• 瀏覽: 19,733
  • 回覆: 60
  • 分享: 2
賽前陣容阿仙奴比較佔優 , 畢竟曼聯少了兩位正選卡斯米路和達洛治 ; 到了場上 , 阿仙奴雖然場面上比較佔優 , 但面對曼聯實際沒有佔到太多的便宜 , 最後取得勝利的原因是眾將必須取勝的決心。 

阿仙奴戰術方向正確 , 但如果上半場拍子可以慢半拍乃至1/3拍可能來得更好 (下半場就真係做到了) , 上半場中後場傳球失誤太多 , 由其是中後場柏迪和賓韋特 , 相信賓韋特也是呢個原因加上有黃牌在身在下半場一開始便被富安健洋換下。

其次是角球戰術 , 阿仙奴本場比賽取得12個角球 , 但實際傳到去球員頭和腳的只有2-3球  , 這絕對可以改進。

最佳球員是左閘位辛真高 , 他現在在阿仙奴的作用就如以前在拜仁的拿姆或巴塞的丹尼爾艾維斯 , 叫"組織型閘位球員" , 對比傳統的閘位走上走落 , 更可以移到中場乃至另一邊參與進攻組織乃至防守 , 所以你會感覺阿仙奴點解好似前邊多左條友咁就係呢個原因 。 阿仙奴的最後一擊便是由他左閘位傳送出來的 , 在最後十分鐘乃至補時的階段 , 他發揮了重要的作用。

另外前場尼基迪亞和沙卡的表現也十分出色 , 同樣是前鋒 , 尼基迪亞雖然不如耶穌仔靈活範圍大 , 但佢做到一樣前鋒非常非常重要的一樣野 , 聽落你可能你會笑 , 但事實係阿仙奴現在如此高速的進攻真係唔易做到。

那便是接到兩邊的傳中 , 先唔好講射唔射個波先 , 至少尼基迪亞係接應隊友呢一方面絕對無問題 , 在本場比賽可以用出色去形容 , 共創造到6個射門 , 其中2個入球也十分精采 , 由其是第一球。

沙卡如香討傳說-美斯的接班人 , 兩次靚射一次世界波一次撞柱 , 前途無可限量 , 此2球艾歷臣跟不上沙卡的速度。 
 
睇完曼聯呢場波 , 細心去思考 , 便會明白為何現在的曼聯是完完全全容納不到C朗拿度 , 本場比賽曼聯前鋒韋格賀斯的射門次數是零 , 因為根本沒有隊友傳球給他去頂或去射 , 如果換轉是C朗 , 這件事是不可能發生的。

但事實用韋格賀斯換C朗 , 出來的效果是否更好未知 , 但肯定比到曼聯鋒線多一個選擇 , 曼聯本場比賽差點點搶下1分 , 韋格賀斯雖然沒有射門 , 但回到了中場參與進攻和防守 , 作為前鋒他搶走了阿仙奴4次傳波4次組織  , 相信比多少少時間佢學習和兩邊球員的配合 , 未來可能成為曼聯重要的綠葉球員 , 而左翼的福仔更是愈踢愈有 , 上半場一球世界波下半場一次單刀 , 是現時曼聯乃至英超最危險的人物。

戰術上曼聯捉到鹿唔識脫角 , 阿迪達下半場換上富安健洋明顯是有心去防拉舒福特 , 而阿仙奴的左閘位辛真高因長期在前場 , 其實好多空位 , 比多點直線或過頭波比右邊安東尼戰術上效果可能更好。 

續2球戰勝熱刺後 , 阿仙奴擊敗曼聯再次奪得重要的3分 , 也為下場戰曼城打下強心針 ; 曼聯KEEP住現在的踢法 , 我相信他們取得前四的機會很大。

[ 本帖最後由 藍斯貝利 於 2023-1-23 03:10 編輯 ]



阿仙奴換入剛轉會的托沙
 
效果的確好好
 
都係致勝關鍵之一



引用:
原帖由 鈣薯 於 2023-1-23 03:09 發表
阿仙奴換入剛轉會的托沙
 
效果的確好好
 
都係致勝關鍵之一
有球扭扭扭扭扭 扭到跌埋地都護住個波比曼聯搶唔到好正



曼聨今季買左接近半隊人返黎, 重要係利車失常之下都係得前4, 
真係慘...



[隱藏]
引用:
原帖由 mega-box 於 2023-1-23 03:34 發表
曼聨今季買左接近半隊人返黎, 重要係利車失常之下都係得前4, 
真係慘...
團隊表現、球員精神面貌 比上季好得多, 明顯在進步中, 有幾慘 ?
上季有瘟神, 才是衰到貼地.



引用:
原帖由 藍斯貝利 於 2023-1-23 03:11 發表

有球扭扭扭扭扭 扭到跌埋地都護住個波比曼聯搶唔到好正
扭到跌埋地?講緊你偶像c朗?



冇左阿朗,曼聯就輸左俾阿仙奴


引用:
原帖由 mega-box 於 2023-1-23 03:34 發表
曼聨今季買左接近半隊人返黎, 重要係利車失常之下都係得前4, 
真係慘...
走嘅多過買
M9 傷多過踢
Sancho 消失咗一排
 
馬達,連格,卡雲尼都冇replacement
(得加拿祖勉強可以踢後備)
曼聯冇乜可能踢到4個賽事
放棄歐霸同足總杯比較現實



引用:
原帖由 lmc012 於 2023-1-23 06:56 發表
冇左阿朗,曼聯就輸左俾阿仙奴
俾朗伯攪到5勞7傷,點會咁快完全復甦,今季有前4已經喜出望外



[隱藏]
唔可以瀨丙朗,今季都冇以佢為中心,連正選都冇


尋晚場波好睇!真心正


引用:
原帖由 藍斯貝利 於 2023-1-23 03:01 發表
賽前陣容阿仙奴比較佔優 , 畢竟曼聯少了兩位正選卡斯米路和達洛治 ; 到了場上 , 阿仙奴雖然場面上比較佔優 , 但面對曼聯實際沒有佔到太多的便宜 , 最後取得勝利的原因是眾將必須取勝的決心。 

阿仙奴戰術方向正確 , 但如果上半場拍子可以慢半拍乃至1/3拍可能來得更好 (下半場就真係做到了) , 上半場中後場傳球失誤太多 , 由其是中後場柏迪和賓韋特 , 相信賓韋特也是呢個原因加上有黃牌在 ...
咁先前4? 太保守了
要爭冠軍的了
 
相信賓韋特也是呢個原因加上有黃牌在身在下半場一開始便被富安健洋換下。



引用:
原帖由 lmc012 於 2023-1-23 06:56 發表
冇左阿朗,曼聯就輸左俾阿仙奴
10場9勝一敗wo



呢場波優勝劣敗,無乜爭議


[隱藏]
施真高上晒身,走足全場,乜都有佢份


鍵盤翻頁
左右
[按此隱藏 Google 建議的相符內容]