羅淑佩專訪｜揭青衣公屋戶「租上租」　獲特首送好橋打擊濫用公屋 - 香港及世界新聞討論 - 香港討論區 Discuss.com.hk

‹上一主題下一主題›

123 12 3 4 5 ››... 9

新帖回覆

瀏覽: 24,673
回覆: 122
追帖: 1
分享: 7

列印

日行千里

VIP

帖子: 4918
積分: 5683
註冊: 2016-6-12

發短消息加為好友

[本港新聞評論] 羅淑佩專訪｜揭青衣公屋戶「租上租」　獲特首送好橋打擊濫用公屋

發表於 2024-8-12 09:15

「上任之前，（房屋局）何永賢局長已經同我講，房屋署其中一個好重要工作係打擊濫用」—— 公屋資源珍貴，專責打擊濫用的房屋署署長羅淑佩接受《香港01》專訪時說，正審視4月第二輪公屋資產申報有否「古怪」個案，至今有1,840戶主動交出單位，「愈遲交（申報）就愈去睇睇有冇嘢先。」她強調有真憑實據才收回公屋，更獲特首好橋聘退休警助偵查，「唔會話打擊到無辜」，坦言過往處理寬容，相信社會已感受到決心。

羅淑佩透露，青衣長康邨一個公屋單位擬非法「租上租」，孫仔挪用婆婆的公屋向他人商議分租，終被房署收回單位，「個公屋唔係你嘅資產，唔係畀你自由租出去謀利㗎嘛」，即使單位最終沒出租亦是違規，「唔好話無租約就無事，口頭承諾都係合約嚟。」她說每次訪問刊出後，都有很多富正義感的市民舉報濫用，提到《香港01》是有影響力的傳媒，報道後可加強正確使用公屋的意識。

由「公屋妹」走到房屋署署長　羅淑佩著緊珍貴公屋資源

公屋出身的羅淑佩，小時候家境清貧，與父母居住葵涌石蔭邨，直至大學畢業搬出來自住，加入政府後再為父親購買單位，冀讓出公屋予有需要人士，這名廿載「公屋妹」感恩公屋給予向上流動的機會，到今天執掌房屋署，對公屋資源特別着緊。

好多人問我哋點解依家好似突然神勇（打擊濫用公屋）咁呀，點解以前唔做呀咁，其實一直都好想做。

上任前局長囑托打擊濫用公屋　聘8名退休警偵查放蛇

羅淑佩憶起房屋局局長何永賢對打擊濫用公屋同樣緊張，「其實我未上任之前，去搵何永賢局長拜會佢，佢已經同我講，房屋署其中一個好重要工作係打擊濫用。」上任後，房署聘請退休警務人員協助偵查濫用個案，「房屋署可能都係文職人員比較多，唔係好懂得點樣去偵查，甚至依家講到去放蛇，請退休警務人員都係特首畀我哋嘅橋嚟。」

現時有2名退休警司及6名退休警務人員負責打濫，房署人員經訓練後，她形容打濫更有成效。

羅淑佩說，4月起展開第二輪25.4萬名公屋戶資產申報，至今99.9%住戶已呈交申報，尚餘70戶欠交。（廖雁雄攝）
第二輪資產申報1840戶主動交出單位　先審查遲申報者

上任房屋署署長一年，羅淑佩積極打擊濫用公屋，4月起展開第二輪25.4萬名公屋戶資產申報，至今99.9%住戶已呈交申報，尚餘70戶欠交，已發出收回單位通知書，她表示處理時亦要兼顧人情，「係佢唔啱，但係佢要搵間屋搬，我哋都要讓一啲時間俾佢哋，佢流離失所都唔係我哋樂見，一般三幾個月通融，原則上一個月要搬」，期間向租戶批出「暫准居住證」，嚴重濫用個案可能會被起訴，增加阻嚇力。

愈遲交就愈去睇睇有冇嘢先啦，如果係一早交，咁梗係應該都對自己信心大啲。

羅淑佩說，稍後聯同土地註冊處檢視有否違規個案，會先審查遲交的個案，「有冇一啲有古怪呢，我哋要查過先知，會逐張去睇。」她指部份遲交個案並非故意，舉例有家長4、5月時陪子女到外國讀書，未及時回來簽名申報資產，「佢交唔到啫，依家可以簽名交返嚟。」

羅淑佩說，第二輪25.4萬名公屋戶資產申報，有1,840戶主動交出單位。（廖雁雄攝）
過往較寬容處理濫用　社會現在感受到房署決心

自第二輪逾25萬公屋戶資產申報展開後，羅淑佩說有1,840戶主動交出單位，「咁啱其實佢買咗我哋居屋啦，或者係綠置居啦，就嚟入伙啦，又或者佢買咗私樓，又或者佢明知資產都係過，與其要俾你要我走，不如自己走啦。」她說過往處理濫用公屋可能比較寬容，現在清楚告訴租戶，社會都感受到房署的決心。

羅淑佩透露房署揭發青衣長康邨有公屋單位擬非法「租上租」謀利最終房署發出遷出通知書，收回單位。（廖雁雄攝）
有濫用公屋變健身室、剪髮舖　羅淑佩：向我哋租返間舖

「健身室呀、剪頭髮呀，幫人電髮呀都有嘅」—— 濫用公屋情況屢見不鮮，羅淑佩每每談起都頗為勞氣，「公屋當然唔可以拎來畀你做商業行為啦，如果要經營咪向我哋租返間舖囉。」

嘩！明目張膽，我呢間屋你上嚟租啦，租咗我俾個床位你。

孫仔擬分租青衣長康邨婆婆公屋予朋友的朋友　最終被收屋

除了公屋當商舖，羅淑佩透露房署憑線索揭發青衣長康邨有公屋單位擬非法「租上租」謀利，一名孫仔見婆婆可能不常在公屋居住，擬將婆婆的公屋分租予朋友的朋友，「佢都認咗，『我係諗住識吓朋友啫，點知個對象又帶埋另一啲人上嚟，我就見係咁不如同佢傾吓租間屋俾佢啦』。我哋唔知道係真定假，起碼你曾經將呢間屋放租，呢個唔啱嘅」，最終房署發出遷出通知書，收回單位。

今年初有人放租該單位，面積220平方呎，一房間隔並設獨立廚廁，提供梳化、衣櫃等家具，月租索價7,500元，比單位原來的1,000多元月租高出約6倍。

羅淑佩透露房署揭發青衣長康邨有公屋單位擬非法「租上租」謀利。（資料圖片/陳蕾蕾攝）

有時啲人左右隔離唔係好啱，可能晾衫、平時有啲聲音，唔係幾和諧有私怨，佢嚟投訴，你係咪就咁輕易趕人走？當然唔係啦，我哋查證過有真憑實據先會做事，唔會話打擊到無辜。

羅淑佩提醒，不論是否成功分租公屋單位，或者有否簽訂租約，只要公屋租戶曾經口頭承諾出租，已算是合約。（廖雁雄攝）
羅淑佩：口頭承諾出租已算是合約　即違反租約條款

羅淑佩提醒，不論是否成功分租公屋單位，或者有否簽訂租約，只要公屋租戶曾經口頭承諾出租，已算是合約，違反租約條款，「無論你話租個床位又好，租間房又好，成間租出去又好，公屋唔係你嘅資產，所以唔係畀你自由租出去謀利㗎嘛」，苦口婆心提醒租戶「總言之你住就住啦，做咩要攞間屋出去租呢。」

濫用公屋的個案包括有公屋租戶在深圳持有一個住宅物業和一個商舗物業，亦有個案是澳門持有物業。（資料圖片/廖雁雄攝）
有公屋戶持有深圳住宅和商舗物業　終被收回公屋

濫用公屋的個案，不只涉及在香港持有物業，至今有12宗個案因在內地或澳門持有物業，超出資產限額須收回公屋。羅淑佩分享其中一宗個案，有公屋租戶在深圳持有一個住宅物業和一個商舗物業，亦有個案是澳門持有物業，強調違規與否取決於境外物業的價值，而在香港則一旦有持住宅單位，即屬違規。

你個祖屋如果係一棟大樓，然後你自己擁有嘅，阿爺留落嚟都係你自己資產；有啲祖屋可能係某鄉鎮有間小屋，仲要係幾個堂兄弟姊妹一齊分，間祖屋有啲破爛仲要出錢維修，我哋估價真係唔值錢，每個個案有唔同。

香港政府興建的公共房屋，是用來幫助低收入人士或家庭安居。

新聞來源連結:

https://www.hk01.com/政情/1045766/ ... utm_medium=referral

#土地註冊處

回覆引用被引用(8) TOP

唔準笑拜登 VIP 帖子 10789 積分 9685 註冊 2022-3-6 發短消息加為好友	#2 發表於 2024-8-12 09:23 只看該作者大中小繁簡 “更獲特首好橋聘退休警助偵查” 咁都係好橋？？？唔怪得D年輕人話上流唔到？唔係應該請申請公屋中既公屋友去查返公屋友順便幫佢地脫貧仲好咩？勁搞笑 [ 本帖最後由唔準笑拜登於 2024-8-12 09:26 編輯 ]
UID 7194534 帖子 10789 精華 0 積分 9685 金幣 1464 閱讀權限 60 在線時間 2694 小時註冊 2022-3-6 最後登錄 2024-9-8 查看詳細資料	回覆引用被引用(3) TOP

kingkong_hk

Platinum Member

帖子: 69723
積分: 69421
註冊: 2007-3-29

發短消息加為好友

發表於 2024-8-12 09:26

引用:

原帖由 唔準笑拜登 於 12-8-2024 09:23 發表

“更獲特首好橋聘退休警助偵查”

咁都係好橋？？？
唔怪得D年輕人話上流唔到？

唔係應該請申請公屋中既公屋友去查返公屋友
順便幫佢地脫貧仲好咩？

勁搞笑

如果用公屋友查，隔離上下唔夾咀形就會亂咁舉報

回覆引用被引用(3) TOP

kim_13236 Silver Member 帖子 12223 積分 11916 註冊 2024-1-20 發短消息加為好友	#4 發表於 2024-8-12 09:28 只看該作者大中小繁簡解決到年年赤字就有用
UID 7335662 帖子 12223 精華 0 積分 11916 金幣 838 閱讀權限 70 在線時間 884 小時註冊 2024-1-20 最後登錄 2024-9-20 查看詳細資料	回覆引用被引用(1) TOP

唔準笑拜登 VIP 帖子 10789 積分 9685 註冊 2022-3-6 發短消息加為好友	#5 發表於 2024-8-12 09:28 只看該作者大中小繁簡 [按此打開] [隱藏] 引用: 原帖由 kingkong_hk 於 2024-8-12 09:26 發表如果用公屋友查，隔離上下唔夾咀形就會亂咁舉報要交證據出黎架嘛
UID 7194534 帖子 10789 精華 0 積分 9685 金幣 1464 閱讀權限 60 在線時間 2694 小時註冊 2022-3-6 最後登錄 2024-9-8 查看詳細資料	回覆引用被引用(1) TOP

mib04 VIP 帖子 7401 積分 7452 註冊 2005-2-11 發短消息加為好友	#6 發表於 2024-8-12 09:40 只看該作者大中小繁簡呢條肥婆除咗鍾意追星，仲好叻擦鞋
UID 229827 帖子 7401 精華 0 積分 7452 金幣 3044 閱讀權限 60 在線時間 1175 小時註冊 2005-2-11 最後登錄 2024-9-20 查看詳細資料	回覆引用被引用(3) TOP

kingkong_hk Platinum Member 帖子 69723 積分 69421 註冊 2007-3-29 發短消息加為好友	#7 發表於 2024-8-12 09:41 只看該作者大中小繁簡引用: 原帖由唔準笑拜登於 12-8-2024 09:28 發表要交證據出黎架嘛係唔係都舉報左你係富戶先，唔係未試過東X西X都影過
UID 2251421 帖子 69723 精華 4 積分 69421 金幣 5250 閱讀權限 85 在線時間 19517 小時註冊 2007-3-29 最後登錄 2024-9-20 查看詳細資料	回覆引用被引用(1) TOP

smallcannon2002 Golden Member 帖子 34412 積分 36077 註冊 2004-3-23 發短消息加為好友	#8 發表於 2024-8-12 09:46 只看該作者大中小繁簡明明房署自己都有調查組，點解仲要高人工請埋班退休差佬去做？係咪有人有心關照返自己啲舊同事，特登開啲好位關照返佢哋？
UID 53996 帖子 34412 精華 0 積分 36077 金幣 6420 閱讀權限 80 來自香港惡人谷在線時間 14318 小時註冊 2004-3-23 最後登錄 2024-9-21 查看詳細資料	回覆引用被引用(10) TOP

唔準笑拜登 VIP 帖子 10789 積分 9685 註冊 2022-3-6 發短消息加為好友	#9 發表於 2024-8-12 09:53 只看該作者大中小繁簡引用: 原帖由 kingkong_hk 於 2024-8-12 09:41 發表係唔係都舉報左你係富戶先，唔係未試過東X西X都影過咁舉報都要有理據證明請乜人都冇分別
UID 7194534 帖子 10789 精華 0 積分 9685 金幣 1464 閱讀權限 60 在線時間 2694 小時註冊 2022-3-6 最後登錄 2024-9-8 查看詳細資料	回覆引用被引用(1) TOP

唔準笑拜登 VIP 帖子 10789 積分 9685 註冊 2022-3-6 發短消息加為好友	#10 發表於 2024-8-12 09:54 只看該作者大中小繁簡 [按此打開] [隱藏] 引用: 原帖由 smallcannon2002 於 2024-8-12 09:46 發表明明房署自己都有調查組，點解仲要高人工請埋班退休差佬去做？係咪有人有心關照返自己啲舊同事，特登開啲好位關照返佢哋？收買自己友人心之嫌
UID 7194534 帖子 10789 精華 0 積分 9685 金幣 1464 閱讀權限 60 在線時間 2694 小時註冊 2022-3-6 最後登錄 2024-9-8 查看詳細資料	回覆引用 TOP

kingkong_hk Platinum Member 帖子 69723 積分 69421 註冊 2007-3-29 發短消息加為好友	#11 發表於 2024-8-12 10:00 只看該作者大中小繁簡引用: 原帖由唔準笑拜登於 12-8-2024 09:53 發表咁舉報都要有理據證明請乜人都冇分別搵3唔識7查唔會因為唔夾咀形亂咁舉報
UID 2251421 帖子 69723 精華 4 積分 69421 金幣 5250 閱讀權限 85 在線時間 19517 小時註冊 2007-3-29 最後登錄 2024-9-20 查看詳細資料	回覆引用被引用(1) TOP

kuwait

VIP

帖子: 8635
積分: 7182
註冊: 2013-1-7

發短消息加為好友

#12

發表於 2024-8-12 10:12

引用:

原帖由 日行千里 於 2024-8-12 09:15 發表

「上任之前，（房屋局）何永賢局長已經同我講，房屋署其中一個好重要工作係打擊濫用」—— 公屋資源珍貴，專責打擊濫用的房屋署署長羅淑佩接受《香港01》專訪時說，正審視4月第二輪公屋資產申報有否「古怪」個案，至今有1,840戶主動交出單位，「愈遲交（申報）就愈去睇睇有冇嘢先。」她強調有真憑實據才收回公屋，更獲特首好橋聘退休警助偵查，「唔會話打擊到無辜」，坦言過往處理寬容，相信社會已感受到決心。
[img ...

好叻啦！將個鑊同責任推晒俾比卡超😆😆😆想知冇公屋住嘅人憎死比卡超😆😆😆自己唔上身👍👍👍😌😌😌

回覆引用 TOP

唔準笑拜登 VIP 帖子 10789 積分 9685 註冊 2022-3-6 發短消息加為好友	#13 發表於 2024-8-12 10:12 只看該作者大中小繁簡引用: 原帖由 kingkong_hk 於 2024-8-12 10:00 發表搵3唔識7查唔會因為唔夾咀形亂咁舉報我係話請申請公屋中既公屋友順便幫佢地脫貧人工肯定平過退休警察
UID 7194534 帖子 10789 精華 0 積分 9685 金幣 1464 閱讀權限 60 在線時間 2694 小時註冊 2022-3-6 最後登錄 2024-9-8 查看詳細資料	回覆引用被引用(1) TOP

keung135 Platinum Member 帖子 56581 積分 56582 註冊 2011-5-12 發短消息加為好友	#14 發表於 2024-8-12 10:15 只看該作者大中小繁簡引用: 原帖由 smallcannon2002 於 2024-8-12 09:46 發表明明房署自己都有調查組，點解仲要高人工請埋班退休差佬去做？係咪有人有心關照返自己啲舊同事，特登開啲好位關照返佢哋？政府部門文化
UID 4527292 帖子 56581 精華 0 積分 56582 金幣 4896 閱讀權限 85 在線時間 15531 小時註冊 2011-5-12 最後登錄 2024-9-20 查看詳細資料	回覆引用 TOP

央走 VIP 帖子 4583 積分 4360 註冊 2020-7-7 發短消息加為好友	#15 發表於 2024-8-12 10:19 只看該作者大中小繁簡 [按此打開] [隱藏] 羅小姐咁撚擦鞋，唔怪得士途得意，平步青云！
UID 6906441 帖子 4583 精華 0 積分 4360 金幣 4768 閱讀權限 60 在線時間 7303 小時註冊 2020-7-7 最後登錄 2024-9-21 查看詳細資料	回覆引用被引用(1) TOP