• 瀏覽: 1,263
  • 追帖: 1
+3
蓓3係喺2022年10月28日發售嘅遊戲,當時我錄制咗播客同簡單噉寫咗下草稿,但係而家搵唔翻,就簡簡單單根據記憶寫返篇Review。



 
 
  1. 3代加入咗新嘅系統,除咗高難度都一樣可以使用魔女時間之外,會好似《異界鎖鏈》噉喺招式最后加入閃光再撳會有新嘅派生招式,增加嘅魔獸系統:閃擊奴隸(Flash Slave)、疾速奴隸(Wink Slave)、突擊奴隸(Assault Slave),其中閃擊奴隸係可以進行Offset(官方翻譯叫『躲避連擊』),亦都算係增加咗一個可玩性,但如果你唔熟悉魔獸Offset嘅穿插節奏,係會好容易斷咗個Combo。
  2. 遊戲嘅開頭喺島上嘅地圖有啲嚇親我,做得幾靚。根據爆料就話因為工期緊,任天堂監工就將本身諗住制作嘅開放世界閹割返去做關卡式就算數嘞;畫面喺NS上係最好㗎啦。TV模式都有好穩定嘅30幀,人物材質,特別係蝴蝶夫人面孔細節比以前好咗好多;成個美術對比1同2真係一個好大嘅退步。
  3. 新角色Voila係蓓姐嘅女兒,最后嘅補丁更新V1.20版本增加咗防禦判定成功之後可以唔斷連,派生疾速奴隸喇。整體可玩性受限于大型敵人同視角外敵人嘅攻擊,冇達到MGRR入面激流山姆嘅可玩性係比較可惜嘅;Hold蓄力嘅火刀手感反而手感非常得,最后嘅補丁修復咗閃避同閃擊奴隸可以疊加嘅Bug,風車彼特(360+A)依然係一個好好用嘅招式。
  4. 召喚獸一開始俾我哋嘅格莫拉同蝴蝶夫人就已經是好強力嘅召喚獸,後面有無敵嘅鐘樓,其實喺好多地方利用召喚鐘樓然之後開啟魔女時間,十字鍵切換下魔獸唔消耗魔力,都可以令玩家喺好多戰點都比較容易達到紫月評價。
  5. 按照遊戲嘅劇情推進,最后薇歐拉繼承咗『貝優妮塔』呢個稱號,噉一定有續作㗎喇,希望續集嘅畫質可以好啲啦。
  6. 本作冇視角保護同大型敵人FOV問題,續作睇下有咩好解決嘅好方案。
  7. 劇情嘅編寫有失水準,多個時間線嘅蓓姐其實俾大家感覺真係是行個過場送把武器,特別係喺最后一戰入面薇歐拉見到盧卡居然唔係叫『老竇』而係直接叫佢個名,依啲小細節錯誤到處都有。
  8. 演出保持一貫嘅水準,每一個關卡都有唔同嘅小遊戲,同《神奇101》一樣都好有創意,而且今集食棒棒糖係唔扣分嘅(唱歌環節例外),亦都算係制作組想比玩家容易攞到紫月評價方法。
  9. E個系列要做得好真係唔可以再以魔女時間作為核心系統,今次好彩有魔獸系兜底,導演喺續作制作都係要好好請教下神谷英樹。
  10. 最后三個蓓優妮塔同場,再換埋1代嘅UI,真係實現咗我多年玩遊戲續作嘅願景,當其時我玩《戰神2018》嘅時候就幻想會唔會拿翻雙刀嘅時候將戰鬥嘅鏡頭拉返去老戰神噉,估唔到最后都係由創意十足嘅白金做咗出來,咁樣嘅Neta喺多點遊戲入面出現我真係舉雙手雙腳支持啊
 
https://youtu.be/gqPoJ_cIyDg?si=TLEb9JabD-i-KA9r
之前打既錄像:
https://youtu.be/Rei1uPItr1A?si=6FK5PPYo6LUpq7l1進入香討影片區



[按此隱藏 Google 建議的相符內容]