• 瀏覽: 28,259
  • 回覆: 59
  • 追帖: 1
  • 分享: 7
這從兒童談起:
先講講俄式西餐廳,大概歷史如下:(用記憶記述,可能有誤)
當年俄國十月革命,一些俄國貴族遷到中國東三省,再到上海僑居,在上海開
設了很多俄式西餐廳,在40~50年代,因戰亂關系,很多中國人就帶著當時學到的廚藝到香港發展。
記憶所及去過的俄式餐廳有、ABC、皇后、銀馬車、金馬車、龍記、雄雞。
有幸全部去過,而皇后到現在幾拾年還有去,其後分裂出來在深井那一家都有去。
港式俄國餐廳特式是有其麵包糖果部,朱仔包、了結糖等。
羅宋湯是小不免的,亦是他們的招牌菜,當年香港龍記,我就見過他們在廚房有一多金屬大爐來制羅宋湯。
而他們的煎石班魚亦做得非常好。
另外值得一題就是他們的俄國什凍肉冷盤,做得亦非常出式,而細路時
就最愛他們的薯仔沙律。
以前的餐廳總會有快餐、常餐、全餐。而聖誕新年就會貼一張大紙
在門口,賣其聖誕新年大餐,而我總會在這些餐廳門口去數大餐有幾多道菜,當然,他們比此之間總會寫到很多款式,牛油麵包就算一項。
雄雞原址在太子道,現在賣花的舊樓裡,好像還有一間。
而ABC就有好幾間,我去過以前新華戲院隔離的那家,銅鑼灣大丸附近的一家,窩打老道培正附近的一家。
龍記當時就有兩家,一家在中環電車路,(有茶舞跳),一間在灣仔,後來改了做新龍記,其實兩間龍記已變質了小小,沒有完全俄式的食品。
金馬車在北角,銀馬車在去瓜灣,而皇后就出名,前在北角(未去過),
後來在銅鑼灣,再搬往隔離幾條街,同時亦有股東在深井開了一間新皇后。
現在香港的租金太貴了,這些用心機、時間弄出來的美食,一間一間執,可惜。

上海還有一間叫德大的老餐廳,在和平飯店行落五分鐘就到,這間還保存二三拾年代的風貌,
這餐廳在二樓,樓下不起眼,亦沒有什麼裝修,但這可滿足我兒時的回憶。

[ 本帖最後由 kallan 於 2009-1-1 04:03 AM 編輯 ]



還有美而廉呀 。
常餐、快餐、全餐 都有。



引用:
原帖由 kallan 於 2009-1-1 04:00 AM 發表
這從兒童談起:
先講講俄式西餐廳,大概歷史如下:(用記憶記述,可能有誤)
當年俄國十月革命,一些俄國貴族遷到中國東三省,再到上海僑居,在上海開
設了很多俄式西餐廳,在40~50年代,因戰亂關系,很多中國人就 ...
以前係西餐廳學師﹐朝早第一件事就係煮俄國菜湯﹐影響到我以後食西餐﹐點湯一定係點呢樣﹐因為可以保證唔係罐頭湯。

後來有位天才學得<俄國菜湯>拗口難記﹐改叫<羅宋湯>﹐順口高貴好多。華人地區相信只係香港係甘叫。



引用:
原帖由 ahmei 於 2009-1-1 12:04 PM 發表
還有美而廉呀 。
常餐、快餐、全餐 都有。
美而廉個餐湯幾乎是粟米忌廉湯,但找不到粟米,我好記得



[隱藏]
引用:
原帖由 kallan 於 2009-1-1 04:00 AM 發表
這從兒童談起:
先講講俄式西餐廳,大概歷史如下:(用記憶記述,可能有誤)
當年俄國十月革命,一些俄國貴族遷到中國東三省,再到上海僑居,在上海開
設了很多俄式西餐廳,在40~50年代,因戰亂關系,很多中國人就 ...
多年前在展覽中看到有關西菜傳入香港的資料,其中一段零碎資料提及50年代開始俄國菜在香港逐漸流行,跟前輩所說的完全脗合。




以前普通西餐廳每日都有羅宋湯﹐星期五例外。

以前無甘高級既西餐廳﹐唐人好少幫趁﹐主要客路係的老番窮鬼﹐以兵哥最多。

當兵一個星期出一次糧﹐糧期係禮拜五﹐個日使錢特別疏爽﹐首先食個靚餐﹐跟住去酒吧買歡兼買醉。

星期五又遇岩教徒守齋﹐西人多信教﹐唔食肉但可食魚﹐餐廳頭腦轉得快﹐於是當日唔賣羅宋肉湯﹐賣海鮮湯。為左吸引唐人﹐唔叫海鮮湯﹐叫<海龍王湯>﹐你話係唔係高貴好多﹖呢個譯名﹐相信係華人地區﹐唯香港獨有。小市民智慧﹐輕視不得。



由於家貧,說到西餐餐完全不能置啄

不過年少時住荃灣,有間呀巴西餐廳成日在門口行過,好鬼想入去食但冇錢

又有門叫喜萬年的,聖誕大餐有廿四樣食物

當時真係諗過去偷錢都要試食一次!



引用:
原帖由 愚人之石 於 2009-1-2 09:15 PM 發表
由於家貧,說到西餐餐完全不能置啄

不過年少時住荃灣,有間呀巴西餐廳成日在門口行過,好鬼想入去食但冇錢

又有門叫喜萬年的,聖誕大餐有廿四樣食物
...
小時候,爸爸只是帶我到冰室食野咋。最愛紅豆冰,放在枱上,佢高過我eh~~~



引用:
原帖由 愚人之石 於 2009-1-2 09:15 PM 發表
由於家貧,說到西餐餐完全不能置啄

不過年少時住荃灣,有間呀巴西餐廳成日在門口行過,好鬼想入去食但冇錢

又有門叫喜萬年的,聖誕大餐有廿四樣食物
...
以前細路時,聖誕節都喜歡看各大餐廳門前的大餐有幾多項



[隱藏]
講下太平館。
這家餐廳比一般的餐廳貴就是其特點,但拿手出品是
燒乳鴿、燒豬髀飯、和瑞士雞翼。
講起瑞士雞翼其實是港產食品、即是甜豉油雞翼。
段故是有一外籍食家問伙記這好味的食品是什麼?
這個伙記想講sauce,但聽者以為佢講swiss。
最後在雜誌就發表了這道瑞士雞翼了。
但有說這是金鳳餐廳原創,不知誰是誰非了。
60年代尾70年代初,港人因工業起飛,錢就多了,一些情侶餐廳就應運而生。這些情侶餐廳有個特點,就是燈光比較暗。
而當時最流行識女仔的一招是:請妳睇戲鋸扒。
而鋸扒的扒就是那時流行的鐵板(即是燒紅隻牛形鐵板那種)。
而當時流行的餐廳,記得和去過的有:占士邦、紅屋、金谷、金馬、
等等。但黑到伸手不見五指的首選占士邦了。
那時的金馬餐廳有段古。據傳金馬的老板早了馬票二獎(約幾拾萬)就
開了金馬餐廳,金馬這個字就是這原因,奇就奇在過不了幾年又中多次二獎,又開一間,這次更打做一隻金馬立像放在餐廳當眼處。

皇上皇餐廳都要講下,那時彌敦道大大隻招牌:樓下賣腊味,樓上做西餐廳,最出名當然是其火焰雪糕,以前細路覺得好神奇,雪糕都會著火



另一派的餐廳是馬來餐廳,當時佐敦道彌敦道口,兩邊大大話話有五六間餐廳,大部份都是賣馬來式加喱為主:記得有南亞、星加坡、檳城等等。
但我就覺得檳城的加喱比較好食,這類餐廳都有好幾家分店在港九的。
當時這些旺區餐廳,有些可做到零晨四點,一般都一兩點才打烊的。



引用:
原帖由 kallan 於 2009-1-3 12:37 AM 發表
另一派的餐廳是馬來餐廳,當時佐敦道彌敦道口,兩邊大大話話有五六間餐廳,大部份都是賣馬來式加喱為主:記得有南亞、星加坡、檳城等等。
但我就覺得檳城的加喱比較好食,這類餐廳都有好幾家分店在港九的。
當時這 ...
最特別係炒貴刁﹐係呢的馬來餐廳既特色﹐同星馬既味道完全唔同﹐係用星馬版本漸漸迎合港人口味﹐我以前每次由星返港都會食一碟﹐以解鄉愁﹐可惜近年呢類餐廳買少見少。

的海南雞飯唔及星馬﹐不過佢地既湯好特別﹐係有雞雜既﹐為星馬所無。



引用:
原帖由 suencyin 於 2009-1-3 12:48 AM 發表


最特別係炒貴刁﹐係呢的馬來餐廳既特色﹐同星馬既味道完全唔同﹐係用星馬版本漸漸迎合港人口味﹐我以前每次由星返港都會食一碟﹐以解鄉愁﹐可惜近年呢類餐廳買少見少。

的海南雞飯唔及星馬﹐不過佢地既湯好特 ...
咖咉多士,如何? 以前在太子附近有一間室專賣。



引用:
原帖由 kallan 於 2009-1-3 12:32 AM 發表
講下太平館。
這家餐廳比一般的餐廳貴就是其特點,但拿手出品是
燒乳鴿、燒豬髀飯、和瑞士雞翼。
講起瑞士雞翼其實是港產食品、即是甜豉油雞翼。
段故是有一外籍食家問伙記這好味的食品是什麼?
這個伙記想講sa ...
據經營太平館的徐家後人所說,瑞士雞翼的名稱誕生於清末時期。



[隱藏]
引用:
原帖由 kallan 於 2009-1-1 04:00 AM 發表
龍記當時就有兩家,一家在中環電車路,(有茶舞跳),一間在灣仔,後來改了做新龍記,其實兩間龍記已變質了小小,沒有完全俄式的食品。
小時會去龍記門口買半磅方包,要上幾級樓梯,企係俾$買有時睇佢地CUT.
不過印像中沒去龍記吃過飯.



鍵盤翻頁
左右