先交代下我心態
呢個Account我已經開左18年, 由結婚買樓生仔做生意每個人生階段我都有上黎Post過香港討論區,自從仔女開始大工作比較忙後已經好耐冇返黎香港討論區開話題, 依家我算係進入左另一個階段, 呢十年發生左好多事, 起起落落既結果就係, 我依家有兩位"太太" , 每位"太太"各有兩個小朋友, 一般男人聽落去係好爽, 但係身歷其中實在有太多煩惱, 我好想搵一D同我有接近經驗既同道人交流下, 我試過入Facebook搵一D 類似群組, 但係發覺全部都唔太對路, 因為現有群組大都介定這類為婚外情, 跟住就有一大堆道德人仕批判, 其實根本都唔係果回事.
我真正想搵既同道人, 唔係呃住老婆係出面既偷偷摸摸, 唔係一腳踏幾船既花花公子, 唔係玩完就飛既渣男, 我當然知道法律只容許一夫一妻, 但係社會入面點都會有人有不同際遇, 點會每個人都活得一模一樣,只不過好多人唔出聲啫,我依家就面對緊好多問題, 好想搵一D同我一樣體會既人大家討論下
自己現況
四十就黎到尾, 一世人只有三段感情經歷, 第一段係校園戀愛四年但不值一提因為已經太耐之前既事, 第二段係我現今既大老婆, 細我兩年, 一齊左十九年, 第三段係我現今既細老婆, 細我十二年, 一齊左九年, 你話我係唔係唔夠專一呢我又唔覺得自己係, 每次我講到我現況就會有人跳出黎話你咪又係渣男一個, 唔係婚外出軌搞女人又點會搞多左個女人返黎.. 你可以咁樣講但其實又唔係好同, 因為當年我發現有呢個人出現時, 當乜野事都未發生之前, 其實我係主動話左比我大太太知, 故仔太長就先唔詳細講, 其實我太太都好難接受, 行到今時今日其實大家都用左好多時間去適應, 又會有好多人係呢個位跳出黎話你老婆出去玩各玩各咪冇事囉, 如果個結構係咁樣咁我唔使煩啦, 兩個人為左[爭]一早就去晒改身份証跟我姓, 講到尾其實最煩係女人同女人之間既妒忌, 仲難搞過D辦公室政治, 我都唔明點解人地既故仔入面幾個女人可以情同姐妹....
咩叫孤獨
點解我話我孤獨, 因為我真係有苦無路訴, 唔關事既會話你晒命, 關小小事既會話你抵死, 男人會話吃得咸抵得渴, 女人會話唔專一就渣渣無異, 講到尾根本就冇人真心理解你既付出同對愛情既執著 , 我對兩個家都百份百付出, 即係我要付出百份之二百, 但人就得一個, 命就得一條, 一個星期就只係得七日, 雙方家人我都有去照顧, 雙方親威朋友都知道對方既存在, 只要仲有一啖氣, 做得到既我都會去做, 但兩邊都要同你講公平, 我呀媽成日問我咁樣你自己辛唔辛苦 攰唔攰? 同呀媽就一定係講冇野, 但係你話呢..
希望
係其它群組聽得太多酸言酸語, 我講咁多唔係想話我冇快樂過, 如果呢度既你都有多過一個太太去經營緊, 唔該你彈出黎陪下我支持下我, 因為有陣時我都真係有D攰
[ 本帖最後由 gm2379 於 2024-9-3 01:56 編輯 ]
/https://img.discuss.com.hk/customavatars/1501147.jpg)
/https://img.discuss.com.hk/customavatars/688/6884669_1662306240.jpg)
/https://img.discuss.com.hk/customavatars/560/5609939_1478250374.jpg)
/https://img.discuss.com.hk/customavatars/244/2446278_1725945935.jpg)
/https://img.discuss.com.hk/customavatars/682/6828816_1628003188.jpg)
/https://img.discuss.com.hk/customavatars/685/6858922_1587538534.jpg)
/https://i2.kknews.cc/5Fg_YfBQKl1QWbuWpTUsypLPWLm8vKbTmTMzDSQ/0.jpg)
/https://img.discuss.com.hk/attachments/day_170111/20170111_26370487jpg)
