• 瀏覽: 3,462
  • 回覆: 10
踩 3X8速 26吋為主車。有諗過買智能訓練台,但怕三分鐘熱度,就好平買二手咗磁力訓練台玩住先。
問題來,踩街踩平路/村路或唔太斜嘅長斜(如 景優、穗禾路)好多 km 腳都唔攰。但上大斜(石蓮路)稍為出多D力就踩到扯晒氣,心率超高,最後眼花失平衡被迫停低。
踩訓練台教到最大阻力用中餅拖快波狂踩都好難踩到扯氣。踩到腳軟只係小小眼花但心率唔係好高。
踩街踩到某個均速再出多D力就感到阻力好大好難再快。
但踩訓練台均速再試出多D力仲有得快,車轆轉快咗但阻力唔係大好多。
好想練到一腳上紅花嶺!
唔知咁係個訓練台唔啱我用 還是我 訓練方法錯咗?
 
補充:
踩 穗禾路 試踩快D會腳軟跟住手震腳震但唔係太扯氣。
但踩石蓮路踩幾下就扯氣扯得好辛苦,手腳凍冷但又唔係攰。
咁樣應該點樣訓練?

[ 本帖最後由 小卡梅 於 2024-3-11 17:11 編輯 ]



卡梅之手72號
窮鬼遊戲機:A8-7600 A88X ... 主打免費 GAME ...
好明顯呢個訓練台阻力模擬唔到室外一樣
試吓後軚放少少氣增加阻力得唔得?


如果唔得嘅就換智能訓練台



車胎打低壓,將滾軸貼緊D車胎,呢個方法試過,剛起步慢踩阻力係大咗,但加力踩快效果麻麻。
反且打中高壓,滾軸貼得冇咁緊,用快D嘅波踩,加力踩質感會多D。
智能訓練台太貴,要D時間考慮吓。

[ 本帖最後由 小卡梅 於 2024-3-14 18:20 編輯 ]



買個2手囉
唔係智能果d無乜用ga
同埋最平果d買黎都嘥氣



[隱藏]
智能訓練台又貴又多電子,除非賣家有拍片睇,否則冇信心買二手。就算有,二手都唔平得去邊。
三幾千嘅WAHOO KICKR SNAP 都只能模仿 12% 坡爬,到喉唔到肺。要模仿 紅花嶺 菠蘿山 嗰D直驅訓練班台冇五六千都買唔到。(貴過架車)
我呢隻 Tacx 入門舊款 ,教到最大阻力,感覺似去優景單車徑橋,就連上優景都未能模仿。(好在只係 $100 二手只)



智能訓練台冇得貪平……


不如你自己買個滾筒喺屋企試下先啦 ! 價錢又唔係貴,1000幾百文已經有一個,但係最初玩,就要好小心。因為其他嘅都唔便宜。


磁阻 , 滾筒路感同阻力方面完全無得同智能比
當你踩過智能唔會返到轉頭
買部初中階 , 準確度2%左右 , 模擬坡度 15-18%左右 
1500-2000 Watt , 其實唔係大品牌 , 好多牌子新機3千到5千已經有
錢同質數係成正比的 , 唔花錢得唔到想要既效果係正常



有多閒錢可花居然就想花。問題係閒錢有限。
有限閒錢下,其實我想改車或換車多過買個貴嘅訓練台。
本身踩開 26吋 3X8速大摺為主,幾個月前貪得意買咗架國布。咁先至發現嗰架大摺嘥咗我好多力。
唔太斜嘅斜路如梅子林、大棠... 國布只改41T拖 內3外2速 都唔太難上到。嗰架大摺雖然係有細餅,但就踩到滿頭大汗又辛苦又慢。
原本諗住三幾百買個二手訓練台練大自己功率,咁就諗住唔駛大改車都踩到上紅花嶺...

但要花五千以上買訓練台,咁不如大改:
1. 國布 內3外5速(11-25T) 或 2. 26吋大摺 改 XT雙餅+大DD嘅飛輪 2X8速 。(原本方芯三餅有D歪,都未有錢換住。)

[ 本帖最後由 小卡梅 於 2024-4-15 12:48 編輯 ]



[隱藏]
又感受到踩訓練台嘅伏位:
阻力調較大,試圖模仿上斜,用力鋤落去可以踩到好快又好似好慳力
由左腳鋤落去至右腳鋤落去之間,滾輪有相當長時間有餘力轉動。

但現實上斜,你稍為唔出力踩,車速就急降 (唔知智能訓練台能否有呢個效果)。
左腳鋤一下,車速快一下又立即變慢,輪到右腳鋤一下|車速快一下又立即變慢,效率差。
好彩以前用過 lock鞋,雖然依家冇上lock 但仍然記得上lock踩嘅感覺,用類似畫圓嘅力上斜比較有效率,冇咁易扯氣。(即使冇上lock ,每一邊腳仍然可畫4成圓圈)


感慨:如果未用過lock鞋,靠踩訓練台好可能會學壞腳勢。
因為踩訓練台,用力鋤落去踩會比 用類似畫圓嘅力踩 快好多好多,所以可能令新手誤以為用力鋤落去就係好。

[ 本帖最後由 小卡梅 於 2024-3-26 13:57 編輯 ]



你啱呀 , 正常唔係鋤落去 , 咁做只會令你雙失 , 只會踩到五勞七傷
咁當然部車本身配備係影響好大既 , 所以正常斜度(1-10%)情況下都係要用死力先踩到 , 部車就明顯仲有升級空間