- 瀏覽: 34,442
- 回覆: 247
- 追帖: 12
- 分享: 26
+3
一星級會員
- 帖子
- 182
- 積分
- 199
- 註冊
- 2023-10-4
|
#1
發表於 2024-8-13 08:51
現代人結婚，有六成人最終會離婚，三成人可能因為仔女，因為家人，住屋問題等等，無離婚，無愛無性，變咗同居嘅家人，一啲都唔開心。最後嗰一成先係真正可以開開心心，幸幸福福。在這9413嘅情況之下，唔知係咪我悲觀呢，而家啲人結婚，我開始唔敢祝福人哋太多，只咁講：恭喜晒(心諗：希望你贏啦。)
我係男，以前她常常會用好詆毀嘅說話溝通，講野同新何太差唔多，態度甚至更差，口沒遮攔：
常常說: 都唔知點同你住，叫你離婚又唔離，咁恨住喺呢度，我俾晒你同個仔住啦，我好快搬出去住，工人唔要㗎啦（我供樓，工人係佢請，所以咁霸氣），你哋兩個（我和仔）住晒去啦。
久唔久就會發嬲，就會block WhatsApp、長期unfriend IG , FB, 關係好返少少嘅時候，佢又會加返我，嗰時我又會心軟，見佢add我，就接受返去，但過唔到幾耐，又會被unfriend。
以前出街，有時會同我仔一齊影相，之後啲相會「被篩選」，唔會放我上ig / fb，朋友話這些舉動好明顯係唔想比其他男人見到我。。。時間耐左，其實我冇所謂，真係真係真係冇所謂啦，見到佢個樣，我都唔想同佢做啦（好多年），試問一個咁嘅女人，點會仲對佢有興趣？覺得佢好煩，真係好驚好驚佢，但無奈佢喺屋企人。
以前瞓覺，佢一入嚟就好似大晒咁，想瞓幾多位置就幾多，之後仲俾個仔上嚟床瞓，張床根本唔夠位，有時好迫，個仔會嗌，佢就會發癲，我有講過，個仔唔應該同我哋瞓，佢當然唔會理啦，態度其實當我工人都不如，有次我忍唔住，出梳化瞓，於是我就永遠變咗廳長了，在梳化瞓，其實係瞓得好咗好多，因為起碼有位瞓，我冇後悔這個舉動，因為我冇可能永遠咁樣俾人鬧，永遠唔瞓覺。
而個仔嘅性格，漸漸越嚟越似佢，甚至乎沾沾自喜咁話自己性格好似媽媽，模仿佢，心態上我明白，覺得她這樣做好叻，覺得咁樣可以蝦蝦霸霸，好似好威咁，所有人都要就晒佢。而家個仔14歲，我有同佢分析，我話: 「如果你咁對你女朋友，你估會點？一定分手收場，好似爸爸而家咁囉，唔會理媽媽，冇人會忍到架！」個仔而家細，佢唔會一時三刻就認同我嘅講法，但至少我要話俾佢知咁樣係唔啱，到佢大個咗， Suffer緊嘅時候，佢都會記得爸爸咁講，爸爸曾經咁樣做，希望會知道需要點樣做，態度嘅嘢，好難捉住佢一樣一樣咁教，做人最緊要係個心態，心態唔好根本係一個仆街，這種人，其實比都唔好要。
兩年前，最後一次三個人一齊去大阪旅行，由於又係嬲嘅關係，我哋出發之前分開了買機票，酒店錢變咗佢比，咁就巴閉啦，在路途上，佢同個仔講，唔會俾爸爸入酒店，就算入到嚟，都會掉返晒佢啲嘢出門口，唔會俾佢住。嗰時已經係飛機場，冇理由即刻返轉頭，我只好老虎蟹攞實自己個Passport，以前會俾佢放喺個袋度keep住，這次我真係唔敢，唔係去到日本，佢撕爛我本Passport，都唔知點算，我哋搭夜機，在機場坐鐵路去難波站嘅時候，我就好似電視賣廣告咁，「用trip.com，比較個價錢」，一程車嘅時間， book咗五日四夜嘅酒店，由於係即刻book，又貴又要分開左三間酒店，so what？我嗰陣時係咁諗，就算而家俾我做多次我都會咁做，「錢」真係應該咁樣洗，雖然即晚book，貴好多，但我1000%完全唔後悔自己book酒店，我知如果我認低威，俾返酒店錢，媽媽一定好歡迎我入住，但我真係唔想咁做，經過這次，媽媽竟然說我好得人驚，其實好都百思不得其解，得人驚嗰個，會調轉頭話你得人驚，或者咁講啦，我性格係屬於隨和，平時會就佢，唔係因為驚佢，係因為知佢臭，唔想嘈唔想煩，多一事不如少一事，但當真係到咗底線，決定咗要咁做就咁做，唔需要同大小姐你解釋。
好啦，到難波站了，佢以為我仲會黐住佢，佢以為我真係會好恨住佢間酒店，佢拖住個仔，琴琴青走，想撇甩我，我喺後邊行，見到個情況，覺得呢個女人好黐線，有點慘，其實大家都慘。嗰時係凌晨12點幾，出咗車站，出邊開始落雪，好凍，其實離酒店都遠（響心齋橋嗰邊），我諗住自己搭的士，我都諗住嗰五日四夜都係自己一個遊㗎啦，點知突然之間個仔拖住我隻手，喺我身邊出現，我問:
我：做乜唔跟媽媽？
仔: 我想跟你多啲，佢好煩，我話去邊，佢又唔去，同你一齊好好多
嗰時我明白個仔諗咩了，代入個仔嘅角色諗，同個咁麻煩嘅女人兩個人一齊去旅行，佢又唔會同佢去玩，佢shopping，去百貨公司個仔又會悶到抽筋，而且好多嘢，佢看在眼內，會明白發生緊乜事，所以個仔選擇咗同我一齊，對佢嚟講，這個可能係冇選擇之中嘅選擇，父母分開玩，始終要揀一個。嗰幾日，我哋冇咗”媽媽”🤣🤣，原來可以玩得好開心，好自由，個仔想去玩高卡車，我就Google吓邊度有高架車玩，原來要坐成個鐘車，唔緊要，試吓坐當地嘅巴士，個仔都覺得幾好，喺街亂咁行，想去邊度食嘢，就去嗰度食。個仔話要去Round 1，咁咪去囉，佢同老母去嘅話，怎會肯去呢啲地方？ 我哋行行吓見到當地嘅浴場，黐線到即刻入去沖涼，好搞笑，完全冇planning嘅旅行，原來可以好開心。
嗰幾日，媽媽完全俾我哋撇甩咗，只係有時WhatsApp我，問我去咗邊度，五日裏面只係同媽媽食咗一餐釣魚屋，可能佢覺得好食好玩掛，所以先至同我哋食，有另外一餐，差啲可以一齊食，她話想食溫野菜，我同個仔先到咗餐廳，於是我哋直接入咗去坐，佢又嬲左，話我哋唔等佢喎，最後媽媽冇上嚟，個仔好型咁講：唔好理佢，佢鍾意點就樣點。（嗰一刻，我覺得個仔大個了，原來佢對媽媽都有呢種情緒。）
返到嚟香港，我真係好慎重好仔細咁諗過，這樣一齊落去唔係辦法，於是去咗地產舖，睇咗幾日，就租咗一間屋，買咗一張King size嘅床，以後晚晚可以擘個大字瞓，間屋其實喺個仔屋企隔離嘅屋苑，夜晚我好多時會上返去食晚飯。出奇地，個女人對我態度好咗，至少係對”人”嘅態度，嗰邊我照供樓，照交水費媒氣費，她支出完全冇多到，我就要租多間屋囉，都係嗰句，錢真係要用嚟洗，同這種人一起住，命都唔會長，要錢嚟做乜？
|
|
|
|
一星級會員
- 帖子
- 124
- 積分
- 93
- 註冊
- 2024-8-8
|
#2
發表於 2024-8-13 10:56
你可以咁做因為你經濟唔差, 我眼見好多婚姻都係一個模式 :
1) 好開心咁結婚
2) 跟住生小朋友
3) 老婆忙於照顧小朋友做家務, 開始唔打扮唔理自己, 唔想同老公搞野
4) 老公開始埋怨老婆走樣, 唔同佢搞野, 老婆話老公唔體諒佢
5) 大家睇大家越來越唔順眼, 老公盤算出去叫雞搵SP
6) 有良心嘅老公會繼續照顧頭家, 但已經對老婆無晒感情
7) 最後成為一對無性無愛嘅同屋主
|
|
|
|
VIP
- 帖子
- 4013
- 積分
- 3725
- 註冊
- 2022-12-8
|
#3
發表於 2024-8-13 11:22
引用:原帖由 Badman2023 於 2024-8-13 08:51 發表 
現代人結婚，有六成人最終會離婚，三成人可能因為仔女，因為家人，住屋問題等等，無離婚，無愛無性，變咗同居嘅家人，一啲都唔開心。最後嗰一成先係真正可以開開心心，幸幸福福。在這9413嘅情況之下，唔知係咪我悲觀呢，而家啲人結婚，我開始唔敢祝福人哋太多，只咁講：恭喜晒(心諗：希望你贏啦。)
我係男，以前她常常會用好詆毀嘅說話溝通，講野同新何太差唔多，態度甚至更差，口沒遮攔：
常常說: 都唔知點同你 ...
|
|
|
|
VIP
- 帖子
- 3541
- 積分
- 3464
- 註冊
- 2011-10-6
|
#4
發表於 2024-8-13 16:02
一個巴掌拍吾嚮, 你老婆點解婚後會變成咁? 即係話你完全比吾到安全感, 幸福感你老婆
|
|
|
|
|
|
#5
發表於 2024-8-13 16:14
[按此打開]
[隱藏]
引用:原帖由 愛的樂趣 於 2024-8-13 10:56 發表
你可以咁做因為你經濟唔差, 我眼見好多婚姻都係一個模式 :
1) 好開心咁結婚
2) 跟住生小朋友
3) 老婆忙於照顧小朋友做家務, 開始唔打扮唔理自己, 唔想同老公搞野
4) 老公開始埋怨老婆走樣, 唔同佢搞野, 老婆話老公唔體諒佢
5) 大家睇大家越來越唔順眼, 老公盤算出去叫雞搵SP
6) 有良心嘅老公會繼續照顧頭家, 但已經對老婆無晒感情
7) 最後成為一對無性無愛嘅同屋主
|
|
|
|
一星級會員
- 帖子
- 124
- 積分
- 93
- 註冊
- 2024-8-8
|
#6
發表於 2024-8-13 16:18
你覺得似講緊你, 係因為好多夫妻關係都同你好相似, 你慢慢喺度
睇下其他人嘅post, 你會發現好多同路人
|
|
|
|
一星級會員
- 帖子
- 182
- 積分
- 199
- 註冊
- 2023-10-4
|
#7
樓主 發表於 2024-8-13 17:27
引用:原帖由 愛的樂趣 於 2024-8-13 10:56 發表 
你可以咁做因為你經濟唔差, 我眼見好多婚姻都係一個模式 :
1) 好開心咁結婚
2) 跟住生小朋友
3) 老婆忙於照顧小朋友做家務, 開始唔打扮唔理自己, 唔想同老公搞野
4) 老公開始埋怨老婆走樣, 唔同佢搞野, 老婆話老公唔體諒佢
5) 大家睇大家越來越唔順眼, 老公盤算出去叫雞搵SP
6) 有良心嘅老公會繼續照顧頭家, 但已經對老婆無晒感情
7) 最後成為一對無性無愛嘅同屋主
如果話因為老婆走樣，所以越來越睇佢唔順眼，咁我應該又唔會喎，如果個女人係好，個心係靚，就算肥咗少少，醜樣咗少少，我唔會介意，始終人係會老，可以同一個人一齊愛到老，其實是一種幸福。
|
|
|
|
一星級會員
- 帖子
- 182
- 積分
- 199
- 註冊
- 2023-10-4
|
#8
樓主 發表於 2024-8-13 17:39
引用:原帖由 f5432whm 於 2024-8-13 11:22 發表
你老婆真難頂, 做得好, 仔大仔世界搞到自己咁辛苦點解仲唔離婚, 唔通你覺得佢會改? 既然已經錯了就爽快止蝕, 吸收教訓不要再犯重覆的錯
而家返到屋企，可以一個人靜靜地，可以工作，可以睇書，可以睇電視，想食咩就食咩，當你試過返屋企仲辛苦過返公司嘅時候，就會明白分開其實係給自己最大嘅禮物。
|
|
|
|
尊貴會員
- 帖子
- 2224
- 積分
- 2162
- 註冊
- 2023-8-15
|
#9
發表於 2024-8-13 17:45
別怪她，十對十一對係咁。。。聽到，見到既太多，有人好幸福既，月入十萬果啲囉。
|
|
|
|
一星級會員
- 帖子
- 182
- 積分
- 199
- 註冊
- 2023-10-4
|
#10
樓主 發表於 2024-8-13 17:47
[按此打開]
[隱藏]
引用:原帖由 charfrance 於 2024-8-13 16:02 發表
一個巴掌拍吾嚮, 你老婆點解婚後會變成咁? 即係話你完全比吾到安全感, 幸福感你老婆
|
|
|
|
VIP
- 帖子
- 5148
- 積分
- 4923
- 註冊
- 2020-6-4
|
#11
發表於 2024-8-13 17:54
|
|
|
|
VIP
- 帖子
- 4013
- 積分
- 3725
- 註冊
- 2022-12-8
|
#12
發表於 2024-8-13 17:58
引用:原帖由 jacksonma148 於 2024-8-13 16:14 發表
點解你好似講緊我咁嘅? 
|
|
|
|
Silver Member
- 帖子
- 13475
- 積分
- 12365
- 註冊
- 2016-12-13
|
#13
發表於 2024-8-13 18:03
|
|
|
|
一星級會員
- 帖子
- 182
- 積分
- 199
- 註冊
- 2023-10-4
|
#14
樓主 發表於 2024-8-13 18:05
引用:原帖由 消失的猷佳 於 2024-8-13 17:54 發表
佢同仔訓，點解你唔同工人訓？
|
|
|
|
一星級會員
- 帖子
- 182
- 積分
- 199
- 註冊
- 2023-10-4
|
#15
樓主 發表於 2024-8-13 18:09
[按此打開]
[隱藏]
引用:原帖由 DayDayTheSame 於 2024-8-13 17:45 發表
別怪她，十對十一對係咁。。。聽到，見到既太多，有人好幸福既，月入十萬果啲囉。
|
|
|
|
|
|
/https://img.discuss.com.hk/customavatars/468/4681030_1675146502.jpeg)
/https://i2.kknews.cc/5Fg_YfBQKl1QWbuWpTUsypLPWLm8vKbTmTMzDSQ/0.jpg)
