• 瀏覽: 8,785
  • 回覆: 33
[隱藏]
今天秋高氣爽去了曹公潭,整理好後 post 相,會放教大家用兩個半鐘走一轉,兩個半鐘包括由 MTR 開始,再回返 MTR,中途有得坐仲影吓相嘅閒遊秋日遊澗之旅。


熱賣及精選
半月照潭
--------------
長沙左手接青羅
右攬青衣濯碧波
深夜一潭星斗現
裏頭容得萬船過
有人尋得朝陽穴
+三年內即登科
若是世人尋不得
回頭去問釣魚哥


呢一首係一首尋龍點穴地籤詩,詩裡嘅潭就係曹公潭,亦解釋到果度點解有一條叫照潭徑嘅路,個名穴就响荃灣警署邊。



曹公潭好近荃灣 MTR 站,就响愉景新城後面,由 MTR 向愉景新城果邊行到盡頭,落下面巴士站側有條照潭徑,直入落澗。

巴士站側


初頭係係明渠


直入去到澗口為止先至落澗


澗與渠嘅分水點


一入澗就有深潭真係令你估唔到


另外又唔好以為近市區啲水質又唔靚


其實啲水質 O K 嘅


唔信你睇吓嘞!


仲有小瀑伴遊




平緩嘅地方波平如鏡


旁邊又有小瀑布,山光水色


回望幾咁近市區


曹公潭瀑布


其實有兩層,第一層都有四十尺左右


放張長相比大家睇吓就知,靚吧!


啲水又清又正,個心好想去游水,但佢哋話唔落,咁我都唔落了,因為要裸泳,怕好似上一次咁,比人攞晒啲衫及背囊,要揾塊竽頭葉遮住行山。




水質怎麼樣?大家評分吧!


爬第一層時側邊影




未上晒架,都三十幾尺




第二層麻煩啲,都直直哋,但有好好嘅揸手位


都幾高架





爬到上澗頂


跟住一個老蓮咁大嘅潭


過後再接普通澗道






去到呢度澗邊有人種花,其實之前有條支澗响右手面,係去川龍大曹石澗嘅,我哋選左去白石橋




爬過呢度就到白石橋


啲水响個窿度走出嚟,特別!






瀑布頂


到白石橋了




白石橋前留影


我都知道自已又肥咗,所以行山諗住減肥嘅唔使諗,我就係人版,肥咗廿幾磅咁啫


橋上看橋下嘅流水,特別感到時光飛逝


橋再上係白石坑


橋右去荃錦公路


我哋走左接山路回荃灣愉景新城


有舊問路石,好眼力嘅可好睇吓佢寫乜,睇唔倒我話你知


從高處山路遙望瀑布




返回照潭徑,望望錶,11:15 AM,我哋大約飲完茶九點倒上,回 MTR 剛好兩個半鐘



長相:

兩張曹公潭瀑布相






[隱藏]



天外有天

潭外有潭

好不錯的一個曹公潭呢

你有否落水游一轉呀??



「我都知道自已又肥咗,所以行山諗住減肥嘅唔使諗,我就係人版,肥咗廿幾磅咁啫 」 乜真係架............  行山無得減肥



就梗係冇啦,又冇帶泳褲,又冇人倍落水,怕比人整蠱,攞晒啲衫褲,裸體行山。


唔使諗啦!真人 SHOW 响你面前,行山咁開心,一定身擴體胖。


近日有落雨,水質會好d,平時會好差,我見過有死狗,死雞等。


[隱藏]
我覺近呢一兩年唔知係咪落雨落得多,水質的確有明顯改善。


比我我唔落水


個潭好正。

請問上游可有人家居住?



曹公潭以前成日浸死人, 因為有好多靚仔晌果度玩水, 當年我既一個小學同學就係晌果度浸死既


引用:
原帖由 euld 於 2008-10-9 11:04 PM 發表

曹公潭以前成日浸死人, 因為有好多靚仔晌果度玩水, 當年我既一個小學同學就係晌果度浸死既
咁會唔會令你卻步?



[隱藏]
引用:
原帖由 龍城小子 於 2008-10-9 11:07 PM 發表



咁會唔會令你卻步?
會, 唔係怕, 但實在冇乜興趣去果度, 雖然住得好近, 但咁多年來都冇去過了....



提示:支持鍵盤翻頁左 右
[按此隱藏 Google 建議的相符內容]