• 瀏覽: 22,787
  • 回覆: 149
  • 追帖: 2
[隱藏]
*因為呢個POST我打左成2萬幾個字節,超出左1萬字節既限制,所以就要分開做3個部份同大家分享,謝~
** 因為相片較多,所以LOAD既時間可能會耐少少,勿怪~



29/11/2008 係中華電力一年一度既「中電安全,健康及環保日」,每個中電既員工都可以有兩張飛,亦都係非員工唯一可以參觀發電廠既機會。幾個月前小弟都特登坐的士入到去捕佢地,之後開左post同大家分享就咁岩係pm識左個版友Alex (網名就唔講出黎啦)。佢呀爸係中電員工既關係,所以我地當時就講定左今日比張飛我去,亦都係我可以坐到中電蘭既機會。多謝你, Alex~



果朝我十點幾就諗住去荃灣影陣再入屯門影,荃灣開既都係派城巴非專利。真係好後悔去左荃灣,影唔到好相之餘仲要浪費d時間,大約十一點九我就坐67M去華都。落到去吉之島已經見到3部中電蘭泊左係度,但我果時一張相冇影過唔心息,又返到去屯興路,青山公路再落番油站,都係影唔落手。呢個時候屯門上客站黎左部城巴199,我好驚點解唔係中電蘭之後Alex話佢地可能入晒去唔會出黎,我望下隻錶原來已經係一點四,3個幾鐘都冇影過任何野,眼白白睇住D時間係咁過,我決定等多一班就一定上。結果我都可以如願以償,見到部302,果時已經有好多人走,上車既人得5

用車: 302 – FC736
行程: 屯門吉之島 > 龍鼓灘發電廠
全程時間: 約十五分鐘

上左車之後就博影得幾多得幾多啦~



跟住因為架車坐晒客既關係,就唯有等落車先影,全程用左約15分鐘,架車真係好正









果日有2個版友呀賢同3y都有去,但呀賢因為病左要早走所以冇得同佢一齊影,我就同3y係入面兜左個圈啦,中電蘭就同其他中電車/員工私家車一齊泊,城巴就泊左係油庫隔離,不過果度唔比人入。於是我地就係巴士上客站影,果時有部311係度

以下既相都係龍鼓灘發電廠入面影~



睇到呢度我又有段故想同大家講,有個中電職員見我地係度影既時候就行埋黎我地度,同我傾左一陣

: 「出年黎仲好玩喎,中電會買新車呀
: 「代而家果幾部呀?
: 「係呀,到時會有7部黎到呀。」
: 「而家中電唔係有8部巴士咩?
: 「哦,係咁既,我地有8,不過其中一部係士啤,果部就仲會係度架~
: 「原來係咁,我出年都想再黎呀~
.
.
.

[ 本帖最後由 EJ3115 於 2008-12-3 09:57 PM 編輯 ]



熱賣及精選
我地就傾完之後,D唔開心既感覺,就落再去睇架311既行車証,係下年4月到期,即係話而家8部中電蘭(全部FC),7部好快就會88。我醒起之前見過部309係翻新左,而且得佢一架係兩邊側身都有車隊編號,門位同車尾仲係冇上到中電廣告「加時作賽」,加上之前我下晝5點入去等佢地出黎既時候都見唔到部309,所以相信果位員工所講既士啤車就係309

呢個時候,305係泊車位轉番出黎接客~



佢好快就走左,而我同3y見到部309係泊車位入面,就拿拿聲走入去影



309既翻油係明顯比其他中電蘭新淨~



炒左



跟住就精彩喇,因為時間差唔多3,城巴又出番黎接人去荃灣,仲有一個分站係去深水埗。架172就係頭班車,佢轉出黎時因為架311又準備走,172就讓311行先,所以就影到城巴同中電蘭既合照~^^



311走左去上客之後,D白煙噴到周圍都係,搞到好似好大霧咁都幾恐怖下



冇幾耐172就上晒客行先又係一個機會影佢地合照~^^



影完後3y話佢夠鐘差唔多走,我就叫佢不如等埋大食鬼出黎先啦,結果真係比我開口中,見到佢係老遠開車就轉出黎,我同佢就梗係即刻衝番去果個位捕啦~



我就話想影埋門位,咁就去左個十字路口捕,但比個交通督導員阻住左



咁我就送3y上車,佢走左後就去番果個位影,但同樣比佢阻住,我又唔好意思叫佢行開少少比我影,所以就出左去發電廠外條大斜路影。之前6月都係果個位影過既~
不過因為時間既問題,就搞到張張都影到陰陽面,死執硬執張相都係得咁樣











影影下睇番隻錶,原來已經4點幾,好驚到時D車開走晒冇車坐就行番入去。





[ 本帖最後由 EJ3115 於 2008-12-3 10:07 PM 編輯 ]



按我原定意思係坐中電蘭去屯門,跟住排排下隊就聽到班稽查話中電蘭未返到黎,就用部城巴333上客,果時大約有60人等上車去屯門,所以佢地就係度話: 「呢度上得晒丫,最後開埋呢架啦。」即係話城巴333係去屯門既尾車。我當堂灰晒,心諗,既然都係冇得坐中電蘭,咁不如坐去深水埗算,果條隊大約有50人。我就聽到班稽查突然話: 「吓?冇晒城巴喇,咁點接佢地出去呀?」咁岩有架中電蘭303就返到黎,係對佢地「迫不得已」既情況下,就唯有用有303上客,亦都係果日FUNCTION既尾班車,比我極符碌可以再坐到中電蘭,仲要有得飛下屯公,之前幾年應該都冇試過咁既情況,果陣我真係興奮到不得了,但班稽查就係到埋怨話: 「頭先點解唔等架中電車多一陣接人去屯門,咁架城巴咪可以去深水埗囉

上到車之後,我決定左坐導航位,同時亦影到好多張相

原來中電蘭都有黑盒






因為個司機坐左係度,所以就唯有咁影:



仲有~







*下面果張影到中電運輸組同城巴廠電話,我唔想將呢D保密既資料放出黎,所以事先將果部份整矇左





架車因為係尾車既關係,所以足足等左十分鐘先開,上下上下足足坐左九十幾人。呢個時候,我個電話冇晒電突然熄左,所以小弟向當時搵唔到我既人講番聲SORRY~!

用車: 303 – FC712
行程: 龍鼓灘發電廠 > 尾班車加設分站: 蝴蝶邨(龍門路) > 荃灣鐵路站(西樓角路) > 中電深水埗中心
全程時間: 約一小時

小弟真係好欣賞司機既駕駛手法,起步果時鎖2,等到好高轉先襟番「D」波落3,駕駛安全(唔係碌車),部車又快。行行下我先發覺303下層有兩個位零零舍舍用左城巴絲絨椅(6頭豪果隻),真係O 晒咀。部車好快就到左深水埗之際,我就等D乘客落晒車之後博下問左個司機比唔比我影,結果佢真係諗都唔洗諗話OK,唔洗急~





就係呢張~







FLASH影比大家睇 (係車廂開FLASH係冇問題既,影響唔到司機同其他人就得 =] )



落車前,我同司機講: 「唔該晒呀,師傅!」佢亦都好有禮貌咁回答: 「唔洗,出年再黎玩啦!」呢D情況出現係城巴司機真係少有,抵讚! (中電蘭係由城巴負責保養,所以都係搵城巴司機揸)

感想: 睇住架車走左之後,我心真係好滿足,因為終於完成到我做巴迷以黎一個好大既願望。出年到我有機會再黎既時候,7架中電蘭都已經退役,或者運去外國繼續服役,相信亦到包括今日坐到既302,303。最後,小弟希望我自己可以係出年4月之前,將你地行走既每一條員工線都影齊晒~

另外,今次接觸過中電既員工之後,發覺佢地並唔係我想像中咁寸唔睬人果種,上次坐的士入到去真係比佢地趕返出黎,但今日去到,佢地既態度個個都好友善,唔會嫌我地一班影相友咁麻煩係度阻頭阻勢之餘,一見到我地影相,就叫企係馬路既稽查「行開D唔好阻住人影相啦 XD,跟住仲笑笑口同我地講: 「你地要小心D,睇住有車行黎呀~」最後我坐車出去果陣,大部份都係中電既員工,佢地落車既時候個個都會好主動咁同個司機講: 「唔該晒,拜拜~」而司機都會有禮地回應番一句,睇得出佢地同事之間既融洽,呢種精神不禁令我十分敬佩。在此祝中華電力既業績會一年比一年進步!

多謝各位~

[ 本帖最後由 EJ3115 於 2008-12-3 10:18 PM 編輯 ]



你有冇人去?
冇票坐5坐得?



[隱藏]
引用:
原帖由 S3BL417 於 2008-11-30 04:34 PM 發表

你有冇人去?
冇票坐5坐得?
我梗係有入去啦...

冇飛唔上得車+唔入得 =]



咁好彩都有既


中電有邊幾條員工線
我只知道6點3到有中電蘭經南昌街



我仲以為得一架中電蘭添
PS 有得入去玩咪好LO



★有你的回憶是那麼美麗‧我不相信你不珍惜★
☆撒驕  曾愷玹☆
踢完學界打俾你又無人聽...
我都唔知大佬個老豆做中電添...



[隱藏]
引用:
原帖由 EJ3115 於 2008-11-30 04:32 PM 發表

我地就傾完之後,有D唔開心既感覺,就落再去睇架311既行車証,係下年4月到期,即係話而家8部中電蘭(全部FC牌),有7部好快就會88。我醒起之前見過部309係翻新左,而且得佢一架係兩邊側身都有車隊編號,門位同車尾仲係冇上到中 ...
中電蘭先





引用:
原帖由 city_alexander 於 2008-11-30 05:18 PM 發表


跟中電蘭先


K11 ???



俾你影到179咁正既


提示: 作者被禁止或刪除 內容自動屏蔽
我都想坐!!!! 我反香港都要影




Samuel's Transportation 2013
[隱藏]
引用:
原帖由 sam6863 於 2008-11-30 06:20 PM 發表

我都想坐!!!! 我反香港都要影
EJ有佢地時間



提示:支持鍵盤翻頁左 右
[按此隱藏 Google 建議的相符內容]