|
|
haveｐｈｏｔｏｓ~去完澳門&珠海既遊雞~請多多支持!!
#1
發表於 2007-6-27 09:12 PM
提示: 作者被禁止或刪除 內容自動屏蔽
放工之後行去信德出發~~
去到利澳酒店放低d隨身物品~
之後四周圍行下,
去左鼎泰豐食飯,味道無介紹中咁好,
仲俾佳父話我一年都仲改唔到d壞習慣,
成日食唔晒都要叫,食剩晒0的0野~.~""
依間唔知係咩賭場,好靚,不過仲裝修緊!
另一朝,訓醒左,精神奕奕。
肚仔有d餓,自己一個人走落酒店食番個靚仔早餐,
係一個人呀,點解呀?
"佳欣"有人做懶訓豬,話要訓到十二點先check-out
難得咁relax,算數啦,
做條懶蟲 @.@
之後第一站當然係入永利賭場殺、殺、殺~
大家千萬要緊記:
1) 要由正門既左邊入去
2) 千其唔好玩轉轉門
結果,我同佳父好似做賊咁,
鬼鬼祟祟咁潛入去,
避過晒頭頂d燈,仲要靠邊入。
佳父教我玩百家樂,
哈哈,我地兩個由輸剩二百蚊到追到贏返一千蚊,
好開心 & 好緊張~
佳父仲俾左五百蚊我買0野,
最衰我打爛左樽make-up濕粉,唔係仲著數,哇哈哈~
我勁樣衰,
佳父叫我放d籌碼去張賭桌,
點知條友同我講:小姐,你個d籌碼係唔可以買莊,只可以買閑,
識鬼咩,樣衰到爆~.~""
我就咁係度玩0的5蚊、25蚊籌碼,佳父就賭返0的飯錢返黎,哈哈~
贏左錢,心情都好0的,
走既時候終於可以行正中間,仲要玩埋個轉轉門tim,吹脹~~
之後搭的士上東望洋燈塔 & 教堂,
好熱,然後熱熱下無端端同佳父你一句我一句,吟番首打油詩!
買架Type-R、
發夢無咁早、
今日心情好、
帶你去離島。
睇完之後去一個典當展示館、文化會館。
唔該,我想典一個平淡而甜蜜既愛情返黎~~
轉移陣地 乙水)仔~~
終於食左個好出名既大利來豬扖包。
仲有誠昌既水蟹粥,大飽口福...........
黃昏時分,
我地兩個決定即興去埋珠海,
咩都無plan過,
hotel都無book,
多得meimei話凱迪克ok,
不過,可能我地walk-in,
佢俾既房係好差、好暗、好細,
佳父話要換房,
點知嘈一嘈,
竟然間房既size係double,
嘩,真係一開始當我地係傻仔??豈有此理 >.<
夜晚兩條友四圍行,
見咩行咩、見咩食咩~
多謝bb知我身體差,叫左個人參雞湯俾我,
之後去埋揼骨,30蚊一個鍾,
超平、平、平.....
埋單兩個人承惠190元,抵到爛~~
回程了
P.S:唔記得講,我白痴到係澳門截的士,
點知截左部警車,
俾佳父話:都唔知點解個女朋友咁白痴,wahahahaha~~
[ 本帖最後由 kaiyanyou 於 2007-6-27 09:40 PM 編輯 ]
|
