註冊 登入



打印

駁髮黑店(西九5樓)大家小心, 本人真人真事

駁髮黑店(西九5樓)大家小心, 本人真人真事 E-mail 此主題給朋友

[隱藏]
前日我到西九龍中心蘋果商場5樓駁髮, 黑店叫 "永x美甲美髮"
原本諗住駁得靚靚地下星期去飲宴, 點知.....唉!!

事原係咁:

入到去我話想駁曲髮, 問佢以我既長度應該要駁幾多束呢?
佢話: 你d頭髮駁200束應該夠, 200束佢收我$380, 咁個價錢都ok...
咁就揀顏色, 個顏色係佢幫我襯既, 我自己就覺得好淺色,
但佢話隻色岩ga喇,,,,咁我就信佢....

(長話短說...)

駁完200束後, 只係駁得一邊,
另一邊得好少, 咁佢話可能唔夠厚, 起碼要駁多150束....加多$140 =.=''
我心諗: 下, 咁都冇辦法啦, 而家駁到一半..... 局住要就範駁多150束!!!!
Total: $520
岩岩駁起真係幾靚......但點知....件事未完

第二日返工個個都讚好睇....以為好開心啦...
返到屋企洗頭, 唔洗由自可....一洗完之後, d駁髮全部即刻直哂, 仲好"立"
吹乾左都仲好"立", d駁髮好假....第2日起身仲恐怖, 感覺好假, 好鞋, 打結
大佬, 駁左2日就變到咁..... $520玩2日.....火都黎埋
返到公司, d同事都問我做咩d駁髮睇落鞋左咁多.....尋日都仲好靚! =.=''

俾d同事講兩講, 我仲火起....即刻打去間野到問佢,
個女仔聽, 我話我d駁髮駁左兩日就直番哂, 又鞋, 打哂結...
要求佢地幫我免費拆哂佢,
點知個女仔話:你駁左兩日係拆唔到ga......起碼要兩個禮拜先可以拆!!!!!!!
我話: 下...我而家個頭好肉酸呀, 又鴛鴦色又鞋又假......
個女仔話: 而家我老細唔係到, 我話唔到事.......衝衝收線!

我今日放工會直接上去西九嘈佢, 叫佢幫我拆番哂!!!!
呢件事全部係我自己親身經歷.....希望各位姊妹小心!千其唔好俾d奸商呃...
因為d奸商真係好無良,,,正pk, 果d係我d頭髮黎ga, 整到我咁, 我點見人
千其唔好貪平去西九到整, 諗住貪平去西九整, 點知仲整貴左!!!!
我問過人, 西九果d好多都呃人呃錢, 迫你就範~~
今次我公開呢件事, 係唔想再有人俾呢間pk黑店呃, 搵笨, 當我地係水魚咁ṃ!!!!

大家小心......



*我愛你這秘密 誰願意去證實*

回覆 引用 TOP

精選樓盤
我上次陪我個fd入去西九度駁髮
不過唔知係邊一間
佢又駁得幾好睇,佢次次都起o個度駁的
但我o地入去之前有另一個女仔駁緊
不過o個個女仔駁完之後好似唔係幾滿意
但佢都冇咩o野

不過我覺得salon駁會Pro d



回覆 引用 TOP




回覆 引用 TOP

我都去過西九駁..
果時剪完BOB頭又後悔..所以去駁..
點知果個人駁駁下話D頭髮好厚要再多D.
到最後埋單又係$520 =0=

過左一排D髮質又係勁核突..仲差過自己果D..
最後駁左2個月到頂唔順拆哂LU..

我唔知係咪同樓主同一間..不過西九駁髮原來咁多問題



回覆 引用 TOP

[隱藏]
我曾經試過係西九度駁過 ... 不過出泥既效果都唔錯
仲keep左好耐tim ... 不過果度有好多間
真係唔知邊間先至好 ...



回覆 引用 TOP




回覆 引用 TOP

我去西九駁過2次~~~

我唔記得店名啦...
有一間係有2~3個 o靚妹既....
d 裝潢 睇落好似 fashion d 咁既...
o個間唔掂, 個妹駁得好求祈~
過左幾日就打結, d 位又唔岩, 突哂出黎....

另外有一間係好簡陋, 係個阿姨黎既...40幾歲~
o個間就幾好~
個阿姨好nice , 又有耐心 , 唔會迫人駁勁貴...
而且教左我好多點樣去護理~
你一開始講明你要幾多就幾多~
一邊傾計, 雖然慢左d , 但個效果好好~

我估樓主你係處理上都有d 問題~
如果係駁膠既, 唔好吹頭 , 因為會令d 膠溶左 , d 真頭髮癡左上去就會打結!
另外唔好用梳梳個駁位~
而且洗頭要打直洗, 唔好將d頭髮倒轉黎洗, 都係會打結....

另外你話變返直...
因為西九o個d 都係平野, 唔係真髮...
所以本身係電唔直既~
你所買既曲假髮, 我唔知佢用d 咩去整到佢曲左
但只要你一洗, 佢就會變番直, 可能係加左d 化學野令佢曲

你一係就去嘈佢
一係就唯有去 salon 叫人幫你拆, 都係要比$



回覆 引用 TOP

前日突然好想駁髮, 我朋友就介紹我去西九度整,我見佢之前都駁得幾好,所以就信佢去西九度整。臨去之前諗住上網搵個電話打去問問,先發現好多人都話西九d鋪頭有問題, 搞到我想縮沙,不過由於我太想整, 結果都係去左博一博。

依家整好左lu,我唔敢講話好好,因為我覺得咁平,唔可以真係要求好高。

我去5樓其中一間, 個亞姨好好,本來佢收鋪走嫁勒,但係見我地一場去到,佢都做埋我生意先,仲要等我同朋友食埋晚飯先(差唔多一個鐘)。

一黎就講定價錢,$350整成個頭,到最後無預期要用咁多束,主動收少我$50。即係$300搞掂。

因為我駁曲髮,都唔會 expect d 髮質非常好,但係都算唔錯,我見佢其他直髮就好好,好滑。

亞姨手勢都唔錯,有心機,最緊要係佢無屈錢。下次都會搵返佢整。heehee



回覆 引用 TOP

...

我都係去5樓個阿姨到駁髮
佢整得幾好  
而且d假曲髮吾會打cake



回覆 引用 TOP

[隱藏]
don't go, support


回覆 引用 TOP

我都試過,不過5 係西九,係係mk,同樓主情況參5多, 係上年既事,我當時係短頭髮,大慨到耳仔對下一兩寸
駁髮果時話$250有200束包全頭,我都一樣問佢係咪夠,佢都一樣話夠, 駁完髮之後的而且確係全個頭,不過駁完個頭好薄,上重下極度稀疏,可以想像到係好似人哋有病咁吔頭髮生5齊咁, 我話駁到咁,完全都5似人哋駁完禁自然,佢話一係加多$250可以駁多200束,咁我都一樣冇計,點知駁完又係咁,只係好咗少少,一樣好疏落咁好少頭髮,一d都5 似一把完整既長髮,咁我問佢點係咪又要再加錢駁多d髮先得,今次佢居然話5得,因為以經冇位比佢再加髮,焗住收貨走,返到居企我叫我細妹望下我個頭,佢發現原來每束既駁髮係好糼得幾條為一束,我先明點解會駁咁多都5夠,超嬲  



回覆 引用 TOP

咁恐怖ge ?仲諗住試下駁髮...


回覆 引用 TOP

200束有乜可能駁得半邊=..=仲要差唔多400蚊太貴了@_@
我之前同我個fd去西九龍駁.駁300束都唔洗350蚊.
但係西九龍d技術係好差囉-_-
佢地剩係想賺$.唔會理你駁出泥點..
你唔嫌遠的話..
你駁髮可以去天水圍新北江廣場或者元朗嘉誠廣場.
駁得好睇好多



回覆 引用 TOP

就算找到間ok既鋪頭......
駁髮都好快玩完
始終d頭髮唔係自己..........
佢話係真髮,咁長既真髮,點得黎??????????????



我的M字額blog,有興趣既朋友歡迎留言(時常更新)
http://hk.myblog.yahoo.com/rodman_01hk/

回覆 引用 TOP

[隱藏]
唉 貪令既教訓=_=!!!!!


回覆 引用 TOP

 16 12
 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。