看別人卿卿我我,雙雙對對,為吸金要守「Dry」的炎明熹,都有想過擇偶條件,年紀小小的她,竟一早悟出「被愛更幸福」的幸福法門,想法有別一眾拜金港女,她說:「擇偶條件係要孝順,要好人。我唔係一個睇樣嘅人,毋須靚仔,吸引我就得,唔係我鍾意佢,係佢鍾意我,如果我鍾意個男仔,佢就唔珍惜,屋企人教我,將來個男仔好鍾意我,我先會有幸福。」

明年升中六的她,始終不忘要為DSE文憑試作準備,她說十分感激有粉絲「過料」,給她私伙數學精讀筆記,而她說學業重要,故會好好安排溫習和工作時間。至於在台慶頒獎禮角逐多個獎項,包括和姚焯菲各有3首歌入圍「最受歡迎電視歌曲」,想不到自言對演戲獎項零信心的她,對唱歌獎項亦信心不大,她說:「希望先裝備好自己攞獎,先至對得住個獎。」

姚焯菲身價僅次Gigi

現年16歲、有「國民初戀」之稱的姚焯菲(Chantel),以聲靚及樣子甜美盡虜宅男心,由於形象正面及青春可人,過去一年主要接拍的廣告都是「入屋」產品,如銀行、煤氣公司及快餐店,並開始涉足時裝產品如腰包及太陽眼鏡。業內人士爆料,指Chantel的代言人酬勞僅次炎明熹(Gigi),而出騷價則是10萬元,如在社交平台發文宣傳,要視乎產品類別及發文形式,如只是拿着產品簡單拍照發文,基本上3萬元起跳。

Chantel曾說在入行後開人生首個銀行戶口,由於父母是會計師,一直灌輸儲錢及謹慎理財的觀念,所以會把部分收入儲起,用作將來進修跳舞及戲劇之用。




原文網址:炎明熹講金唔講心 代言價120萬起跳 | on.cc東網 | 繽FUN星網 https://hk.on.cc/hk/bkn/cnt/entertainment/20221128/mobile/bkn-20221128000023849-1128_00862_001.html

[ 本帖最後由 米奇先生 於 2022-11-30 21:02 編輯 ]



唔知鐘柔美身價又幾多呢
https://youtu.be/IFtbQ9TAHic


🥰yumi同Aster 我比較有興趣



無所謂佢。佢應該有排都沒拖拍


提示: 作者被禁止或刪除 內容自動屏蔽
[隱藏]
提示: 作者被禁止或刪除 內容自動屏蔽
咁唔怪得近排CHUR爆YUMI, 因為性價比算最高


後生女,成日[錢,錢,錢]掛起口邊。唔該佢經理人教下佢講野。


 炎明熹咁樣衰,分明係冇人愛,扮咩野


引用:
原帖由 飛越牛油 於 2022-11-30 13:29 發表
 炎明熹咁樣衰,分明係冇人愛,扮咩野
譚校長 會第一個去愛。



[隱藏]
限戀令冇用, 可能情竇初開私底下同圈外人發展地下情, 含苞待放!


引用:
原帖由 鐘覺霧 於 2022-11-30 13:36 發表

譚校長 會第一個去愛。
師生戀定爺孫戀?



樂壇小天仙,人靚歌甜


引用:
原帖由 米奇先生 於 2022-11-29 17:15 發表

剛推出的新歌MV收看次數破100萬的「聲夢靚聲王」炎明熹,入行近兩年聲價狂飆,已成為無綫另一小金蛋,據知其代言價動輒120萬元起跳,正值花樣年 ...
娛樂圈真係易搵錢,出個活動就十幾萬,拍張相就有3萬。



吾戀愛有乜所謂,至緊要痕起上黎可以止痕啫!!


[隱藏]
引用:
原帖由 derrickt 於 2022-11-30 13:38 發表

師生戀定爺孫戀?
粉絲戀。



鍵盤翻頁
左右
[按此隱藏 Google 建議的相符內容]