註冊 登入



打印

新手買機指南[因工作太忙關係,更新版約於月內重寫,抱歉]

新手買機指南[因工作太忙關係,更新版約於月內重寫,抱歉] E-mail 此主題給朋友

[隱藏]
自從新年過後,買機人數增加,係呢度成日見人問有關買機問題,所以我係於呢分享一下自己既認知。以下係自己既個人知識,如有錯漏,請指正更改。

----------------------------------------------------------------------------------------------------------------------------------------
乜野係舊版、新版機?

XBOX360一直存在硬件設計問題,而微軟一直以黎都係主機製作工藝上作改良。其中最主及明顯有兩次:

1:大約於07年7月推出HDMI版,加入HDMI輸出插頭。
2:大約於07年10月,新HDMI主機改以65nm製程主機。

65nm製程主機指XBOX360 CPU及圖像晶片由90nm改為65nm,功耗明顯下降,用電少左,熱量亦少左。一般相信隨熱量下降之後,XBOX360一直常見既三紅現象會減少,呢個有待時間證明。另外有消息指出,目前既機並非cpu與圖像晶片都係65nm,可能只係其中一樣65nm,呢個未見到官方有清晰表態,不過無論如何,現時市面上65nm既機的確比舊製程無咁熱。
-已確定,雙65nm主機將於悄後時間推出市面,內置256mb記憶體-

基本上市面見到既機都係最終新版機 HDMI+單65nm,如果唔放心最簡單方法可以check下機箱標示寫有 Lot 0740以後都係新機。07指07年,40指第40個星期,即07年10月左右出廠既機。

----------------------------------------------------------------------------------------------------------------------------------------
XBOX360幾錢?有乜package?

唔同package跟機配件都唔同,要嚴重注意不同包裝既xbox360主機都係一樣,只係配件唔同,不存在黑色主機比白色主機好,或Pro版主機比Arcade版主機好既情況。

最新官方出過三個pacakge:

Arcade 版主機, $1699。
包括:主機一部,火牛一個,無線手制一個,256mb 記憶卡一張AV線一線,Lan線一條,Arcade遊戲光碟一隻內含5隻小遊戲。

Pro版主機,$2499。
包括:主機一部,火牛一個,無線手制一個,60GB硬碟一個,有線headset一個,色差線一條,Lan線一條,遊戲光碟《塊魂+Ace Combat6 二合一》一隻。

黑色Eilte版主機,$3599。
包括:主機一部,火牛一個,無線手制一個,120GB硬碟一個,有線headset一個,色差線一條,原裝HDMI線一條,Lan線一條,遊戲光碟《塊魂+Ace Combat6 二合一》一隻。

官方亦時不時推出過以遊戲為賣點既package,例如藍龍package、Halo3 package等等,一般只係跟機遊戲及主機面版有唔同。

另外,依家好多地方都自行做package,例如Pro版跟多個手製或game,賣31xx等等都有。以上三個官方package各位可以做為定價標準,再衡量依家既package抵唔抵買。各配件既公價可於官網查閱:http://www.xbox.com/zh-HK/hardware/accessories/

----------------------------------------------------------------------------------------------------------------------------------------
我應該選擇邊一款主機package?

每個pacakge都有主機、手制、火牛,返屋企可以即玩。最主要分別在於記憶體容量跟機線材

先講記憶體有乜用,要256mb記憶卡、60GB硬碟定120GB硬碟呢?

XBOX360需要Hard disk來幹嗎?

自從秋季更新後,上live先要用harddisk既講法已經不全面。秋季更新後,xbox360操作介面大更新,除此以外亦有一個重大功能:
-遊戲可以安裝於hard disk內運行(裝game並非必要,唔裝都玩得)

安裝遊戲入harddisk有以下好處:
1:減少大部份game讀碟時間。尤其使用unreal engine 3.0 呢類高貼圖質量既game ->失落的奧德賽、Mass Effect、無盡的未知、最後的遺跡等有顯著功效。
2:減低讀碟量,從而使光碟及dvd光頭耗損減少。
3:減少讀碟發出既嘈音。

另外,個人認為隨DVD容量越黎越不足以應付龐大既遊戲內容,將來可能有機會一隻game兩隻碟,一隻先裝入harddisk,另一隻就係執行碟,於是只需要入一隻碟就可以執行兩隻碟既內容,方便大家。另外要注意,安裝遊戲後依然需要正版光碟啟動,不存在裝左game就唔洗碟既著數做法。

此外,一般要裝既野包括:

遊戲save,自己個a/c 等等資料,唔洗好多容量。最大體積既係網上下載內容。某遊戲會推出下載內容,多數為新地圖、新任務等等,通常要200mb左右。 另外微軟亦推出live下載第一代xbox 遊戲服務,比如人氣作品Halo1、Fable、忍者龍劍傳(又各忍者外傳)等等...一般2~4GB一隻。Live上面亦有唔少遊戲既試玩版,宣傳片、arcade game等等。當然,以上所講好多內容都係收費既(亦有免費)。遊戲內容一般收HKD$40~80,第一代XBOX game HKD$120。

如果閣下視錢財如命,打死都唔會下戴任何遊戲內容,亦對裝game入 harddisk做法不感興趣,256mb 記憶卡已足夠應付遊戲save需要。
如果閣下為一般玩家,game唔買都會睇下,會試玩demo、下載遊戲宣傳片等,60GB已足夠有餘。裝game的話,約6.xGB~7.0GB一隻遊戲,60GB裝5隻唔成問題。

AV線、色差線、HDMI線、VGA線?
太高技術含量既內容小弟不便多說,只講各位關心既問題。時下興高清,事實上xbox360主機及遊戲都可以出全高清1080p。關鍵只在於使用邊種輸出線材。

AV線                   :只能去到480p既水平,即係比VCD既質素好DD,而且不支援5.1聲道輸出。
色差線與HDMI線 :事實上兩種都支援全高清1080p輸出,同時支援5.1聲道輸出。分別在於,色差線一set 5個頭, HDMI線一條過做晒。
VGA線                 :VGA線係FOR插入電腦MON打機用,無一個package內包含,必須額外購買。

線材與聲音輸出問題

XBOX360如要使用5.1聲道,必須以光纖(optical)輸出。各位買喇叭時要注意支援光纖(問題多出自家庭影音組合或電腦喇叭)。

除av線外,所有xbox360影象線(VGA、色差、HDMI)都可以插光纖,位置係線頭有一黑色既活門,只要用筆督入去就見到。


有唔少玩家外購坊間既hdmi線,雖然與xbox360專用hdmi共通,但官方版本會多一個分線位比人插喇叭。

坊間既HDMI線一條過,如果係插MON又想用電腦2.1喇叭咁就好麻煩,所以建議如非必要,用色差或VGA線其實同HDMI線無絕對性既分別,無需刻意使用hdmi線。
----------------------------------------------------------------------------------------------------------------------------------------
買機應注意乜野?

時常聽聞細鋪買會比人混,而我兩部主機其實都係細鋪買。大鋪貨源一定無全港九細鋪咁多,而且細鋪方便就腳,只要買機時小心check清楚就唔會有問題,為此我分享下自己既check機方法,等各位可以買得安心又就腳。

買機最主要注意兩樣野:部機無被開過,部機係新機。

1: 對清楚機身編號與包裝盒一致。
  
           
              

‧包裝盒側面印有機身編號(SN)                                                 ‧機身正面打開個口就見到機身編號        ‧機身背面亦印有機身編號(Serial number)




2:確保機身銀色封條無被撕過痕跡

            
      
‧打開面板方法,只要於usb port右邊用指甲輕輕向外一挑就ok       ‧一打開面板就會見到銀色封條,證明部機無開過


‧呢部機我係三紅保養換返黎,封條部份唔同左。
而家既新機已經轉左做上圖既封條,各位唔洗擔心。

   

3:如果手寫單,睇清楚佢有mark低機身編號並與買果部係一樣。

4:香港微軟有列出代理分銷商名單,再唔放心可以上去check check地址去買:http://www.xbox.com/zh-HK/storelocator/
----------------------------------------------------------------------------------------------------------------------------------------
保養

XBOX360最出名就係易壞。除左經典既三紅外,仲有一紅、光盤無法順利打開等等.....。雖然易壞同必定會壞係兩回事,但各位亦應該知道保養細則:

XBOX360首一年內全保所有問題,三紅則包三年。過左一年出事又唔係三紅的話需要加錢保養,$779(咁上下啦)。

如果xbox360出現固障,第一時間唔係上黎呢度問,而係打電話去客戶中心做登記安排換機。電話:http://www.xbox.com/zh-HK/support/warranty/ 。注意,各位必須keep好購買單據作成保養期限證據。另外,可以出事之後先做保養登記,唔需要買左機就即刻做。

進行保養即係同你換機,換返黎果部唔係你原先果部,一般係翻新機(其他人既壞機再整返好),但請放心,翻新機同新機無分別,一樣靚靚仔仔,亦一樣易壞。
----------------------------------------------------------------------------------------------------------------------------------------
講完勒,如有錯漏請更正,另祝各位買得開心,玩得放心。



[ 本帖最後由 lippop8 於 2010-9-12 08:41 PM 編輯 ]



回覆 引用 TOP

精選樓盤
死左圖喎


回覆 引用 TOP

係wor~~整整先


回覆 引用 TOP

push!!!!!!


回覆 引用 TOP

[隱藏]
very good info , thanks


回覆 引用 TOP

LOT 733 已經有hdmi(8月版)


回覆 引用 TOP

[fly]
對我來說,
             非常有用
[/fly]



回覆 引用 TOP

引用:
原帖由 pkmanex 於 2008-4-6 03:46 PM 發表
LOT 733 已經有hdmi(8月版)
喔,其實HDMI版同65nm版推出日期好近似,據我了解,740打後既比較sure係新機,因為有一段時間係新、舊版機夾雜



回覆 引用 TOP

強呀!!
艾力神兄 快d置頂



回覆 引用 TOP

[隱藏]
條封條真係好吊鬼..要拆塊面版先見到
買果時想要check都唔知點講好



回覆 引用 TOP

家陣好多地方都冇貨,買2手又信唔過唉


回覆 引用 TOP

我買豪華,但係冇遊戲光碟《Forza2》、《寶貝萬歲》各一隻...............



回覆 引用 TOP

very cool..
Thanks!



回覆 引用 TOP

thank you for sharing


回覆 引用 TOP

[隱藏]
thanks ar!!!
一定對D新手好有用
不過最好加埋上 live 需要D咩]
咁就fit 喇



回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]




重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。