男友不嬲都好大汗，6月尾時候 JJ 有紅點但唔痛。
後來睇咗第一次醫生都未好，上星期五再睇第二次。
到星期日(即係14Jul), 我哋中午傾過電話，當時一切都好正常。但夜晚7點幾再打俾佢已經冇人聽，message 又冇覆，以為佢食完藥瞓咗所以諗住夜d再打俾佢，因為佢習慣半夜起身食少少嘢。
點知當晚完全揾唔到佢，到第二朝9點幾睇咗我message 都冇覆我，咁我惟有lunch hour 再打俾佢睇吓佢咩事，因為佢之前話過食完藥好攰。
佢繼續唔聽電話，不論視像電話還是語音電話，只肯文字覆我話唔駛擔心，佢只想瞓覺，但我感覺佢同平時唔同，但係冇辦法咁我叫佢瞓醒打俾我。
到我夜晚放工佢都冇打嚟，咁我再打俾佢但佢冇聽，我收線後佢就即刻打視像俾我，背景似係天台地方，有個帳篷仔，我問佢喺邊，佢話係朋友屋企，問佢喺朋友屋企做乜佢已經唔再多講，淨係叫我唔好擔心，佢仲話佢唔係我個小朋友。
如是者收線之後，當日夜晚同之前嗰晚一樣七點幾之後無論打幾多電話send幾多message全部冇覆。
星期一嗰晚我好似痴咗線，message 問佢係咪有第二個女朋友？佢係咪去咗同人過夜？ 第二朝星期二 佢話我 咁好想像力應該去做編劇 但係始終都冇交代到佢點解連續兩晚失蹤。
到今日食lunch我再打畀佢睇下佢個情況點，如果唔得就要轉醫生，佢話已經好返好多，佢朋友幫佢解決咗問題，我問佢個朋友係咩人，你朋友用咩方法，佢開始嬲， 跟住係咁叫我食飯先然後cut咗我線。
我真係唔明到底有咩咁大秘密要瞞住我，佢嗰兩晚嘅嘢係咪真係咁唔見得光？
/https://img.discuss.com.hk/customavatars/733/7333104_1719841163.png)
