5月3日-4日 澳門遊

瀏覽: 9,536
回覆: 16
追帖: 1

列印

kwan0904

VIP

帖子: 4552
積分: 5008
註冊時間: 2005-12-2

發短消息加為好友

5月3日-4日澳門遊

#1

發表於 2008-5-5 03:18 PM

[隱藏]

第一日 5月3日 ~ 威尼斯人篇

我同男友一齊去澳門玩返兩日一夜既
package係新flower買既,住威尼斯人但唔包早餐,total 2538,以長假期黎講個價係acceptable的.
我地搭11:00am新渡輪去,連埋過關+接駁巴士去酒店大約12:40pm到左.
之後緊係即係去試下有冇得check in,雖然成日都話3點先至係正式check in既時間,3000間房佢緊比到間你check in既
酒店有分南翼同北翼,我地住係南翼既,係check in行到上房就岩岩開始播午間新聞,其實係可以早d check in放低d野去玩架

因為第二日十一點就要check out啦,我地拿拿臨走落去啦,大約十一點三到去到一樓呢個位到check out既,假如正門果個位多人check in既話,大家都可以try下係呢個位check in既.

我地住係19樓既,一入房就係廁所,個廁所大過我屋企間房好多好多.........

不過個浴缸就削左d,係普通浴缸(年頭去台灣住四星既四季都有按摩浴缸).雖然佢有浴鹽比埋你,不過我建議大家帶埋私家浴鹽去既,因為佢比果d都唔係好work.........

唔明點解,成set沐浴用品都係茉莉花,不過浴鹽係薰衣草既

呢到門後係廁所.........

個衣櫃都幾大架,裡面仲有埋燙斗同燙衫板,真係好體貼呀

張床都幾大,話晒都係king size呀.不過唔知點解個廳要擺一部tv,床尾個櫃又要擺多一部,廳果部真係無咩野用到.床尾個櫃有個保險箱架,簡單易用.

個廳個櫃,左手係tv,右手係mini bar.有好多零食同飲品,有埋酒辦.不過樣樣都要計錢既,大家享用之前要看看櫃頂插住果張收費表呀.房內有無線同有線上網服務既,只要有帶notebook or pda就用到架啦,free for charge既.有部printer,可以print, copy and fax既,不過要收錢既.

之後就去左威尼斯人既shopping mall行街街啦,天花板個天空同真既真係好似架,如果香港都有咁靚既藍天白雲就好啦

shopping mall主要有三條人工河既,三條都可以坐貢多拉船既,就算無人坐船呢,個貢多男都會一路划船,一路唱歌既,好鬼過隱架.

shopping mall真係好大,有好多不同既古典建築物.雖然好多店舖香港都有既,好似agnes b,有d item 香港sold out晒既都可以係呢到找到,不過就比香港貴100-200到.

行到去呢間鋪門口,有真人櫥窗模特兒,要企足成日,真係有苦自己知

真人扮石像

曼聯球迷出血既地方

個美食廣場都唔算好大,不過都爆滿.我地驚又貴又唔好食,所以最後出左去官也街食豬扒包.

最後,可以係shopping mall最中間既位置見到1樓既娛樂場,約9成既人都係大陸同胞...............

下一站就:官也街

[ 本帖最後由 kwan0904 於 2008-5-5 09:00 PM 編輯 ]

回覆引用 TOP

kwan0904

VIP

帖子: 4552
積分: 5008
註冊時間: 2005-12-2

發短消息加為好友

#2

樓主發表於 2008-5-5 03:21 PM

第一日 5月3日 ~ 官也街篇

係威尼斯人搭左taxi去左官也街食lunch. 係威尼斯人正門個taxi站都幾多人等taxi架,如果太多人既話可以考慮行去官也街既,都係十五分鍾到,不過當日澳門既天氣唔係好穩定. 去到官也街都唔係好多人行,但都幾多手信鋪頭,主要sale鳥結糖. 偶然下比我見到有兩個燕子巢,兩個都有隻燕子係到既.

行到去新好利果到食豬扒包,依家通漲加到12蚊一個,成隻手板咁大塊豬扒,都OK抵食既.叫左兩杯青蘋果特飲同要左個葡撻同鮮奶撻,一個撻要7蚊都幾貴下架.

行到地堡街街尾見到大利來勁多人食,早知去大利來啦............

其實開頭想去必達士食木糠布甸既,不過要過兩個WEEK先至再開,都唔知老闆係唔係去鬼左旅行

後尾去左沙度娜到買左一個原味木糠布甸,有不同味既,好似加左D芝士,芒果.............原味都幾好食架.

下一站打算去皇冠到見識一番既,但要傳聖火既,我地又驚搭TAXI去要兜路,最後去左搭巴士.去到巴士站,呢個指示牌真係正,驚死你唔知識去邊間賭場,有埋圖片,真係勁呀!

下一站: 皇冠 + 新葡京

[ 本帖最後由 kwan0904 於 2008-5-5 03:53 PM 編輯 ]

回覆引用 TOP

kwan0904

VIP

帖子: 4552
積分: 5008
註冊時間: 2005-12-2

發短消息加為好友

#3

樓主發表於 2008-5-5 03:22 PM

第一日 5月3日 ~ 皇冠 + 新葡京篇

皇冠個場只可以用一個字黎形容:細...........真係細到呢...........

我地入去睇果時都唔係好多人,D人賭得好靜,有D悶既感覺.............

睇左一震就走啦,不過想搭巴士出去新葡京果時,咁岩附近D學校放學,

係個巴士站有成過百個學生等緊車..............最後都係去返皇冠到搭接駁巴士返去碼頭,點知有一大班學生走去搭FREE既穿梭巴士去關閘,最後緊係比果到D職員趕走晒

去到新葡京,個球既外形真係好大呀.入到去大堂最多人圍住睇既係何生係拍賣會上BID返黎果隻圓明園十二生肖既銅馬首. 之後就去左自助山BOOK位食DINNER.因為我地之前無BOOK到位同買PACKAGE果時無買埋票,個接待員話距離個BAR枱就一定係好遠.BOOK左食8:30PM既SECTION,仲有個幾鍾就向信達城出發啦.

行緊去信達城果時,有個大陸人突然係馬路問我男友買唔買手機,仲SHOW左部N95比我男友睇,
我地當然拒絕啦.相信果個大陸人一定係在唔知邊到偷返黎既老鼠貨啦.當我地拒絕左佢之後,佢走左去問其他人.
其實我發現到當他們看中了獵物,他們由頭到腳打量你幾次,特別係衣著唔同,特別光鮮,有名牌手袋果D,好容易比佢地偷野既.所以大家無時無刻一定要小心自己既財物呀!!!!
信達城好似旺角既潮流特區咁,係好多年輕人行既地方,除左衫褲鞋襪,都有日本水貨既化妝品同護膚品賣既.最後比我買左個幾米既卡片盒,比香港買平左40蚊呀, 賺左賺左!!!!!!

之後就向議事亭前地同大三巴出發,上一次5年幾前黎過,果時係日頸,夜晚既大三巴同日頭既真係唔同,個夜景都幾靚架!!

行返去議事亭前地一帶,五光十色,同香港旺角好似.

好多人等賣豬扒包既鋪頭,唔知係咪真係咁好食呢

好耐好耐世紀既霓虹燈招牌

澳門真係好大霧呀,把新葡京個頂都淹沒左...............

返去新葡京食自助山,個自助BAR大約長100米到啦,不過大家要預左有心理準備要排隊拿食物既.我地張枱離BAR枱真係好遠呀................

由湯食到甜品生果,無返幾個肚都食唔晒呀

值得推介既係白灼蝦,D蝦可以自己係個蝦缸到掏一隻你鍾意既上黎OR等佢掏比你,D蝦真係好大隻呀,個頭隻隻都有膏架!!

另外既係鐵板芝士炒長腳蟹都好多人排隊呀,要等大約5分鐘到先至拿到幾隻蟹腳

其實仲有好多好好食既,好似生濠,青口果D真係好多好多,不過D魚生同壽司就比香港削好多.$210蚊包一杯飲品,加一另計,有咁多野食真係好抵呀!!

最近去左搭車返威尼斯人到玩返一震,哈哈

晚上既威尼斯人都幾靚架

返到去威尼斯人成十一點幾,我係威尼斯人個娛樂場玩左廿蚊老虎機,男友玩左二百蚊大小,不過都係睇人玩多,咁就係咁睇都睇到一點幾...........

不過真係好多大陸人係到玩緊,佢地出手好勁,男又係咁,女又係咁.中國十三幾億人,就算只係有一億人去過威尼斯人,一人玩一鋪,威尼斯人都賺到笑啦!!!!!

睇完就返上房沖涼訓覺

下一站: 金沙

[ 本帖最後由 kwan0904 於 2008-5-5 05:03 PM 編輯 ]

回覆引用 TOP

kwan0904

VIP

帖子: 4552
積分: 5008
註冊時間: 2005-12-2

發短消息加為好友

#4

樓主發表於 2008-5-5 03:23 PM

第二日 5月4日 ~ 金沙篇
訓醒就拿拿臨走去check out走人,係走人之前都去左前門正門果到影返幾張相.

戶外都有貢多拉坐既,不過咁曬又咁死熱,都無咩野人坐.

搭左接駁巴士去左金沙,途經美高梅金殿,隻獅子好似HSBC中環總行果隻,好英呀!!!!

金沙個場真係好大,我地係其中一張大細枱到看了很久........很久.............因為開了很多鋪大............最後係開左有連續17鋪大.......真係睇到我地呆左...........

因為開大開得太多鋪啦,吸引左好多好多人落注,點知有個女人落左注係WIN左既,到荷官派彩果時問呢一份係邊個既,個女人無應到,比其他人應左拿了就逃之夭夭,最後佢就投訢.有個manager即刻打電話叫人睇帶,說找到果個人就賠,找不到佢地唔負責,因為係當事人無留意.所以大家去玩既時候,由其係人多落注要盯實自己果份呀.因為呢件事果兩個荷官換左,就即刻開左鋪小

真係....................

香港有個金紫荊,澳門就有金蓮花

第二日 5月4日 ~ 漁人碼頭篇
後來行左去漁人碼頭,其實真係無咩野行,純粹睇景,而且都唔係好多人行.

去台灣果次見過既卡啦OK,佔唔到呢到都有

萊斯酒店,係正門行入去都幾遠架

MINI版布達拉宮

後來去左議事亭前地食lunch同清平直街果邊買手信,去左果間叫黃枝記食麵既,不過好細碗囉.個炒麵好似好好食架,張張枱都有叫既.不過我地要左普通湯麵就算,都唔係好抵食.之後去左WATSON'S下面果間CAFE SHOP食雪糕,係何生開既.

個雪糕叫MIKADO,有咖啡同雲尼拿兩種味,我地要左咖啡味,真係好好食呀!!

仲叫左件CAKE,有三層咁高架,不過d cream唔係忌廉係奶油,好溜0

下一站: 觀光塔

[ 本帖最後由 kwan0904 於 2008-5-5 08:53 PM 編輯 ]

回覆引用 TOP

kwan0904

VIP

帖子: 4552
積分: 5008
註冊時間: 2005-12-2

發短消息加為好友

#5

樓主發表於 2008-5-5 03:24 PM

[隱藏]

第二日 5月4日 ~ 觀光塔篇
食完lunch就出發去清平直街買手信,係新馬路果間黃金手信買左一百蚊四盒不同味道既肉鬆蛋卷,有蔥,士多啤莉,綠茶................不過當我返屋企打開黎食既時候發覺只係每一條個面有少少肉鬆,內裡並沒有肉鬆架,真係比佢呃左呀

大家一定唔好再去買呀!!!!行入清平直街,好多人去都係買鉅記既,不過我個人就覺得咀香園既杏仁餅係好食過鉅記.雖然鉅記同咀香園係打對面鋪,不過鉅記真係好多人呀!!!!平均黎講鉅記係貴過咀香園,我5年前第一次去果時,咀香園個門口多人到不得了架,果時D人淨係識得去咀香園,邊有去鉅記呀.如果唔係鉅記搵蔡生做生招牌,佢邊有咁多人買呀,買完手信就出發去觀光塔啦!!

觀光塔都幾高,四面都係玻璃,可能我地係日頭去觀光塔,見到都幾高個心有D驚驚,比年頭去台灣101大樓仲要驚.咁岩上到去58樓,見到有人係上面跳緊笨豬JUMP,睇住佢跳落去同睇住個人跳樓一樣,嚇死人呀

觀光塔下的新葡京同葡京

去氹仔果條新橋

呢到好似係澳門既禮賓府

呢層有兩個位係玻璃做既地板架,其實好快咁行過去就唔係好驚,如果要企定定影相既話真係會腳隻軟架.

其實得果兩塊強化玻璃,下面真係無網果D野架.

遠望珠海果邊個山上有幾個好大既風車,我估係用黎做風力發電果D.

61樓室外觀光層,都幾大風架,咁岩有兩個外國人係出面行緊個空中慢步,無任何扶手既,就咁繫上安全帶既,踏錯腳咪話唔驚呀!

之後我地就拿拿臨掎TAXI去碼頭搭船返香港啦................

其實當初有PLAN到去澳門果個葡萄酒博物館同賽車博物館架,不過無時間去,下次有機會再去澳門既話一定會去既.

~ 完結 ~

[ 本帖最後由 kwan0904 於 2008-5-6 01:40 PM 編輯 ]

回覆引用 TOP

faigee	#6 提示: 作者被禁止或刪除內容自動屏蔽發表於 2008-5-5 03:41 PM
faigee 禁止發言帖子 847 積分 943 註冊時間 2006-7-26	#6 發表於 2008-5-5 03:41 PM 只看該作者大中小繁簡提示: 作者被禁止或刪除內容自動屏蔽
UID 1549004 帖子 847 精華 0 積分 943 金幣 453 閱讀權限 0 在線時間 2484 小時註冊時間 2006-7-26 最後登錄 2015-8-22 查看詳細資料

kwan0904

VIP

帖子: 4552
積分: 5008
註冊時間: 2005-12-2

發短消息加為好友

#7

樓主發表於 2008-5-5 03:56 PM

引用:

原帖由 faigee 於 2008-5-5 03:41 PM 發表
haha
我同男朋友係5月1-2日去, 都係sun flower~
我地搭10:00船, 去到都係即時check in, 不過我地住北翼, 而且仲係31樓tim 呀~

整個trip 都係有好多同胞, 不過都幾開心
順帶一提, 因為我地都係曼聯, 所以我 ...

其實都幾驚架,因為有好多大陸人成日眼今今望住我地個斜咩袋...........
係街又係咁,賭場又係咁,大家小心自己財物呀

回覆引用 TOP

多明戈

多多

Golden Member

益善

帖子: 25675
積分: 25593
註冊時間: 2007-10-29

發短消息加為好友

#8

發表於 2008-5-5 04:12 PM

引用:

原帖由 kwan0904 於 2008-5-5 03:56 PM 發表

其實都幾驚洵隻釵n多大陸人成日眼今今望住我地個斜咩袋...........
係街又係咁,賭場又係咁,大家小心自己財物呀

多左自由行, 龍蛇混雜之下治安都差左唔少,
尤其是入賭場更加要小心.

天長地久有時盡　好夢由來最易醒

回覆引用 TOP

B女週圍遊 VIP 帖子 3323 積分 3786 註冊時間 2007-8-29 發短消息加為好友	#9 發表於 2008-5-5 09:35 PM 只看該作者大中小繁簡買手信都要小心d,我都有朋友係買手信既時候比人偷左錢..
UID 2652002 帖子 3323 精華 0 積分 3786 金幣 665 閱讀權限 60 在線時間 3936 小時註冊時間 2007-8-29 最後登錄 2021-1-20 查看詳細資料	回覆引用 TOP

sondream VIP 帖子 3149 積分 3125 註冊時間 2006-12-4 發短消息加為好友	#10 發表於 2008-5-5 09:49 PM 只看該作者大中小繁簡 [按此打開] [隱藏] nice post... 音樂豆杯雪糕好似好正咁呀...
UID 1947335 帖子 3149 精華 0 積分 3125 金幣 608 閱讀權限 60 來自低調主義在線時間 6278 小時註冊時間 2006-12-4 最後登錄 2021-1-19 查看詳細資料	回覆引用 TOP

lehlehleh 尊貴會員帖子 1816 積分 2059 註冊時間 2006-9-7 發短消息加為好友	#11 發表於 2008-5-5 11:17 PM 只看該作者大中小繁簡好詳細, 看到想立即起行
UID 1695529 帖子 1816 精華 0 積分 2059 金幣 0 閱讀權限 50 在線時間 2378 小時註冊時間 2006-9-7 最後登錄 2019-9-24 查看詳細資料	回覆引用 TOP

kwan0904 VIP 帖子 4552 積分 5008 註冊時間 2005-12-2 發短消息加為好友	#12 樓主發表於 2008-5-6 12:11 PM 只看該作者大中小繁簡引用: 原帖由 sondream 於 2008-5-5 09:49 PM 發表 nice post... 音樂豆杯雪糕好似好正咁呀... 緊係正啦,杯雪糕要25蚊架,仲要加一不過可以choose 用杯裝or脆皮筒
UID 976298 帖子 4552 精華 1 積分 5008 金幣 40 閱讀權限 60 來自 Hong Kong 在線時間 3150 小時註冊時間 2005-12-2 最後登錄 2021-1-19 查看詳細資料	回覆引用 TOP

kwan0904 VIP 帖子 4552 積分 5008 註冊時間 2005-12-2 發短消息加為好友	#13 樓主發表於 2008-5-6 01:50 PM 只看該作者大中小繁簡 thank you 版主呀!!!!!
UID 976298 帖子 4552 精華 1 積分 5008 金幣 40 閱讀權限 60 來自 Hong Kong 在線時間 3150 小時註冊時間 2005-12-2 最後登錄 2021-1-19 查看詳細資料	回覆引用 TOP

喵喵老婆 Sayuri Platinum Member 害怕自己變大肥婆帖子 54315 積分 59050 註冊時間 2008-5-3 發短消息加為好友	#14 發表於 2008-5-6 02:16 PM 只看該作者大中小繁簡 thx，我上網見到有套票1588元。新葡京buffet 美味嗎？見到我都流口水。
UID 3154541 帖子 54315 精華 8 積分 59050 金幣 392 閱讀權限 85 在線時間 1893 小時註冊時間 2008-5-3 最後登錄 2010-7-22 查看詳細資料	回覆引用 TOP

kwan0904 VIP 帖子 4552 積分 5008 註冊時間 2005-12-2 發短消息加為好友	#15 樓主發表於 2008-5-8 10:26 PM 只看該作者大中小繁簡 [按此打開] [隱藏] 引用: 原帖由喵喵老婆於 2008-5-6 02:16 PM 發表 thx，我上網見到有套票1588元。新葡京buffet 美味嗎？見到我都流口水。真係好好食架,下次想去食金沙果個,因為我男友佢細佬話都幾正既
UID 976298 帖子 4552 精華 1 積分 5008 金幣 40 閱讀權限 60 來自 Hong Kong 在線時間 3150 小時註冊時間 2005-12-2 最後登錄 2021-1-19 查看詳細資料	回覆引用 TOP