• 瀏覽: 11,594
  • 回覆: 42
[隱藏]
頭先去玩澳門黎……講真…今次係成功得黎有點失敗,失敗得黎有點兒成功既旅程……

是日行程:
港澳碼頭-->新葡京-->青洲劉記豬扒包-->由新葡京經新馬路去沙欄仔街既榮暉食雞湯米-->金沙-->威記-->氹仔碼頭-->威記-->港澳碼頭-->十六浦-->(台山)水佬榮-->買手信-->坐船回家喔…。


首先講下感想,遲d先post相…

點解話又失敗又成功呢?!就係因為整個旅程中,由出發坐船,到回程…都有與眾不同的遭遇,有些還不好受的…不過算喇,總算跟住成個行程去走,都相當有成功感的,在此先多謝在此分享的各位網友,令其他人可以得到同樣滿足!


坐船本來唔想響依度講……不過呢響度都略略講講喇。各位都知TurboJET既船係舒服同冇咁拋,諗住高高興興去坐船…點知劃位後…公司派FlyingCAT,是從同公司既深圳線調過黎既船黎行港澳線,姐係同新渡輪澳門某款慢船同款。唉,好無奈…當場要做定心理準備。航速低,全程航行時間需另加十五分鐘…,兼食浪,比後班船過之外,加上我坐船頭,出發時好似玩海盜船咁…好大離心力…船頭好多人都…哇!…心諗…死喇…今次冇事都會有事。點知之後都唔算太拋,只係無奈地要比船過……。算喇…對本人係一位交通迷黎講…試一次值得既…。

然之後講下青洲劉記……之前新年去收左爐…今次去點都要試一次…。一個豬扒包十蚊…算抵喇。食落去外脆內軟…正!!依個真係highly recommand!

…之後去食雞湯米同蛋球。雞湯米一碗廿蚊,蛋球一個兩個半。雞湯米個湯底幾好味下,我食完之後飲晒佢…另外值得推介既係川芎魚米同炸雲吞…幾好食。另外去買蛋球一路行一路食,不過剩番一個……味道就…一般喇…我諗係要坐入去食,加埋杯奶茶…個感覺幾好。

…威記唔講喇……基本上我想預少好多時間行威記…根本冇乜野好行…所以響家人去賭既同時,去了氹仔碼頭當遊車河。個碼頭係好細…一入到去得售票處同入閘處…所以原車折返。

最後講下水佬榮。依間野真係冇介紹錯,雖然個花甲蟹煲貴左d,起碼過三四百唐但係叫左個花甲海鮮煲都幾好食,一百五十八蚊一煲。
味道真係好正…!…另外我想問下係咪有好多間水佬榮?我響十六浦對麵食…但係我亦響青洲見到間水佬榮…。究竟邊間先係真??咁介紹個位網友係介紹邊間既水佬榮??


後記…其實今次去澳門除左食野之外,係想搭某款舊巴士既,不過我影就影到一大堆………但一次都未坐過…批車過埋今年應該冇


所以今次都幾好玩既,
地方去了不少
相片影了一大堆
希望各位等等我整一整理d相
我會盡快post相了
謝!!


另歡迎討論!

[ 本帖最後由 祥星。PENHA 於 2008-3-22 08:45 PM 編輯 ]




~噴射飛航。全球規模最大的噴射船隊~~
~時刻,我們在迎接世界蒞臨澳門。~
。 Jetfoil ~ TriCat ~ FlyingCat ~ PS-30 ~ Foilcat 。

回覆 引用 TOP

台山水佬榮係第1間...
但5知其他係分店定係抄...
等相



每個人, 總有優點和缺點. 再多優點的人, 一定也有仍可改進的地方, 而缺點較多的人, 也總有叫人欣賞的地方

回覆 引用 TOP

好喇!去相!

唔知係我手震定乜野,好多相都影得好差下……以下係經過篩選既相!


坐船篇…!

上船前睇下個船期表,不過因為天氣關係,船公司不能加班,有d班次都取消了


出發lu


?!…




好彩都入到閘…唔洗驚…

碼頭天幕…


…我老豆諗住排9:30am候補,不過我見到9:45am開始劃位,我叫老豆去個邊。點知,佢話我痴線……

船到了…也時惡夢的開始…


響度都介紹下依首船。依隻船叫"宇航二號",型號係FlyingCat(飛貓)。有別於同公司的"宇航200x"的TriCat三體船,飛貓既航速係慢一截,基本上一小時的航程,佢要一小時十五分先得…。基本上佢係行走香港/澳門至深圳既航線,行港澳線,係特別抽調的。可能未翻新既關係,d位都幾舒服下!


船艙…


開船了…不過已經遲左十五分鐘了。


哇…一開船勁拋…個個都哇聲四起…死喇…依家已經咁拋,過到去咪…

好彩之後都冇咁拋……不過:

比金光飛航過


仲要比後班船過(依首船係Tricat)…我!@#$%^&*


見到橋…姐係到了!


多謝你依次特別的航程……不過…下次去有得比你揀都唔會揀你了。




美食篇下回再講……




~噴射飛航。全球規模最大的噴射船隊~~
~時刻,我們在迎接世界蒞臨澳門。~
。 Jetfoil ~ TriCat ~ FlyingCat ~ PS-30 ~ Foilcat 。

回覆 引用 TOP

美食篇:

去相!

落船後去新葡京,家人去賭既時侯,我去青洲劉記食個豬扒包!
可能上次新年我去摸過一次(不過個陣時收左爐),所以今次去一搵就搵到喇!



豬扒包…拎走…


外脆內軟兼新鮮即制…個感覺幾正!
不過舊豬扒落左鬆肉粉,軟到…都要有個譜…依一點就差一點了。
不過整體黎講…真係好好食,好過氹仔某豬扒包多多聲。

然之後去番新葡京同家人會合,去沙欄仔街及十月初五日街交界既榮暉食雞湯米。

門面



川芎魚米


雞湯米


炸雲吞


柚子蜜



之後去威記行一轉…夜晚去十六浦對面既水佬榮食花甲海鮮煲…$158/煲





幾大隻蝦~~


飽了~


大特寫



之後去買手信…
響度想講下個x記廣告…
話說某某作家話"食餅有餅味~~"
…我好想話佢…"食x有x味~"…
講左等於冇講……我都係第一次見…


諗住去添發買外賣翅…可惜…人又多,老闆話唔得閒做外賣…只好望梅止渴了…



旅程也在此結束了……


遊記篇下回再講…



[ 本帖最後由 祥星。PENHA 於 2008-3-22 11:57 AM 編輯 ]




~噴射飛航。全球規模最大的噴射船隊~~
~時刻,我們在迎接世界蒞臨澳門。~
。 Jetfoil ~ TriCat ~ FlyingCat ~ PS-30 ~ Foilcat 。

回覆 引用 TOP

[隱藏]
等睇相...


回覆 引用 TOP

support...最鐘意睇呢d post...


回覆 引用 TOP

好味好味


回覆 引用 TOP



i like 的MK 20xx

豬扒飽好多茶餐廳都好食啦



回覆 引用 TOP

樓主 , 青州劉記點樣去ga ? 之前去澳門唔知定 ..........


回覆 引用 TOP

[隱藏]
引用:
原帖由 pnedvedavel 於 2008-3-22 12:37 PM 發表
樓主 , 青州劉記點樣去ga ? 之前去澳門唔知定 ..........
我響籃球場個邊入…

然後第一個路口轉左…

你會見到停車場了

之後行前點就會見到了!


仲整緊相…請耐心等候…謝!




~噴射飛航。全球規模最大的噴射船隊~~
~時刻,我們在迎接世界蒞臨澳門。~
。 Jetfoil ~ TriCat ~ FlyingCat ~ PS-30 ~ Foilcat 。

回覆 引用 TOP

Good Job~~~!




回覆 引用 TOP

引用:
原帖由 祥星。PENHA 於 2008-3-22 01:21 PM 發表

我響籃球場個邊入…

然後第一個路口轉左…

你會見到停車場了

之後行前點就會見到了!


仲整緊相…請耐心等候…謝!
support 繼續出相..............



回覆 引用 TOP

多謝樓主同我地分享澳門之旅,仲post埋相,正喎..(我鍾意"幾大隻蝦"..哈 )

其實樓主去左幾多日?一日遊?幾點去?幾點返?旅程係咪美食團?

睇d景,天氣唔係咁好喎,有無落雨?...



回覆 引用 TOP

繼續去相…

遊記篇…又名雜影篇[聲明:以下部分相片可能引起不安,各位可有權要求刪除,本人會刪除的。]

船上面:

有需要嗎?(答:似乎不必了。)


香港政府早已立法禁煙的,這……該是多年前的事吧。


多數冇人睇既野:(本人通常會留意一下的。)


依首船既平面圖(小弟至愛!)



去到澳門:

去到新葡京,象徵式影番張先(後記…唔記得影舊葡京…,就黎拆喇
)


拿…醒醒定定呀…你地去贏錢,我就去坐巴士!


舊巴士…過埋今年應該冇。


舊van仔…相當舊…應該長期泊響度冇郁過。


南屏雅敘……應該有一定程度既歷史…。


原本諗住買四個食…,點知…佢話得番一個,所以買左佢…
小插曲:我用港幣比錢,不過佢找番葡幣……我話:可唔可以找番港幣?…佢就找番港幣…。

蛋球…兩個半一個(味道不俗,建議最佳食法為坐響個度,然後加杯奶茶,至地道既下午茶)[食到成口都係糖…]


連膠袋設計也時舊的。可惜的是,成個膠袋沾滿糖,不掉不行,特此"留念"


去威記+氹仔碼頭

樹與威尼斯人。


入去行左一陣


威記d天花係幾靚下。(藍天白雲個d另計!)

[響入面買左杯野飲,承惠MOP$24/杯。不過依D係small potato,香港都有得買,唔影了。]

唔係下話…賭到要call白車?!(賭到傻左?!)


車廂…(唔錯,不過座位好窄…)


"音響"

(其實係座位頂的冷氣出風口,也有speaker及閱讀燈;紅色咖啡鍵不是一按就有野飲,而是外國流行的"服務員掣"。不過…依d掣全部都用唔到。因為司機冇關咪既關係,speaker係可以清楚聽到坐在車頭既乘客之對話。)

威記去氹仔碼頭既專車…(右面既人,正等於乘客既人數…人流少得很)



氹仔碼頭真係好細,一入去就只有售票處同入閘處,及一部ATM。
而我們也要在出面接船。
(入面不可影相,所以影唔到。)

門口:


停留了一會,要走了!。



而氹仔碼頭隔離就係機場,只是隔了一條馬路而已…。



十六浦…。聽說佢原身是碼頭,名叫PORTE NO.16


舊樓…。應該要拆了。



回程船上…:

見到我個班船lu...21:20開出,用既係三體船。好彩…唔係個架飛貓…。


開船後,好多人唔係釣魚就係約見周公,分享下是次澳門之旅…。


[而本人完全冇訓過…反而開航後由船頭既座位,行去船尾。]


而整個澳門之旅,在一個小時既船程之後,就圓滿結束了!。



分享完畢!…
歡迎繼續討論!
最後多謝提供好玩又好食既地點既網友,
也多謝各位既支持!
希望大家喜歡!
下次再去會再分享一下。




~噴射飛航。全球規模最大的噴射船隊~~
~時刻,我們在迎接世界蒞臨澳門。~
。 Jetfoil ~ TriCat ~ FlyingCat ~ PS-30 ~ Foilcat 。

回覆 引用 TOP

[隱藏]
引用:
原帖由 磋跎歲月 於 2008-3-22 03:29 PM 發表
多謝樓主同我地分享澳門之旅,仲post埋相,正喎..(我鍾意"幾大隻蝦"..哈 )

其實樓主去左幾多日?一日遊?幾點去?幾點返?旅程係咪美食團?

睇d景,天氣唔係咁好喎,有無落雨?...
多謝先!~

其實依個旅程係尋日去,係即日來回,坐09:46am船去(不過delay到十點先啟程),21:20船回…。
當然……依個係美食團,對小弟黎講…同時也是遊車遊船河!

而尋日朝早都幾大霧…海有中至大浪…
好彩去到澳門多雲,冇落雨,唔算太曬…依種天氣最好!
而今日見到落好大雨…我心諗…:好彩尋日冇落雨,今日落晒,好彩!




~噴射飛航。全球規模最大的噴射船隊~~
~時刻,我們在迎接世界蒞臨澳門。~
。 Jetfoil ~ TriCat ~ FlyingCat ~ PS-30 ~ Foilcat 。

回覆 引用 TOP

伸延閱讀
提示:支持鍵盤翻頁左 右
[按此隱藏 Google 建議的相符內容]