低form嗰陣已經一直對個同學👦🏻有好感，之後慢慢鍾意，不過唔係同佢好熟，所以都冇同人講過。
到而家中六，覺得講唔講都冇乜所謂同埋都打算放棄就同個fd講左，佢驚訝完之後都冇乜野，只係不停細細聲拎我地講笑
但係第二個禮拜last day，搵左佢👦🏻簽名，點知佢簽左喺心口位個袋，個名後面仲加左個心心，我嗰下勁開心，但係都冇諗太多，覺得佢係玩野，因為佢份人都幾幽默。
再過左個禮拜，我地唔洗跟位坐我就坐左喺個fd隔離(個fd隔離係佢👦🏻)，唔知係咪接觸多左，佢好似對我愈黎愈好，有人問佢拎野食佢會拒絕，但係我問就會俾我，上一秒仲鬧緊人下一秒就温柔咁同我講野，派野會特登幫我拎埋。有次個fd扮蝦我，佢👦🏻就話“唔好蝦我女神！”，嗰下我勁面紅，啲fd都笑我，雖然我遮住個樣，佢👦🏻應該睇唔到，不過都係勁開心&怕羞。但係我都仲覺得佢係講笑咁講，之後都發生左幾次“女神”事件，搞到連其他fd都覺得佢鍾意我，最後我都係扮冇事。
到今日食lunch，我同佢👦🏻分開兩個小圈子去食飯，又咁啱喺門口撞到，經過嗰陣佢嗰邊啲人無端端推左佢👦🏻過嚟，話佢想同我地一齊食飯，佢個樣勁怕羞咁一路笑一路話冇事冇事就走左，呢件事後我啲fd更加肯定咁話佢係鍾意我。
雖然係好開心，但係我真係覺得有啲怪，我同佢唔係話好fd，之前幾年一直同班都冇乜講野，我又唔靚又唔健談，我仲要有肉過佢，我個人覺得我同佢好唔襯(佢高我8-10cm又靚仔又可愛)，同我一樣係會怕怕羞羞咁，話佢突然間鍾意我我又搵唔到個契機，話佢鍾意我好耐我又唔覺，所以真係唔知佢究竟有冇鍾意我。但係我覺得如果真係兩個人互相暗戀呢件事好難得，想表白但好淆底，同埋好驚我會錯意，陣間表完白連朋友都冇得做，但係距離補完課唔洗返學嘅日子得返十幾日，完左就冇乜機會可以見，本身我都諗住最後一年，應該要放棄，點知會喺最後一個月突然發展成咁，搞到我又唔捨得放棄。
所以最後想問，齋睇上文會唔會覺得佢👦🏻係真係對我有意思定係我單純諗多左呢，同埋我應唔應該表白呢。
[ 本帖最後由 飛躍迷惑的喉糖 於 2023-3-17 01:32 編輯 ]
/https://img.discuss.com.hk/customavatars/727/7273633_1704981145.jpg)
/https://img.discuss.com.hk/customavatars/596/5960348_1691243171.jpg)
想得太多
/https://img.discuss.com.hk/customavatars/728/7280264_1679746683.jpg)
