• 瀏覽: 10,476
  • 回覆: 13
  • 追帖: 4
[隱藏]
其實計埋依次(12-7-2008),2008年我已經去左澳門三次,今次係因為某外資賭場送船飛而有得去。

我諗……依個暑假仲會去多幾次。 :


廢話講完,講番今次去有乜戰績先,去澳門除左因巴士車費太抵而狂遊車河之外,仲有狂飲狂食。 8)

由出發的一刻…到臨走前的一刻…都在飲飲食食 :mrgreen:


去相:[手機相 banghead ]

在船上喝一杯咖啡……即磨的,味道不錯……(真係連出發都掛住食 :roll (HK$10/杯)



到達澳門後,家人去大殺四方,我就遊左陣車河,

之後就到威記內的渢竹自助餐廳食午餐,價錢大約MOP 190+1一位連一杯飲品…(實際不清楚 :roll: )

而入左威記某某會(免費加入)之後可享八折優惠

小弟食量一個當幾個……抵番晒。

睇下有乜野食先:













我較鍾意食佢d泰式炸物,尤其係個蝦餅,外脆內軟,正!


另外有壽司魚生、凍蝦凍螺,唔錯!
而我覺得最正既係有塊腐皮包住魚生粒、生菜既東西,幾特別下。




冬蔭功……味道中上



食完自助餐之後,佢地有佢地既搏殺,我又繼續遊車河,

…之後到新馬路附近開始掃街!! :

炭燒串燒……不過冇試到…但聽講其他人食過話好食 sosad 失敗呀! sosad


依間野我係特登搵既,係台灣既胡椒餅,
響大三巴附近……


真係用特製既爐黎整……好彩我一黎就差不多"出爐"。 :mrgreen:




yammy …我覺得舊肉唔係幾夠鮮,但整體味道都幾好[MOP 10/個]


另一街邊檔……依檔係用油炸。




炸魷魚……唔錯[MOP 6/串]


黎到福隆新街,去祥記食竹昇麵


蝦子撈麵……正呀! 8) [唔記得左幾錢TIM banghead ]


淨雲吞……細細粒,食落去就知道係傳統既七分肉三分蝦,
比起劉森記,祥記好食D


淥魚皮…今次係小弟第一次食,食落口係好好好好脆,不過就咁食係冇味… :  :


蛋茶……隻蛋已經黑晒…嘟爛隻蛋撈埋D茶食…又幾好食喎。




手信時間——聲明先,我就冇手信比到大家喇 : ,但介紹下就還可以…。

講真,個間乜鬼食乜有乜味餅家,我覺得冇乜特別,只係響個度買左D肉乾,
但杏仁餅、花生糖我唔會響個度買,響邊度買?睇睇喇:

大三巴手信……我覺得依間既杏仁餅好食過"食乜有乜味餅家"


肥仔記花生糖……我每次去親澳門都會去依檔買花糖,
佢D花生糖係自製的,如果早D去可以見到佢整花生糖。
而今次亦唔例外,買左兩包食 [MOP 15/包]





臨走前,我依然響度食,去新馬路既明記牛什買串牛什食,
我覺得眾多街邊檔之中街邊炭燒串燒係最特別,
而明記牛什,我覺得係好有舊香港既感覺… :cry:
依檔野又係我每次過到黎澳門都會去買串黎食既,
而黎買既人係非常多……蒸氣又多…咪話唔辛苦。
我一於少理,就算蒸氣一直吹到我度搞到呼吸困難都照買!
不過聞一聞D蒸氣,就知道D牛什肯定好食! :



牛什…除左有特色之外,味道方面,我覺得係最好食的。[MOP 10/串]



講真,我覺得響澳門食野真係開心過香港好多倍,
香港大部分餐廳都係集團式或連鎖式經營,
而我居住既地方附近更甚少"個體戶"… sosad
我覺得響香港食野,有驚無喜……味道幾乎間間一樣,
有D甚至唔多好食。

而一海之隔的澳門,個度唔多集團式或連鎖式經營既餐廳,
反而"個體戶"就開到成行成市,
仲有唔少街邊熟食檔既存在,
味道當然間間唔同,各自都有自己既特色,
以前的香港有好多街邊檔比人掃下街,
可惜"聰明"的香港政府不再批准街邊檔的存在…
澳門方面仍可以批准在街邊賣熟食,不過要取牌…
雖然唔多集中,但我覺得咁至好……先至似街邊檔
有D真係將檔位擺響巷仔到擺賣,而巷仔對出係繁忙的街道。
好似新加坡、馬拉咁,開條街集中晒排埋一齊仲要有座椅比人坐響度食,好似美食廣場既話,
我覺得不太好,街邊檔係亂到冇譜的,
整整齊齊排列,同開鋪有乜分別?
倒不如搬晒上鋪位,大家舒舒服服食野、做生意咁仲好,
我諗只有澳門才能找到本屬香港的東西,各有特色的街邊檔,
如果講到美食天堂,我覺得澳門絕對做到,並超過香港。

完…




~噴射飛航。全球規模最大的噴射船隊~~
~時刻,我們在迎接世界蒞臨澳門。~
。 Jetfoil ~ TriCat ~ FlyingCat ~ PS-30 ~ Foilcat 。

回覆 引用 TOP

多謝分享,
蝦子撈麵 -> $18, 好彈牙



回覆 引用 TOP

真係食左好多野喎...


回覆 引用 TOP

串燒係新馬路邊度呀?

等我下次又去食下先~~

哈哈哈



回覆 引用 TOP

[隱藏]
串燒係新馬路邊度呀?

等我下次又去食下先~~

哈哈哈



回覆 引用 TOP

新馬路大豐銀行巴士站,轉入營地街條路既中間

即係玫瑰堂出黎轉去後面,有報紙檔,
一路直行,右面有個巴士站,左面有間7-11
燒野食就係中間喇......

[ 本帖最後由 anna2lee 於 2008-7-15 01:46 PM 編輯 ]



回覆 引用 TOP

提示: 作者被禁止或刪除 內容自動屏蔽
勁喎,影咗咁多相,又吃咗咁多嘢.乜都抵返哂.


回覆 引用 TOP

有得食好食la...  通脹咁勁 . 中小企好多都頂唔住架la..


回覆 引用 TOP

[隱藏]
多謝分享...絕對支持肥仔記。


我們一直維護的文明、法治、公義、民主、廉潔、良知、秩序、衛生、安全、平等、和最珍貴的自由,漸漸的,不見了。如果我們沉默逃避,得過且過,很快,連自己也不見了。。。。。。

回覆 引用 TOP

樓主可否用部靚啲嘅相機呢,睇到眼痛,


回覆 引用 TOP

好相精彩!

如果咁就美食天堂就唔咁包!對我來說,曼谷上海新加坡美食都要比澳門好,澳門大概北京咁上下啦!

如果話街邊檔,香港都好難再有喇!始終發牌衛生管理都麻煩。
反而真係可以學下新加坡咁,整多d熟食檔,大概好似我地香港冬姑亭,冇冷氣,但店舖多d既,呢d我真係去親新加坡都必去,又平又好食,亦可好似老巴剎咁封街賣串燒,當然香港唔一定要串燒啦,中間放d檯比人食野飲酒真係好正!牛車水個邊都有呢類型食街,而且更多樣化!

[ 本帖最後由 Gogo_bus 於 2008-7-17 12:05 AM 編輯 ]



回覆 引用 TOP

多謝分享..
好想試下D美食...
我8月尾去... 仲未PLAN到行程呀...



回覆 引用 TOP

我今年去得仲多...
不過我唔 post 上來了



2014 年度笑料...

我真係唔知道後備龍門要嚟做乜
後備龍門係用嚟正選龍門傷出更換,
但若龍門被球證紅牌趕出場嘅話,係唔可以更換個後備龍門出嚟,踢過半職業冇可能唔知

原文 copy 自香討高人

回覆 引用 TOP

[按此隱藏 Google 建議的相符內容]