• 瀏覽: 23,670
  • 回覆: 48
  • 追帖: 2
  • 分享: 12
+47

早上7點集合,經由蓮塘口岸入深圳,中途旅遊巴停左係黃江服務區 廁所位~

到達時間:早上10點

第一站景點:33小鎮文化創意產業園

「33小鎮」是一個風景很美的產業園區,裏面有產業辦公區和商業街區,文藝氣息很濃,還有很多網紅打卡點,很適合拍照。這裡劃分為三大功能區,各具特色,相得益彰。文化創意展示區,匯聚創意辦公、公寓、會所、活動展廳等多重元素

東莞33小鎮融入32個鎮街以及松山湖的工業歷史,打造灣區有溫度的文創園區。




旅行團安排真係一舊舊,由於到達嘅時間係早上10點,好多餐廳同市集都未開,剩係得間7-11便利店同台灣飲品店!

係7-11買咗兩包薯片,夜晚當宵夜。


第二站: 農家菜午餐 + 有手信鋪賣乾貨,都抵買!



[ 本帖最後由 中午橙色的雞翼 於 2024-3-28 09:44 編輯 ]



第三站: 西溪古村

去咗東莞西溪古村。呢條村原名蘆溪村,係一座保存得幾完整嘅明代古村落,始建於明朝天啟元年(1621年),距今已經有400幾年歷史。

西溪古村係嶺南地區典型嘅古村落建築風格。村內有圍牆、祠堂、書屋、民居、古井、池塘、古榕樹等,一行入嚟就已經感覺到好有歷史。

我喺村入面行咗陣,好多網紅打卡店,有飲料、甜品同賣香包嘅小店,穿梭喺橫街窄巷之間,感受歷史同文青藝術交雜,人流唔算多,但可以寧靜步行影相打卡,好休閒。

喺西溪古村,我好似穿越咗返明朝,感受咗嗰陣時嘅生活氣息。呢個古村落係嶺南歷史文化嘅寶貴遺產,值得好好保護同傳承。我發現古村入面好多祠堂,網上資料介紹:西溪古村嘅祠堂規模宏大,建築精美,係嶺南祠堂建築嘅代表性作品。

西溪古村係一個好值得遊覽嘅地方,如果你對嶺南文化有興趣,不妨去參觀一下。



老榕樹,現場睇好大棵就知道佢有返咁上下年紀!樹冠咁大,又平衡,生長健康良好👍風水樹


有求必應許願樹! 






第四站: 東莞大潤發(超市購物景點)

今日去咗東莞大潤發,呢間超市係東莞比較出名嘅大型超市之一,商品種類齊全,價格實惠。

我喺超市入面行咗陣,買咗啲烘焙食品同串燒。烘焙食品種類繁多,有蛋糕、麵包、西餅等,我買咗幾件donut 返去酒店慢慢食。串燒係面筋串燒,加左辣粉同調味,超惹味,現場微波爐叮1分鐘熱辣辣,好香口。

大潤發嘅物價真係好平,串燒嘅價格係¥9.9/3串,抵到爛。

喺大潤發購物,地方夠大感覺好舒服,環境乾淨整潔,我都係用香港支付寶就比到錢!



第五站: 東莞東方銀座國際酒店

今日入住咗東莞東方銀座國際酒店,呢間酒店位於東莞市中心,交通便利,雖然周邊無乜地方行,但望落都似好高級。

一入到酒店嘅大堂好寬敞,裝修豪華,都有啲藝術品。4點到酒店,好快導遊就派房卡。我住嘅房間好大,有大床2張,設施都算齊全。房間入面有電視、冷氣、冰箱、熱水壺、Wi-Fi等,一應俱全。

我地係酒店住咗一晚,訓得唔錯,房間無味,但床單有少少濕氣,整體感覺良好。

酒店設施有健身室,今次住得唔錯,東莞東方銀座國際酒店係一間非常值得推薦嘅酒店,如果你嚟東莞旅遊,可以考慮呢間酒店。



但係房間裏面有條「叉電線」頭5分鐘係免費叉電,之後你就要掃code俾錢先可以繼續叉。真係好cheap囉!




晚上喺酒店食圍菜,有雞有魚,梅菜扣肉都好正!



魚湯鮮味好濃郁,好好味😋




[ 本帖最後由 中午橙色的雞翼 於 2024-3-28 09:47 編輯 ]



[隱藏]
第二日朝早食酒店自助早餐,都係個啲嘢無乜特別。

但我地有團友見到啲菜有蟲,大家拎個陣望清楚,一陣食埋落肚就弊了!

咖啡機經常要職員加豆、加熱水,最後連杯都無。自助餐無刀叉,要用筷子食。

仲有啲煎蛋一拎出嚟就比人搶晒⋯ 

點心得兩籠,蒸飽無人拎,永遠都係個兩籠。



自助餐廳破壞左得對呢間酒店嘅美好印象!



本身旅行團第二日會去「松湖煙雨」同「江南一號」食飯⋯ 但兩個景點我都好失望,介紹少少比大家認識吓

第六站:松湖煙雨

今日去咗東莞松湖煙雨,呢個景點係東莞八景之一,以湖光山色而聞名。松湖煙雨位於東莞松山湖科技產業園區,佔地8平方公里,其中水域面積約4平方公里。湖面煙波浩渺,四周峯巒環抱,風景秀麗。

因為今日有公眾馬拉松活動,所以大部分地方都封左路,仲要導遊只係得30分鐘活動時間,去完排長龍廁所出嚟,都差唔多要上返車⋯

淨係影左一棵黃花風鈴木留念,都靚嘅





第二日嘅午飯係「江南一號」食,裝修都幾靚,好多打卡位,但食物碟碟都好咸,食到好辛苦,要洗腎嘅程度,啲食材唔新鮮,但有斟茶特技表演睇⋯ 

唔知點解旅行團要揀呢間,碟碟餸都食剩好多⋯


認住佢,唔好去! 不推薦



回港前最後一站- 第八站:
深圳前海超大型山姆超市
(深圳最大旗艦店!!!)

最後一站,血拼深圳前海最大間嘅山姆超市,呢間超市係好多好多好多香港人!

山姆超市係會員制超市,需要辦理會員卡先至可以入去購物,今次旅行團包埋搞主卡同副卡,整個辦卡過程都係20-25分鐘,因為好早之前導遊已經叫我哋網上面填好資料,去到對證件就可以。

會員卡分為兩種,一種係普通會員卡,年費268元人民幣;另一種係卓越會員卡,年費688元人民幣。卓越會員卡可以享有更多優惠,例如免費送貨上門、免費停車等。

我辦理咗普通會員卡,用大陸電話登記有¥50新人優惠,即刻買野即刻用,我仲用左中銀銀聯BOC pay 個山姆超市回贈,真係折上有折。

(本身想用Apple pay, 但原來呢度不受理)



咁大隻迪士尼正貨「史迪仔」都只係¥99 (掛牌原價¥229) 仲要有張氈冬天仲可以當被,超抵! 


入咗超市之後,發現裏面嘅貨品真係好多,有生鮮食品、日用品、家電、寵物、服裝等,應有盡有。

我買咗啲生鮮食品:蔬果同埋生果,好新鮮,價格都幾平。

喺山姆超市購物一行就行左3個鐘,買完野有包裝區可以慢慢入好行李箱。


超巨型嘅超市! 貨倉咁!


買左一箱每日堅果,同埋棉花棒、浴室香氛⋯

因為屋企人話遲啲香港無膠嘅棉花棒所以要買定入貨先⋯ 


多謝收看,喜歡我嘅生活分享,請follow我! 

[ 本帖最後由 中午橙色的雞翼 於 2024-3-26 16:35 編輯 ]



東莞無左莞式 iso 仲有咩好去?😳😳😳


[隱藏]
引用:
原帖由 中午橙色的雞翼 於 2024-3-26 15:29 發表


早上7點集合,經由蓮塘口岸入深圳,中途旅遊巴停左係黃江服務區 廁所位~

到達時間:早上10點

第一站景點:33小鎮文化創意產業園

「33小鎮」是一個風景很美的產業園區,裏面有產 ...
好開心玩玩玩食食食



引用:
原帖由 中午橙色的雞翼 於 2024-3-26 16:04 發表

第五站: 東莞東方銀座國際酒店

今日入住咗東莞東方銀座國際酒店,呢間酒店位於東莞市中心,交通便利,雖然周邊無乜地方行,但望落都似好高級。

一入到酒店嘅大堂好寬敞,裝修豪華,都有啲藝術品。4點到酒店,好快導遊就派房卡。我住嘅房間好大,有大床2張,設施都算齊全。房間入面有電視、冷氣、冰箱、熱水壺、Wi-Fi等,一應俱全。

我地係酒店住咗一晚,訓得唔錯,房間無味,但床單有少少濕氣,整體感覺良好。
...
酒店幾好幾靚呀,但係叉電線就做得cheap咗啲。



引用:
原帖由 中午橙色的雞翼 於 2024-3-26 15:52 發表



第四站: 東莞大潤發(超市購物景點)

今日去咗東莞大潤發,呢間超市係東莞比較出名嘅大型超市之一,商品種類齊全,價格實惠。

我喺超市入面行咗陣,買咗啲烘焙食品同串燒。烘焙食品種類 ...
樟木頭大潤發?



東莞唔錯, 周末或者短假可以一去。

另外樓主個團有得去埋深圳山姆, 乜都賺晒啦!



依家仲有沒金魚缸簡女果d場


[隱藏]
引用:
原帖由 WINDY1WINDY 於 2024-3-27 13:11 發表

酒店幾好幾靚呀,但係叉電線就做得cheap咗啲。
第一次見影張相記錄下,仲要有聲話:「充電完結,掃碼充值」



鍵盤翻頁
左右
[按此隱藏 Google 建議的相符內容]