• 瀏覽: 16,556
  • 回覆: 79
  • 追帖: 8
  • 分享: 14
+97
# 1 深圳飛天府>三星堆>玉林路酒館
# 5 成都往色達洛若鎮 + 住宿
# 10  洛若鎮上佛學院 + 喇榮住宿
# 11 佛學院通往天葬台徒步路線 + 天葬儀式
#12 佛學院內部生活圈分享
#15 佛學院之夜住宿分享
#58 佛學院落山回縣城 + 佛學院面面觀
#68  佛學院至色達縣城小補充 + 佛學院導覽圖及色達旅遊地圖
#69 色達坐客運至康定 (9小時)特別體驗
#72-72  康定周邊一天遊
#80 成都的最後24小時, 騎行走遍東南西北門>東夜記憶>東門市井>九眼橋
 
終於有時間補回油雞啦, 
繼年底去色達失敗後,我由新年開始,已經精心計劃3月尾第四次挑戰色達。
出發前一個月已經研究好如何喺小程序搶喇榮溝觀光車票, 亡命摩托,同埋已經問好晒洛若鎮上邊間酒店可以接待香港同胞。 
計劃行程
22/3 深圳夜機>成都天府
23/3 早上三星埋,下午 金沙遺址, 晚上玉林路
24/3 成都>色達洛若鎮
25/3 五明佛學院 + 天葬台
26/3 佛學院+東嘎寺
27/3 色達縣城 > 康定
28/3 康定周邊一天遊
29/3 康定早上>成都(東郊記憶、東門市井、網紅熊貓爺爺、九眼橋)
30/3 早上買手信,下午回深圳
 
22/3 收工即刻趕去寶安機場, 2115飛,2345到天府機場,坐機場專線到春熙路,由於已經深圳,一路暢通,一點左右已經到春熙路。喺春緊路附近酒店訓4個鐘就起身去IFS大熊貓屎忽下排隊坐三星堆專線。 0630已經有十幾人排緊隊, 0700準時上車, 每人25元, 早上交通暢順, 差不多一小時已經到廣漢市。 

 
我係前一晚先o係C程買講解及門票, 導遊7點已經SMS我一陣邊度集合。 如果大家去三星堆真係要提前買票, 因為真係超級火爆, 售票處未開門已經貼出告示, 門票已售罄, 好多人諗住現場執漏, 結果白行一趟。


講解足3小時, 最後試埋網紅三星堆雪糕就回程成都, 回程用左兩個鐘多D。
夜晚住武侯區, o係酒店休息左一陣就踩單車去玉林路探店, 飲翻杯 , 聽下歌。 

第一天完
 


[ 本帖最後由 粉紅炸彈㊣ 於 2024-4-9 17:09 編輯 ]



附件

20240325132642_IMG_1789.JPG_1711777907738.jpg(1.05 MB)

2024-3-30 13:52

20240325132642_IMG_1789.JPG_1711777907738.jpg

引用:
原帖由 粉紅炸彈㊣ 於 2024-3-30 13:52 發表

依家準備回程,先上圖,內容後補
港人要簽邊防證入色達嗎?



引用:
原帖由 龍潭老鼠 於 2024-4-1 14:12 發表

港人要簽邊防證入色達嗎?
色達在四川省境內,唔駛邊防證



色達唔需要, 只係o係翁達檢查站比公安問兩句, 登記下資料就放行啦, 3月有班台仔都入左去


[隱藏]
24/3 成都去色達
出發前兩星期我已經o係小程序買左大巴車票(茶店子-色達)0640出發, 車程約12-15小時, 但後面又搵到拼車, 所以23號夜晚先退票。
成都去色達o既拼車都集中o係武侯區康家酒店外, o個度好多即時拼車去甘孜同色達o既7人越野車司機。
原本係約我清晨4點出發, 但因為依家淡季, 司機推延至11點, 結果都未齊人, 最後差唔多1點先出發。
車上6人, 只有我一個遊客, 有兩位中老年夫婦係去工作, 一位色達戶口學生, 一位五榮佛學院修道喇嘛, 同一位中年兄弟。
依家成都去色達, 行新路, 自駕大概需要8-9小時, 經馬爾康, 司機只係中途 大約6點左右o係 馬爾康停車半小時比大家食飯,一路上無停過。

依家成都去色達, 行新路, 自駕大概需要8-9小時, 經馬爾康, 司機只係中途 大約6點左右o係 馬爾康停車半小時比大家食飯,一路上無停過。
 

距離佛學院外60公里, 就係翁達檢查站, 所有進入色達縣O既人車都係呢度比公安check身份證


佛學院係位於洛若鎮,唔係色達縣城,色達縣城距離佛學院有20幾公里,洛若鎮就係佛學院山腳下,非常近。
無輪係坐大巴或者係拼車,都可以同司機講喺洛若鎮落車。
洛若鎮非常細,感覺呢度係為遊客而生,目前只兩鎮上最貴嘅兩間酒店可以接待港澳同胞(出發前一個月已經打晒去鎮上所有住宿問過),台灣人就好難講。


[ 本帖最後由 粉紅炸彈㊣ 於 2024-4-2 18:15 編輯 ]



支持旅程!


Support! 我都想去色達


樓主拼車,但係要咁樣等到下午一點先至出發 。諗番轉頭,係咪搭客運更好?


好難講, 因為併車一直都係清晨4點出發(如果齊6個人情況下), 大巴就一定係0640出發, 但車程要12至15小時, 到色達都差不多1900-2200之間。 拼車就價錢分為 300/350/400, 頭中尾位, 大巴就收你288, 價錢差距唔大, 但用時較短。
拼車師傅都係出發前一晚9點通知我改時間, 但我就10分鐘前先退左大巴,  我當日未到洛若鎮都有D後悔簡左拼車, 不過當我去到 洛若鎮就會覺得值, 因為洛若鎮真係好細, 只有左右兩條街, 除左食宿就乜都無。



[隱藏]
繼續25/3 上午入佛學院之旅
本來我已經o係22/3已經搶到觀光車票, 但我又好想早D入去, 同埋住佛學附裡面, 最後都係選擇叫亡命摩托車我到後山自己行去壇城。 亡命摩托上山真係好刺激, 真係行山邊, 藏民兄弟一邊上山一邊唱歌, 好輕鬆。 真心建議大家都係搶觀光車票。
上到後山, 遇到4位搶唔到車票0既西安朋友, 跟住一齊行去壇城

 

從後山行落去壇城20分鐘左右, 喇榮賓館就0係壇城左邊, 我就暫別西安朋友, 先去訂房, 然後天葬台見。
喇榮賓館只接受現場預訂, 網上同電話都無得留房。 
房價同環境如下: 

放低行李然後就立刻向天葬台出發



25/3 佛學院通往天葬台之路
0佛學院內如果用地圖導航, 只會出現一條返回洛若鎮再到天葬台0既路線。
當時我身處於壇城位置, 根據導航所指向0既天葬台方向翻山徒步過去(約1小時)。
請參考下圖: 

 
徒步路線: 壇城朝向洛若鎮的觀景台右後方> 經過覺姆生活區的小徑>到達觀景台> 行山路再往山上經幡進發> 翻兩個山頭>見到天葬台

徙步示意圖

當翻過山頂後, 沿住綠色圍欄落山, 之後搵金字塔, 就係天葬台位置。
一路落山期間, 會有好多禿鷹0係頭頂飛過。

一路禿鷹

 
天葬儀式簡述:
每天中午12時陽氣最盛時開始, 家屬抬住先人棺木轉白塔, 然後抬進天葬位置由天葬司開棺。
當日有2大2小逝者進行天葬, 當4家人都完成儀式後, 天葬司進行最後準備。
下午一時, 當腐肉切開0既氣味傳到禿鷹位置時, 幾十隻禿鷹就衝落去搶食, 天葬開始。
 
溫馨提示, 當愈靠近天葬場時, 千萬唔好相影。 
當開始天葬時, 外來人就可以靠近天葬場見證天葬, 我係當天留在天葬場最耐0既外來人, 大概見證左45分鐘,見證到整個回歸自然嘅過程。
雖然3月尾仍然係淡季, 但都有差不多100個遊客見證。

天葬台一覽



[ 本帖最後由 粉紅炸彈㊣ 於 2024-4-3 13:45 編輯 ]



見證完天葬就原路返回佛學院, 不過回程上山0既山坡斜度都差不多60-65度左右, 每爬10步就要停一停, 真係好攰, 因為依家呢個位置海拔超過4000米。 好在爬左3份一左右見到有兩個藏民騎士剛剛送完旅客上頂, 我就搵佢車我上頂, 費用一張布達拉宮。
唔駛5分鐘已到頂, 不快愈接近山頂斜度愈高, 仲有30米左右摩托唔夠動力上, 打倒褪。 不過藏民兄弟好有經驗同技術即刻打側翻車, 唔駛倒退落山 。 
 


之後都係由經幡位置行翻落去。
 
回到佛學院後就搵位hea 下回氣。 其實佛學院內有幾間咖啡店同奶茶店, 唔少修喇嘛同覺姆都有幫襯。

佛學院內仲有幾間超市可以補給身活用品, 好整齊企理。


[ 本帖最後由 粉紅炸彈㊣ 於 2024-4-3 15:43 編輯 ]



引用:
原帖由 粉紅炸彈㊣ 於 2024-4-2 17:32 發表

24/3 成都去色達
出發前兩星期我已經o係小程序買左大巴車票(茶店子-色達)0640出發, 車程約12-15小時, 但後面又搵到拼車, 所以23號夜晚先退票。
成都去色達o既拼車都集中o係武侯區康家酒店外, o個度好多即時拼車去甘孜同色達o既7人越野車司機。
原本係約我清晨4點出發, 但因為依家淡季, 司機推延至11點, 結果都未齊人, 最後差唔多1點先出發。
車上6人, 只有我一個遊客, 有兩 ...
好多年前資訊係拿回鄉咭入都係混入中國人一齊的大巴博一博,可能而家開放咗。



引用:
原帖由 windows3.1 於 2024-4-3 15:48 發表

好多年前資訊係拿回鄉咭入都係混入中國人一齊的大巴博一博,可能而家開放咗。
依家港澳居民就可以正常進入, 0係翁達檢查站會放行, 但循例問你香港定澳門, 之後登記證件同聯絡電話號碼就比你走。
3月中有一車台灣人都可以入, 不過去到色達縣城就唔比佢地住, 呢班台灣遊客本來已經訂好左涉外0既世際大酒店, 但都唔得。因為接近314日子, 話係一D特別時間, 所以要佢地即日離開, 唔可以留宿色達縣城。



[隱藏]
夜晚0係喇榮賓館4樓食自助素火鍋, 喇嘛同覺姆要分開區域用餐, 但遊客就不分性別, 會安排同覺姆一齊用餐, 我同枱有兩位覺姆。

食完回房休息一陣, 差不多8點半又走翻去觀景台睇夜景, 當晚超級大風, 用埋腳架影相都係會吹到震。







鍵盤翻頁
左右
[按此隱藏 Google 建議的相符內容]