• 瀏覽: 19,270
  • 回覆: 35
  • 追帖: 9
[隱藏]
澳門 2007年5月18日-19日, 星期五-六.

中旅套票, $1360. 包 Rio 利澳酒店一晚, 雙人TuboJet來回港澳船飛. 木槺布丁2杯 / 豬扒飽1個+1杯果汁 but 2選1. 漁人碼頭套票1張.咁我地4個人買二個套票.

18/5 , 1pm多到達澳門碼頭, 唔洗等車, 上了酒店專車直達 Rio Hotel都仲係一時多, check in. 每間房送 $ 50 推廣碼 (你比 $50 cash就可得到 $100 泥碼) + $20 cash 比我地玩老虎機.
拿了一間房, 因仲有一間未執好房. 上去放好行李先. 哇! 好大喎間房又乾淨. 洗白白的地方仲西利, 有一個浴缸 + 一個花灑間. <附有相片>
落去行下賭場順便對換$100 泥碼 + $20 cash .
我想找電話亭打長途回港, 但問人d人都唔清楚. 終於找到1個.
咁大間酒店得一個, 仲要响賭場入面, 9菜.

從酒店坐 $17 的士去到三箋燈雅香, 唔記得幫野食影相, 無得睇.
我食魚湯面, 唔係好味, 家人就話椰汁雞面好味喎, 冷no面的汁就少少酸架另上一碗仔魚湯, 3樣我都唔係幾like喇.

坐巴士(無的士-.-) 去大馬路, 想去十月初五街的保健牛奶公司食奶, 但行左好耐都找不到, 又熱又曬, 終於行了上去大三巴, 行番落去義順食奶.
食完等唔到的士, 又係坐巴士, 番利澳酒店拿番間未拿的房, 身水身汗, 順手洗澡.

下雨了. 坐的士去新葡京賭場. 那裡外觀非常金碧輝煌, 好像一個金波波, 真係好靚. 入去賭幾手, 輸掉了.
上2/F, 都輸. 口好乾, 水都無得飲, 難得見到free飲品車路過, 好多人想拿野飲, 點知亞嬸叫果d人唔好搶, 她話佢都做到無停手. 咁我又何嘗唔係輸到無停手呢. 家人A win左d, 家人B 輸了, 家人c 不賭. 賭場的洗手間的門是自動化的. 而佢的風水局好利害, 燈架好似八爪魚咁爪人的錢.

去食晚飯. 行路去順德公. <附有相片> (鮑魚食左大半才記得拍照)
4個人+1本地朋友都細食, 吹水多, 食了唔洗5百元, 魚翅, 鮑魚都係share 食. 無計, 都無win錢, 要節省d.

家人c同朋友去街, 我和a+b就坐巴士(無的士)去星際(梁朝偉). 賭場的環境好舒服無壓力. Check 完手袋會say thankyou.
周圍都係水樽放响度任你拿, free飲品車仲周圍行好多野飲. 行去bar台叫都得. 可以飲熱菊花蜜,. 果汁先生橙汁, 熱柚子蜜, daily farm milk , coke等. 又有煙仔姐姐周圍賣煙. 仲有本地少女show同人妖show睇.
呢度的大小賭台多d野玩架, 有單雙, 有123 , 456, 551果d, 又有4個組合 2345果d. 呢度的客都幾斯文,  1百元的大小台多到玩唔哂, 我win 左 dd, 但少到未能番本. 無計啦, 何紅新掠到我一頸血囉 /.\”. 家人A win左d, 家人B 輸左.

玩完行左過格離永利. 永利好高級, 有名店, 又有亞洲第一間勞力士專門店. 入賭場Check 完手袋也say thankyou. 一樣有水樽放响度任你拿, 但沒有其他飲品, 好像無dancing show睇, 我唔知係咪啦, 但我眼見就係咁.
我地D小市民, 想玩下$50點數/圍果d, 家人B咁咪比 $100 唱開佢, 佢比左4個 $25 來, 但放下賭台時佢話唔得, 無 $50買.well……..咁佢又唱錢?!
我在永利無賭, 只玩角子老虎機. 家人A win左, 家人B 輸左.
坐的士回hotel, 都1am了, 洗了白白就sleep.

19/5 , 早上起床又洗白白 ccc. 下樓食自助早餐 <附有相片>.
食完上房執野, 落去退房時是十一時多, 雖然要排隊, 但不是等好耐, 等了5分鐘度啦, 因為佢有6個人做野. 酒店內打本地電話收左我 $4.
坐酒店車出碼頭, 送家人C 先行回港. 我地三個繼續行程.

在碼頭坐皇冠賭場車去搵周潤發. 車上有個姐姐仔好像導遊咁講野架, 話有六星級享受喎. 原來皇冠酒店位於氹仔新世紀酒店旁. 一落車就見到歡迎隊伍的姐姐仔著到好似去飲果D姐妹伴娘咁. 寄存好行李就入去喇. 入賭場Check 完手袋也say thankyou. 入到去廁所, 沖廁, 廁所水沖到上我隻鞋上濕左一達. 洗手的水熱到6熟人咁製. 什麼六星級的享受? 我 feel 唔到喎. 但入左佢個皇冠會, 唔洗錢當然.
呢間賭場可能不是走低下路線, 無乜賭大小台, 三層樓得幾張一二百的大小台. 呢度間唔中見到有人台住一杯奶茶行過, 無水樽任拿, 無飲品車. 我無賭, 驚左. 家人A同B玩, A 執少少, B 輸.

行左過對上面的新世紀酒店的希臘神話. 我黎過好多次, 但一次比一次唔掂, 大家下次也不用去了.
未入酒店, 已經見好多國內同胞們在輪候專車. 同胞們係咁影相呀影相, 水池泥公仔影, 樓梯又影. 小朋友訓樓梯. 入到賭場, 哇~~嚇死人, 我以為入左地下賭場. 煙霧迷漫, 密不透風. 同胞們多到圍繞賭台, 幾十人訓實一張台, 你跟本睇唔到張台是賭緊大小定係賭緊三公. 人有三急, 去廁所, 女廁的氣味好像回到大陸的公廁般, 有一陣怪味. 門口無啦啦有個鄉下佬大叫, 似在找人. 當時無dancing show睇, 地下有風扇. 又多亞婆亞伯亞嬸, 標示著不准睡覺的sofa上已經有一男同胞睡得熟熟的. 哎…家人A話快D走. 睇完星際永利再睇呢個場真係唔識講野.

出到門口, 又下雨, 傘子存放了在皇冠. 唯有快快走番皇冠. 拿番行李, 拿住傘, 等巴士. 坐了入氹仔的手信街. 在下著雨街上行走, 去到食水蟹粥的店舖. <附有相片>好像裝修過, 價錢也提高了. 佢餐牌上叫蟹粥, 沒有話係水蟹粥.  佢d蟹又幾好味喎, 好鮮甜架. 都唔錯, 本人愛食蟹 ccc .
食完仲係好大雨. 路過食布丁的店舖, 之前咪話套票包每間房2杯嘅. 就係响氹仔. 我地3個人食左4杯, 我食的果杯 $9 好好味架. 但食完才記得拍照, 算啦, 無得睇. 路過咀香園, 好大雨, 不如入去呢埋一下, 買了豬肉乾.

行去巴士站, 等車出澳門. 又去左星際搵偉仔. 玩左幾粒鐘, 本來我今日都要輸少少, 但家人A幫我 win 番dd, 我打個和. 家人A  win 啦,  家人B 就 仆直.

總計賭完, 我輸少少. 家人 A win, 家人B 輸.
家人B 輸的數目跟家人A win 的數目差唔多. 家人A 個個場都 win, 未輸過. 家人 B 就個個場都輸.

玩完, 坐星際專車出碼頭, 佢地的車上又係有個女仔講野架, 又叫人入會, 但我地都走嚕, 點入.
專車好靚,車身有偉仔個人頭架. 就算有時一般巴士個車身都有個廣告架.

漁人碼頭套票始終無去玩, 下雨呀.

想早少少坐船走, 點知等後補位的人好多. 我地三個人分開哂黎坐.

~完~

"多謝大家花時間睇 "

[ 本帖最後由 marron 於 2007-5-22 03:49 AM 編輯 ]



回覆 引用 TOP














[ 本帖最後由 marron 於 2007-5-22 03:03 AM 編輯 ]



回覆 引用 TOP

thanks...


回覆 引用 TOP

marron兄:想請教利澳以價錢、服務、check in耐嗎?聽你內容都ok!
我無記錯的話....你之前介紹過順德公,翅亦有提及過,我今個月頭
曾品嘗過,炒餸火爐唔錯、我叫咗個細翅有牙菜果隻,如果比較就一般
la,味道淡咗d,反而炒的不錯,2餸,1個煲仔小菜,翅一碗仔,2個反,
埋單197,都ok.不算貴,但d老牌侍應亞伯有1、2個服務態度麻麻,
不過我都會再去的。thank you提供。



回覆 引用 TOP

[隱藏]
引用:
原帖由 fs93 於 2007-5-22 03:57 AM 發表
marron兄:想請教利澳以價錢、服務、check in耐嗎?聽你內容都ok!
我無記錯的話....你之前介紹過順德公,翅亦有提及過,我今個月頭
曾品嘗過,炒餸火爐唔錯、我叫咗個細翅有牙菜果隻,如果比較就 ...
哈哈~~我是女仔黎架, 哥哥.

其實順德公的老伙計都只係日日做, 做到悶哂, 但有幾個都唔錯, 有一個同我講佢後生時的賭錢歷史講到佢唔願行開.

有牙菜的那個翅 $98, 我都食過, ok呀, 我個人幾 like 食牙菜架.
我早幾日食的那個鮑魚, 中心位仲有點兒 "鮮甜" 的呀.

其實我地都係貪佢平, 同埋佢的小菜炒得有火喉.
如果下次你去食, 叫 "豉椒花甲王", 有點點辣, 勁好味. 相片中有得睇.

利澳方面, 見網友們成日話佢地不好, 我好彩, 遇不到喎. check in 連比按金, 填form等等, 用 10 mins 左右啦.
我拍房間的相片時比較暗, 其實真實是很光的. 幾好喎, 呢個 price黎講, good~~!
有你自己即沖 coffee max well 果d, 比人飲. 床舖上的被子幾好, 不是一般酒店用一張床單包著毯子, 而是一張好像冷氣被!
花灑水夠強烈. 熱水來得快.

[ 本帖最後由 marron 於 2007-5-22 04:10 AM 編輯 ]



回覆 引用 TOP

本來我都想book利澳架,可惜無房啦,
得豪華房要貴多$200呀,
所以無book囉,我都想住呢間酒店架,
我識去邊間賭場玩啦,又知去邊間食蟹粥,(可以話比我聽叫乜名呢)
我驚去錯呀,因為太多話好食啦,
因為我24-25/05會去澳門啦.
多謝你分享呀



回覆 引用 TOP

樓主似乎係賭場+美食遊記, 無乜觀光成份喎!


回覆 引用 TOP

咁岩呀,我又係18號到澳門
不過我12:30左右就到左喇
我都寫緊旅遊後記<-第一日仲未寫完
遲下分享



回覆 引用 TOP

引用:
原帖由 傻婆win 於 2007-5-22 08:57 AM 發表
本來我都想book利澳架,可惜無房啦,
得豪華房要貴多$200呀,
所以無book囉,我都想住呢間酒店架,
我識去邊間賭場玩啦,又知去邊間食蟹粥,(可以話比我聽叫乜名呢)
我驚去錯呀,因為太多話好食啦,
因為我24-25/05 ...
蟹粥, 我的呢間位於氹仔, 鉅記對面的 "誠記". 我唔知算唔算好食喎. 我去呢間因為貪佢就腳.
引用:
原帖由 wileong 於 2007-5-22 11:19 AM 發表
樓主似乎係賭場+美食遊記, 無乜觀光成份喎!
係喎, 無乜觀光成份喎!
咁啦, 可能觀光多數係坐車時就睇左, 用腳行經過左就當係囉. 賭場外觀都好靚架, 宏偉的建築, 也是觀光呀.



回覆 引用 TOP

[隱藏]
提示: 作者被禁止或刪除 內容自動屏蔽
咁大間酒店點會無呀.


回覆 引用 TOP

引用:
原帖由 reiko1216 於 2007-5-22 03:29 PM 發表
咁我想問利澳有冇雙人床架?
有, 你攞房時自己同佢講.



回覆 引用 TOP

引用:
原帖由 marron 於 2007-5-22 04:05 發表


哈哈~~我是女仔黎架, 哥哥.

其實順德公的老伙計都只係日日做, 做到悶哂, 但有幾個都唔錯, 有一個同我講佢後生時的賭錢歷史講到佢唔願行開.

有牙菜的那個翅 $98, 我都食過, ok呀, 我個人幾 like 食牙菜 ...
sorry!妹妹,唔好意思,我看到頭相個俊男,我就以為男性tim,
𠲖!相裡那個俊男係妳男友呀?我上次去順德公吃飯,都多
少受妳影響的,不過係亞伯d服務態度差jir,野食都ok,價錢差
不多,呀!我以為妳係男仔tim,加上妳介紹老字號既食店,大
多數女仔會喜歡浪漫d有氣氛d,可能係這樣誤會,真係失敬
請見諒。



回覆 引用 TOP

引用:
原帖由 marron 於 2007-5-22 15:23 發表


蟹粥, 我的呢間位於氹仔, 鉅記對面的 "誠記". 我唔知算唔算好食喎. 我去呢間因為貪佢就腳.



係喎, 無乜觀光成份喎!
咁啦, 可能⑵O觀光呀.
咁你快d再黎多次澳門,到時再寫多次遊記



MTV放送區
澳門就是與別不同


身體發膚,受之父母,不敢毀傷,孝至始也。

回覆 引用 TOP

[隱藏]
引用:
原帖由 fs93 於 2007-5-23 04:30 AM 發表

sorry!妹妹,唔好意思,我看到頭相個俊男,我就以為男性tim,
𠲖!相裡那個俊男係妳男友呀?我上次去順德公吃飯,都多
少受妳影響的,不過係亞伯d服務態度差jir,野食都ok,價錢差
不多,呀!我以為妳係男 ...
頭像張相唔係我黎架. 係吳尊
其實順德公係我舅父介紹我去食.
亞伯d服務態度差係好普遍, 好多地方都係咁, 唔怪佢.
多謝你咁支持



回覆 引用 TOP

伸延閱讀
提示:支持鍵盤翻頁左 右
[按此隱藏 Google 建議的相符內容]