中佬窮遊系列︰獨行三年無去的馬交

‹上一主題下一主題›

199 12 3 4 5 ››... 14

新帖回覆

瀏覽: 89,597
回覆: 198
追帖: 18
分享: 41

+24

列印

本主題由 mhmimi 於 2023-1-27 10:21 提升

十二月田猛臣

VIP

帖子: 5031
積分: 4853
註冊: 2011-5-5

發短消息

加為好友

[遊記分享] 中佬窮遊系列︰獨行三年無去的馬交香討焦點

發表於 2023-1-24 22:58

前言︰估唔到一個疫情，就攪到連澳門都去唔到長達三年之久，呢段時間因為要清假，所以基本上每個月都要最少休息兩天，依家唔需要檢疫同隔離，自然就趁天氣好之時平日過一過去行吓，食兩餐同買些少手信

晨早起身執返少少隨身用品，就出發上東涌線，上咗港鐵之後望一望個App，依家B5成30分鐘先一班車，距離下一班車仲有二十分鐘，希望趕到！結果去到欣澳站之時介有十分鐘左右，嗱嗱臨出閘快步行去B5巴士站，好在上車位置同三年前一樣！準時巴士就到，等車之時感覺唔算太多人，希望一陣金巴唔需要排好耐。

去到大橋口岸，出境方面都好順利，之後就喺自助售票機買咗金巴嘅巴士飛，順路就出去等車。今日我坐呢架金巴係雙層，唔算全架爆晒不過都九成幾滿座。大概45分鐘後就好順利就到咗澳門口岸，入境時人流亦都唔係好多，自助通道排隊只有一兩個人，幾分鐘後終於三年幾以嚟，第一次踏步澳門境內。

出到公共交通交匯處，見到有架去MGM的發財巴，咁啱我今日第一站要去嘅地方就係宋玉生廣場一帶，於是我就跳咗上發財巴。連等車同車程，大概半個鐘左右就到咗市區，點知可能因為太耐無嚟，行到錯晒，原本去巴黎街點知行咗去廣州街方向，最後攪咗半個鐘先搵到要去嘅地方，澳門通客戶服務中心！

由於大家都唔會預期三年無機會過嚟澳門，手上嘅澳門通住部已經鎖晒(三年無交易)，所以今次嚟澳門第一站係先幫我同朋友嘅澳門通解鎖，原本以為只係將啲卡解鎖，好快就可以攪掂，點知去到客戶服務中心之時，排隊嘅人好多，要排成三十幾人，服務的櫃台只開咗三個，而且佢係分兩條隊，好似一般查詢、買卡、開鎖呢一類係排A隊，而本地人換卡、補領卡之類係屬卡B隊，而澳門通方面係俾B隊優先服務，即係如果同一時間B隊有人，佢哋係可以首先獲得服務！其實呢個我都理解，當然係本地人優先，你估香港有啲傻仔叫政府派錢俾外地人咩！？

不過理解還理解，等咗十幾分鐘A隊只係服務咗一個，於是中佬就出一出去，幫朋友攪咗銀行入數先，順便換埋MOP，攪咗半個鐘之後返到去客戶中心，仲有27個號要排......今朝出門匆忙，早餐都未食，依家已經好肚餓！唉都係唔等！食咗午餐先！
皇朝區呢一頭當然都大把嘢食，不過中佬今日就揀去遠啲嘅餐廳，因為成三年幾無嚟，希望第一餐就食返自己最鐘意嘅餐廳。由客戶中心出發要行成半個鐘先到南灣湖，途中經過幾間之前都有幫襯過的食肆，好似係西X咖啡、金X滿堂，雖然今日就無時間幫襯，不過都慶幸疫情下佢哋都仍然頂得到。

去到中佬的心水餐廳亞X，門前有幾檯，室內都仍然有位，尤其係今日我只係一條友，相對易搵位。一行入去就見到老闆娘，中氣十足仍然滿場飛，收銀、帶位、落單全部做齊......雖然我唔識佢，不過都好開心見到幾年無見，大家都好似仍然健健康康，呢一樣嘢都好緊要！

今餐食咩呢？中佬就簡簡單單叫咗一個周打魚湯，主菜就要非洲雞，本來想加個木糠布甸，不過侍應話所有甜品賣晒，今日做唔切！

一路食之時，聽到左右隔離都係香港口音，相信同中佬一樣因為幾年無嚟而揀呢度食一餐嘅香港人都唔少！

食完就立即過返去澳門通嗰一邊，以為去到應該差唔多到我，點知去到次時由59號已經去到149號！唉！過咗就重新排過，無辦法！好在客戶中心入面有提供wifi，我可以睇吓Youtube，打埋上星期深水埗場波的戰況，再打個Candy Crush消磨時間！當日聽到唔少人入來第一時間就講「我三年無來，張卡鎖咗！」，之後就由工作人員安排，同中佬一樣排A隊，當然都有唔少人等唔到閃咗！我見到最誇張係一個年青人攞住一盒卡入來搵工作人想解鎖，我見到每一張卡上面都貼咗人名，相信都係一班朋友委託佢開鎖。工作人員問佢有幾多張，中佬聽到好似話四十幾張！以每一張要兩分鐘去解鎖，呢盒嘢個半鐘有少無多，仲未計排隊時間，都唔知幾點先攪完......

最後中佬等咗超過兩個鐘，先埋到櫃檯服務，我手上五張澳門通之中，有兩張是屬於舊格式，由於超過多年無用，已經開唔返，第一代嘅退返30蚊按金，而另一張由於係銷售版，所以無錢退。我另外三張第二代格式嘅就可以開返，不過由於超過三年無紀錄，所以大部份餘額都已經作為手續費被扣晒！忽然想起電影雷洛傳經典一幕，當時未成名嘅張達明飾演嘅「懵口平」講︰「喂！阿Sir，你唔好借啲意扣吓扣吓喎！」。

而我朋友交俾我嘅四張卡，有三張由於2020年三月嚟過澳門，所以未鎖，不過另一張就開唔返！最後我幫其他啲澳門通實名埋，之後就終於完成今日的主要任務，估唔到要攪幾個鐘！最後中佬都喺度，多謝澳門通各位員工，十分辛苦咁幫大批「港客」解鎖返啲卡！

成四點半之後我先自由，之後都真係唔知去得邊，想去氹仔試吓輕軌，又好似唔多夠時間，因為一入夜就乜都睇唔到，於是就漫無目的咁行，由大三巴開始，圍繞澳門本島四圍行。

最後入夜之後，就去到河邊新街一帶，再前面就係十六浦，入去十六浦望一望，佢賭場入面間餐廳都幾抵食，一個碟頭飯都係五十幾，話晒都係賭場內。不過今晚中佬晚餐另有心水，行返去十月初五街，人流都唔算少，行過有一檔好多人排隊，八卦行過去望吓，原來都係炒粉麵之類，不過好勁鑊氣！唔知呢檔係咪當年上過電視嘅「細龜炒河」呢？不過網上傳聞細龜本人已退休多時，而今次見炒鑊嘅亦係一位阿姐！

今晚其實中佬亦都無搵以前未食過嘅餐廳，去到十月初五街都係去搵X記咖喱美食。最初計劃當然係食佢嘅蟹王麵，只可惜中佬早幾日個肚唔舒服，今晚唔敢食太肥膩，最後只係叫咗佢哋都有名嘅咖喱牛腩飯，點知冷不提防，原來佢個咖喱牛腩竟然係辣到跳舞嘅級數，中佬都辣到喪咳，唔知有無人以為我中咗招！

喺十月初五街食完晚餐之後，已經八點多，都係時間做埋最後一樣嘢。中佬行返回出新馬路，之後就搵一間手信店，求其買幾盒杏仁餅、鳳凰卷，之後又係時間返屋企！沿住新馬路好快又搵到101X嘅巴士站，好快亦都有巴士到，搭車的人唔算多，不過呢一架101X都兜路兜得幾犀利，短短路程，居然兜咗成半個鐘先到。

今晚經大橋返香港的人都唔算太多，好快咁又買咗金巴飛，出境......去到金巴上車點，問負責收飛個阿姐下一班車幾時開，佢話無定，滿就開車！咁都OK，因為始終依家係九點幾，如果以返香港嚟計都算係比較多人的時間。果然上咗車都係等咗十分鐘左右就開車，今晚呢一班都係雙層巴士，不過咁夜就唔會有咩風景睇！

今次回程好快，大概35分鐘左右就到咗香港口岸，之後入境人數都唔多，好快就返入香港境內。本來今日交通方面都算順利，點知去到呢一個時間先出事！似乎剛剛走咗一班B5，下一班車居然要等45分鐘......X！點算？等唔等好？於是唯有搵其他方案︰本來可以等10分鐘搭A21，不過中佬又孤寒，慳得就慳！另外可以搭B4去機埸，之後再轉E21，不過等下班E21又要40分鐘，先去機場根本唔會快得好多，尤其係E21亦都要兜好多地方，唔可能比欣澳出九龍快，最後唯有等下班B5，好在可以搵朋友吹吓水，等45分鐘都唔會好難捱！

最後半夜十二點前，順利返到屋企！

[ 本帖最後由十二月田猛臣於 2023-1-24 23:22 編輯 ]

#廣州 #機場 #澳門 #香港

回覆引用被引用(6) TOP

FATBOY19700331 VIP 帖子 8662 積分 8964 註冊 2015-10-12 發短消息加為好友	#2 發表於 2023-1-24 23:41 只看該作者大中小繁簡牛記咖喱餐廳，我第一次去食，又係食咖喱牛腩面，辣到我飲咗三支汽水，我之前食過其他嘅咖喱面都係甜甜地嘅我都以為唔係好辣點知中招，我開關之後去過兩次澳門，發覺真係等車，最長時間都係啲接駁巴士，一班車隔一個小時
UID 5765245 帖子 8662 精華 2 積分 8964 金幣 1102 閱讀權限 60 在線時間 5204 小時註冊 2015-10-12 最後登錄 2023-2-3 查看詳細資料	回覆引用被引用(2) TOP

ChiNa使用支付寶 VIP 帖子 4294 積分 3808 註冊 2020-8-23 發短消息加為好友	#3 發表於 2023-1-25 01:58 只看該作者大中小繁簡精彩遊記
UID 6934615 帖子 4294 精華 0 積分 3808 金幣 3887 閱讀權限 60 在線時間 3271 小時註冊 2020-8-23 最後登錄 2023-2-3 查看詳細資料	回覆引用 TOP

冬天的冰雪若、至死不渝版主帖子 26501 積分 21379 註冊 2017-9-5 發短消息加為好友	#4 發表於 2023-1-25 02:30 只看該作者大中小繁簡 101x 你可能搭錯方向
UID 6170211 帖子 26501 精華 0 積分 21379 金幣 3445 閱讀權限 100 來自斷腸崖在線時間 10795 小時註冊 2017-9-5 最後登錄 2023-2-4 查看詳細資料	回覆引用被引用(1) TOP

冬天的冰雪

若、至死不渝

版主

帖子: 26501
積分: 21379
註冊: 2017-9-5

發短消息

加為好友

發表於 2023-1-25 02:33

[隱藏]

引用:

原帖由 FATBOY19700331 於 2023-1-24 23:41 發表
牛記咖喱餐廳，我第一次去食，又係食咖喱牛腩面，辣到我飲咗三支汽水，我之前食過其他嘅咖喱面都係甜甜地嘅我都以為唔係好辣點知中招，我開關之後去過兩次澳門，發覺真係等車，最長時間都係啲接駁巴士，一班車隔一個小時

我好彩沒有去，唔食得辣

回覆引用被引用(2) TOP

FATBOY19700331 VIP 帖子 8662 積分 8964 註冊 2015-10-12 發短消息加為好友	#6 發表於 2023-1-25 02:35 只看該作者大中小繁簡引用: 原帖由冬天的冰雪於 2023-1-25 02:33 發表我好彩沒有去，唔食得辣我就係食完金利，以為同金利都係差唔多味道，點知一食口水鼻涕乜都出嚟，只有不停飲汽水，我都唔食得辣，如果食得辣啲人應該會覺得好好食
UID 5765245 帖子 8662 精華 2 積分 8964 金幣 1102 閱讀權限 60 在線時間 5204 小時註冊 2015-10-12 最後登錄 2023-2-3 查看詳細資料	回覆引用被引用(1) TOP

有用豁達的菲菜	#7 提示: 該帖被管理員或版主屏蔽
有用豁達的菲菜二星級會員帖子 613 積分 454 註冊 2022-8-9	#7 發表於 2023-1-25 03:20 只看該作者大中小繁簡提示: 違規內容已被屏蔽
UID 7236422 帖子 613 精華 0 積分 454 金幣 401 閱讀權限 30 在線時間 172 小時註冊 2022-8-9 最後登錄 2023-2-4 查看詳細資料

ChiNa使用支付寶 VIP 帖子 4294 積分 3808 註冊 2020-8-23 發短消息加為好友	#8 發表於 2023-1-25 03:45 只看該作者大中小繁簡引用: 原帖由冬天的冰雪於 2023-1-25 02:33 發表我好彩沒有去，唔食得辣冰雪早晨！牛記辣過金利，如無食開辣可免則免。初六初七房價仲升，放棄到澳門旅遊了
UID 6934615 帖子 4294 精華 0 積分 3808 金幣 3887 閱讀權限 60 在線時間 3271 小時註冊 2020-8-23 最後登錄 2023-2-3 查看詳細資料	回覆引用被引用(1) TOP

禾葵里的火花一星級會員帖子 116 積分 111 註冊 2022-12-26 發短消息加為好友	#9 發表於 2023-1-25 05:52 只看該作者大中小繁簡引用: 原帖由 ChiNa使用支付寶於 2023-1-25 03:45 發表冰雪早晨！牛記辣過金利，如無食開辣可免則免。初六初七房價仲升，放棄到澳門旅遊了好詳細,但無驚起😙
UID 7264248 帖子 116 精華 0 積分 111 金幣 115 閱讀權限 20 在線時間 138 小時註冊 2022-12-26 最後登錄 2023-2-3 查看詳細資料	回覆引用 TOP

阿爾拔 Golden Member 帖子 29720 積分 31336 註冊 2007-1-30 發短消息加為好友	#10 發表於 2023-1-25 06:56 只看該作者大中小繁簡 [按此打開] [隱藏] 解鎖澳門通浪費得太多時間，比著我就咪搞！
UID 2113369 帖子 29720 精華 0 積分 31336 金幣 3270 閱讀權限 80 在線時間 14488 小時註冊 2007-1-30 最後登錄 2023-2-4 查看詳細資料	回覆引用被引用(1) TOP

檸樂

高級會員

帖子: 1017
積分: 971
註冊: 2008-4-8

發短消息

加為好友

#11

發表於 2023-1-25 08:40

引用:

原帖由 十二月田猛臣 於 2023-1-24 22:58 發表
前言︰估唔到一個疫情，就攪到連澳門都去唔到長達三年之久，呢段時間因為要清假，所以基本上每個月都要最少休息兩天，依家唔需要檢疫同隔離，自然就趁天氣好之時平日過一過去行吓，食兩餐同買些少手信

晨早起身執返少少隨身用品，就出發上東涌線，上咗港鐵之後望一望個App，依家B5成30分鐘先一班車，距離下一班車仲有二十分鐘，希望趕到！結果去到欣澳站之時介有十分鐘左右，嗱嗱臨出閘快步行去B5巴士站，好在 ...

我有2張澳門通，一張第一代過期，一張係過期前幾日，朋友過澳門時，幫我入錢同買野。都唔實名，2月10日取消實名制。
朋友亞哥之前去解鎖，要排一個鐘，估唔到樓主而家排兩個鐘，即香港好多人都有澳門通。

回覆引用被引用(2) TOP

十二月田猛臣

VIP

帖子: 5031
積分: 4853
註冊: 2011-5-5

發短消息

加為好友

#12

樓主發表於 2023-1-25 11:17

引用:

原帖由 FATBOY19700331 於 2023-1-24 23:41 發表
牛記咖喱餐廳，我第一次去食，又係食咖喱牛腩面，辣到我飲咗三支汽水，我之前食過其他嘅咖喱面都係甜甜地嘅我都以為唔係好辣點知中招，我開關之後去過兩次澳門，發覺真係等車，最長時間都係啲接駁巴士，一班車隔一個小時

中佬自覺唔係一啲唔食得辣嘅人，當然我當晚都食晒，無浪費，不過第一啖食落去無心理準備時真係奶嘢
反而其實當晚碗例湯係有驚喜，我甚至聽到有電話外賣指明問仲有無例湯

回覆引用 TOP

十二月田猛臣 VIP 帖子 5031 積分 4853 註冊 2011-5-5 發短消息加為好友	#13 樓主發表於 2023-1-25 11:18 只看該作者大中小繁簡引用: 原帖由冬天的冰雪於 2023-1-25 02:30 發表 101x 你可能搭錯方向我在噴水池對面的方向搭
UID 4518886 帖子 5031 精華 0 積分 4853 金幣 5763 閱讀權限 60 在線時間 7757 小時註冊 2011-5-5 最後登錄 2023-2-4 查看詳細資料	回覆引用被引用(2) TOP

十二月田猛臣

VIP

帖子: 5031
積分: 4853
註冊: 2011-5-5

發短消息

加為好友

#14

樓主發表於 2023-1-25 11:27

引用:

原帖由檸樂於 2023-1-25 08:40 發表

我有2張澳門通，一張第一代過期，一張係過期前幾日，朋友過澳門時，幫我入錢同買野。都唔實名，2月10日取消實名制。
朋友亞哥之前去解鎖，要排一個鐘，估唔到樓主而家排兩個鐘，即香港好多人都有澳門通。

當時都唔知要攪兩個鐘，心諗好在老虎無過來，唔係咁等法今晚實頂痰罐
我都收到2月10日之後唔駛實名，我當日只係實名咗一張就算，當日我見好多聲稱三年無來被鎖卡嘅都係老人家，甚至當日去澳門嗰轉巴士，同個伯伯傾開佢張澳門通都鎖咗，我本來都有5張，依家得返三張仲可用

中佬忽然想起一個問題唔知有無C Hing知道？
香港啲八達通紀念版買晒之後，可能喺信和、好旺角之類的地方用炒價買到，澳門又有無呢一類商場？

回覆引用被引用(4) TOP

檸樂

高級會員

帖子: 1017
積分: 971
註冊: 2008-4-8

發短消息

加為好友

#15

發表於 2023-1-25 12:26

[隱藏]

引用:

原帖由 十二月田猛臣 於 2023-1-25 11:27 發表

當時都唔知要攪兩個鐘，心諗好在老虎無過來，唔係咁等法今晚實頂痰罐
我都收到2月10日之後唔駛實名，我當日只係實名咗一張就算，當日我見好多聲稱三年無來被鎖卡嘅都係老人家，甚至當日去澳門嗰轉巴士，同個伯伯傾開佢張澳門通都鎖咗，我本來都有5張，依家得返三張仲可用
中佬忽然想起一個問題唔知有無C Hing知道？
香港啲八達通紀念版買晒之後，可能喺信和、好旺角之類的地方用炒價 ...

D長者可能係住香港，而有澳門身份證。朋友亞哥都係。但係佢地搭車唔使錢，但都要解鎖先用得。