• 瀏覽: 27,712
  • 回覆: 28
  • 追帖: 3
  • 分享: 3
話說某假期係香港某酒樓飲茶,坐我隔離枱的三個人(兩女一男),他們還要求一張bb櫈,原來張bb櫈係放兩個“蒙奇”公仔,一大一細,起初我沒為意,我老婆仲話個兩個公仔幾得意,因手機無乜電就睇下電視啦!呢個時侯就發現有啲奇怪,兩個公仔前放了一個碗,碗上放了一個分開兩半嘅义燒包,我即時打個突...唔係咁邪呀!咁我下意識𥄫𥄫面向我條女啦!面色瘀啡帶灰,有異於一股人。我老婆見我唔知睇電視定𥄫人,就話:你又想買返個公仔返屋企擺呀!咁大個人仲玩公仔唔丑咩!我即時叫我老婆唔好講同打眼色叫收聲,隔離枱兩條女即刻望過黎。為全安起見即時結個金剛拳印保護屋企同自己先啦!跟住當若無其事咁繼續睇電視啦。過左一陣有點心送到隔離枱,個兩個公仔好似好開心咁睇住個點心姐姐放點心係枱度,情況就好似啲細路仔見到啲糖好想食咁樣。個心點姐姐一走,面對我個條女即時夾左兩粒燒賣放落碗度,條女仲𥄫一𥄫我,當然我更係裝飾到睇緊電視咁啦!此時已經肯定呢兩個不是普通公仔。為免隔離枱起疑心,唯有充住電都照開手機睇下網頁,再同老婆吹下日本核廢水又睇下電視咁啦!其實當時我真係好唔自然....我起身埋單時,見佢地食返放係公仔前隻碗啲食物(都幾有衣食),不過心諗都放到凍哂啦!如果真係食點心嘅,點會放到凍冰冰先食呢?出左酒樓門口,我就同老婆講,話隔離枱可能係養鬼,叫佢以後見到咁情況唔好多言!不過我老婆唔信😭無辦法!唯有希望真係我疑神疑鬼啦!


附件

895c49dae17fb3764f8f2cdb60cd8902.jpg(31.03 KB)

2023-8-28 17:42

895c49dae17fb3764f8f2cdb60cd8902.jpg

引用:
原帖由 波濤可愛的小腸 於 2023-8-28 18:00 發表

唔出奇,養小鬼又得,養大鬼又得,如果修行者有僮身的也會咁做
得罪講句僮身都係鬼嘅一種.....



引用:
原帖由 阿箍啦媽他他 於 2023-8-28 18:26 發表

係咪泰國果種古曼童,好多人話好邪
唔知...公仔就係相個種。不過真係有啲驚...尤其有人放點心個下,兩個公仔個樣突然變得更cute 左,個下心都離一離。



引用:
原帖由 招積積 於 2023-8-28 18:32 發表

真都唔出奇
樓主下次連望都唔好望了 唔好太多事
之前無為意架...知道會即時換枱啦...



[隱藏]
引用:
原帖由 波濤可愛的小腸 於 2023-8-28 18:27 發表

古曼童也有好壞
師兄呢個我明,但弊在唔知佢好壞呢!



引用:
原帖由 波濤可愛的小腸 於 2023-8-28 18:26 發表

係有修法的鬼,不過要視乎僮身的品性是好是壞
好!當然無問題啦!只怕係壞啫....



引用:
原帖由 波濤可愛的小腸 於 2023-8-28 18:46 發表

壞的僮身要請師傅幫你趕走
有啲級數高嘅唔係一般師傅搞得掂架!



引用:
原帖由 波濤可愛的小腸 於 2023-8-28 19:47 發表

始終鬼敵唔過天兵天神,一個天兵天神打落黎,什麼鬼妖也要走
曾經見過有個一師傅要出五成功力先搞得掂!連佢都驚訝要出咁高道術先收得到隻鬼!其實可能係妖黎!你見過有唔怕五雷號令嘅鬼嗎?
佢唔係神功門,佢用劍指同符咒。



引用:
原帖由 凌亂最後的冬瓜 於 2023-8-28 20:30 發表

金剛拳印咩黎?
利申,無信仰,路過,純粹好奇一問。
😅😅😅
一個護身手印,你可以上網查一下。



[隱藏]
引用:
原帖由 完美涼爽的海洋 於 2023-8-28 21:17 發表

人地玩公仔
樓主條7頭
神神化化
呢d人好容易仆街
難聽啲講...你識條鐵咩!
你咪試下拎住個大公仔去餐廳食野,跟住叫兩個餐兩杯野飲,一份餐同野飲擺公仔麵前,然後叫食野啦!睇下人哋點睇你囉!

[ 本帖最後由 jimsonweed 於 2023-8-29 06:47 編輯 ]



引用:
原帖由 工廠男 於 2023-8-29 01:05 發表

你都修法啦。
正邪,陰陽,鬼神都本是一體。
唔害人就可以。
我個啲好屎架咋....
唔害人嘅鬼精妖都無問題啦!



引用:
原帖由 完美涼爽的海洋 於 2023-8-29 10:47 發表

咁L驚人地點睇你
唔L好做人啦
你唔信黎鬼故區托咩!你唔介意係你嘅事!唔好硬裝在唔人身上!仲有你唔介意嘅咪淨係著條底褲出街囉!介意嘅就用返你個句:“咪L做人啦!”
原來你真係識條鐵!🤣

[ 本帖最後由 jimsonweed 於 2023-8-29 18:41 編輯 ]



引用:
原帖由 藍軍 於 2023-8-29 13:40 發表

嗰兩女一男係咪大約30歲左右?
應該四十頭啦!



引用:
原帖由 ggggkin 於 2023-8-29 11:44 發表

搞笑
兩個FIGURE控去食飯都俾神棍衝入嚟吹牛


仲天兵天將都出埋, 細個俾亞婆亞公呃到SHORT SHORT地
你唔信又入係唔信又黎鬼故區?奇怪!



[隱藏]
引用:
原帖由 藍軍 於 2023-8-29 13:40 發表

嗰兩女一男係咪大約30歲左右?
仲有師兄何出此言?



主題標籤 #核廢水
鍵盤翻頁
左右
[按此隱藏 Google 建議的相符內容]